1. Tushuntirilsinki, O‘zbekiston Respublikasi Jinoyat kodeksi (bundan buyon matnda JK deb yuritiladi) 210-moddasining subyekti davlat organi, davlat ishtirokidagi tashkilot yoki fuqarolarning o‘zini o‘zi boshqarish organlari mansabdor shaxsi hisoblanadi.
Bu o‘rinda JKning 212-moddasi bo‘yicha vositachining harakatini tavsiflashda uning pora oluvchi yoki beruvchidan o‘z xizmati evaziga mukofot olgan-olmaganligining ahamiyati yo‘q.
13. Jinoyat kodeksining 210,
211,
212-moddalari 1,2 va 3-qismlarida ko‘zda tutilgan belgilarga tushuvchi jinoyatni JKning
33-moddasida ko‘rsatilgan qoidalarga asosan shu moddalarning 3-qismi bilan tavsiflash kerak. Bu holda hukmning tavsif qismida qilmishning barcha tavsiflash belgilari va mahkumning sodir etganlikda aybdor deb topilgan barcha harakatlari ko‘rsatilishi zarur.
Pora berganlik to‘g‘risida ixtiyoriy ravishda xabar berganlik bir vaqtning o‘zida mansabdor shaxs tomonidan pora olingani haqida ham xabar hisoblanadi, shu sababli sudlar JKning 237-moddasiga binoan yolg‘on xabar berganlik uchun javobgarlik to‘g‘risida arizachiga tushuntirilgan-tushuntirilmaganligiga e’tibor berishlari zarur. Agar yolg‘on ariza berganlik holati aniqlansa, sud arizachini qonuniy javobgarlikka tortish chorasini ko‘rishi kerak.