Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
Ўз
O‘z|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
94/19-4 31.12.2013
Surxondaryo viloyati xalq deputatlari Termiz shahar Kengashining
Qarori
Termiz shahrining 2014 yilgi mahalliy budjeti parametrlari haqida
O‘zbekiston Respublikasi Oliy Majlisi Senatining 2013-yil 12-dekabrdagi SQ-399-II-son «O‘zbekiston Respublikasining 2014-yilgi Davlat budjeti to‘g‘risida»gi
qarorining
ijrosini ta’minlash hamda O‘zbekiston Respublikasining «Mahalliy davlat hokimiyati to‘g‘risida»gi
Qonuniga
asosan xalq deputatlari Termiz shahar Kengashi qaror qiladi:
1. O‘zbekiston Respublikasi Oliy Majlisi Senatining ushbu qarori bilan O‘zbekiston Respublikasining 2014-yilgi Davlat budjeti, budjet taqchilligining eng yuqori darajasi yalpi ichki mahsulot hajmiga nisbatan 1,0 foiz miqdori belgilanganligi ma’lumot uchun qabul qilinsin.
2. 2014-yil uchun Termiz shahri bo‘yicha soliqlar va daromadlar tushumlarining istiqbol ko‘rsatkichlari 1-ilovaga
*
va Termiz shahar mahalliy budjetining 2014-yilgi asosiy ko‘rsatkichlari 2-ilovaga
*
muvofiq tasdiqlansin.
* 1-2-ilovalar berilmaydi.
3. Termiz shahar hokimligi:
iqtisodiyotni yanada liberallashtirish yuzasidan iqtisodiy va moliyaviy barqarorlikni ta’minlashni, aholining daromadlar darajasini va turmush farovonligini oshirishga, ijtimoiy dasturlar ustuvor tarzda moliyalashtirilishini va budjet mablag‘lari iqtisod qilinishini ta’minlasin;
iqtisodiyot va aholi zimmasidagi mahalliy soliq yukini izchillik bilan kamaytirish borasidagi ishlarni davom ettirsin, xo‘jalik yurituvchi subyektlarning ishchanlik faolligini oshirishga, korxonalarning iqtisodiy mustaqilligini, eng avvalo, olingan daromadlarni tasarruf etish masalalaridagi mustaqilligini kengaytirishga ko‘maklashadigan chora-tadbirlar qabul qilinsin;
ijtimoiy sohaga qilinadigan davlat xarajatlarining, shu jumladan ta’limni rivojlantirish, tibbiy xizmatlar sifatini yaxshilash, ijtimoiy infratuzilmani rivojlanishi xarajatlarini yanada kuchaytirish yo‘li bilan aholi turmush farovonligini oshirish bo‘yicha choralarni ro‘yobga chiqarishni davom ettirsin;
mamlakatda ishlab chiqarilayotgan tovarlar va ko‘rsatilayotgan xizmatlarning ichki hamda tashqi bozorlarda raqobatbardoshligini ta’minlash maqsadida iqtisodiyotda yangi yuqori texnologik korxonalar va ishlab chiqarishlar ildam rivojlantirilishini ta’minlashga, ishlab turgan quvvatlarni modernizatsiyalash va texnik yangilash jarayonlarini tezlashtirishga qaratilgan tarkibiy o‘zgartirishlar dasturlarini amalga oshirishni, ishbilarmonlik muhitini hamda xo‘jalik yurituvchi subyektlarning moliyaviy barqarorligini tubdan yaxshilashni davom ettirsin;
budjet mablag‘laridan va budjetdan tashqari mablag‘larning maqsadli, manzilli va samarali foydalanishi ustidan qat’iy nazoratni ta’minlash maqsadida O‘zbekiston Respublikasi Davlat budjetining g‘azna ijrosi tizimini takomillashtirish bo‘yicha davlat xaridlari jarayonini tartibga soladigan, davlat xaridlarini joylashtirishda oshkoralikni, ochiq-oydinlikni ta’minlashga hamda raqobat muhitini qo‘llab-quvvatlashga qaratilgan normativ-huquqiy hujjatlar bilan belgilangan vazifalarning ijrosini so‘zsiz ta’minlasin;
soliq-budjet qonunchiligining mohiyatini, ahamiyatini hamda mexanizmlarini barcha soliq to‘lovchilar va budjetdan mablag‘ oluvchilar e’tiboriga yetkazish yuzasidan seminarlar hamda boshqa turdagi tushuntirish ishlarini muntazam ravishda olib borishni tashkillashtirsin.
4. Shahar Davlat soliq inspeksiyasi budjetga to‘lovlar to‘liq undirilishini, shahar moliya bo‘limi xarajatlarning mahalliy budjetlardan o‘z vaqtida moliyalashtirilishini ta’minlasinlar va budjet mablag‘laridan samarali foydalanish ustidan qat’iy va ta’sirchan nazorat o‘rnatsinlar.
5. Ushbu qarorning bajarilishini nazorat qilish xalq deputatlari Termiz shahar Kengashining «Mahalliy budjetni shakllantirish va ijro etish, iqtisodiy islohotlarni amalga oshirish hamda tadbirkorlikni rivojlantirish masalalari» bo‘yicha doimiy komissiyasi raisi zimmasiga yuklatilsin.
6. Ushbu qaror rasmiy nashrda e’lon qilingan kundan kuchga kiradi.
Xalq deputatlari Termiz shahar Kengashi raisi Sh. ARIPOVA
Termiz sh.,
2013-yil 31-dekabr,
94/19-4-son
×
×