2. O‘zbekiston Respublikasi Fuqarolik protsessual kodeksining (bundan buyon matnda FPK deb yuritiladi) 35-moddasiga asosan mulkni ro‘yxatdan chiqarish to‘g‘risidagi da’volar mulk joylashgan joydagi sudning sudloviga tegishlidir. Agar shu ish boshqa sudda, xususan dalillarning ko‘pi bo‘lgan joydagi sudda tez va har tomonlama ko‘rilishi mumkin deb topilsa, sud FPK 31-moddasining
ikkinchi qismiga binoan ishni ko‘rish uchun shu joydagi sudga o‘tkazish to‘g‘risida ajrim chiqarishga haqlidir.
8. Sudya mulkni ro‘yxatdan chiqarish to‘g‘risidagi arizani qabul qilgach, da’voni ta’minlash maqsadida (FPK 106-moddasi birinchi qismining 4-bandi) nizoli mulkka nisbatan ijro harakatlarini to‘xtatish haqida ajrim chiqarishi va uning ko‘chirma nusxasini O‘zbekiston Respublikasi Bosh prokuraturasi huzuridagi Majburiy ijro byurosining hududiy bo‘limiga yuborishi lozim.
Agar nizoli mulk g‘ayriqonuniy yoki davlat zarariga qilingan harakatlar tufayli orttirilgan bo‘lsa, O‘zbekiston Respublikasi FKning 1023-moddasi tartibida bu mulk prokuror, manfaatdor tashkilot yoki shaxslarning da’vosiga ko‘ra davlat daromadiga yoki yetkazilgan zararni undirish hisobiga o‘tkazilishi mumkin.
Fuqarolik kodeksining 224-moddasi talabiga ko‘ra, hukmning fuqaroviy da’voga va boshqa mulkiy undirishlarga doir qismining ijrosini ta’minlash uchun umumiy mol-mulk xatlanganda, umumiy mulkning ulushli mulkdori shu mulkni imtiyozli sotib olish huquqiga ega bo‘ladi. Ulushni imtiyozli sotib olish huquqini boshqa shaxsga berishga yo‘l qo‘yilmaydi.
17. Sudlar shuni nazarda tutishlari lozimki, mulkni ro‘yxatdan chiqarish haqidagi talablarga ham O‘zbekiston Respublikasi Fuqarolik kodeksining 150-moddasida ko‘zda tutilgan 3 yillik umumiy da’vo muddati tatbiq qilinadi. Da’vo muddatining o‘tishi manfaatdor shaxsning o‘ziga tegishli mulkning ro‘yxatga olinganligini bilgan yoki bilishi lozim bo‘lgan kundan boshlanadi.