Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
Ўз
O‘z|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Жорий версия
09.11.2021
06.12.2019
07.09.2018
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
PQ-3930 05.09.2018
Hujjat 06.12.2019 sanasi holatiga
Amaldagi versiyaga o‘tish
[
OKOZ:
1.
05.00.00.00 Mehnat va aholining bandligi to‘g‘risidagi qonunchilik / 05.08.00.00 Kasbiy tayyorgarlik, malaka oshirish va qayta tayyorlash]
[
TSZ:
1.
Ijtimoiy-madaniy masalalar / Mehnat. Aholining bandligi]
O‘zbekiston Respublikasi Prezidentining
Qarori
Oldingi
tahrirga qarang.
Korporativ, loyiha boshqaruvi sohasida kadrlarni tayyorlash, qayta tayyorlash va ularning malakasini oshirish tizimini takomillashtirish bo‘yicha qo‘shimcha chora-tadbirlar to‘g‘risida
(qaror nomi O‘zbekiston Respublikasi Prezidentining 2019-yil 5-dekabrdagi PQ-4544-sonli
qarori
tahririda — Qonun hujjatlari ma’lumotlari milliy bazasi, 06.12.2019-y., 07/19/4544/4111-son)
Oldingi
tahrirga qarang.
Oliy ta’lim muassasalari va oliy o‘quv yurtidan keyingi ta’lim muassasalarida ta’limning ilg‘or usullarini joriy etish, shuningdek, korporativ, loyiha boshqaruvi sohasida kadrlarni tayyorlash, qayta tayyorlash va ularning malakasini oshirish tizimini yanada takomillashtirish maqsadida:
(muqaddima O‘zbekiston Respublikasi Prezidentining 2019-yil 5-dekabrdagi PQ-4544-sonli
qarori
tahririda — Qonun hujjatlari ma’lumotlari milliy bazasi, 06.12.2019-y., 07/19/4544/4111-son)
1. O‘zbekiston Respublikasi Prezidenti huzuridagi Loyiha boshqaruvi milliy agentligi huzuridagi Korporativ boshqaruv ilmiy-ta’lim markazining nomi O‘zbekiston Respublikasi Prezidenti huzuridagi Loyiha boshqaruvi milliy agentligi qoshidagi Abu Rayhon Beruniy nomidagi Biznes va boshqaruv respublika oliy maktabi deb o‘zgartirilsin (keyingi o‘rinlarda Biznes va boshqaruv oliy maktabi deb yuritiladi).
2. Biznes va boshqaruv oliy maktabiga O‘zbekiston Respublikasi Prezidenti huzuridagi Loyiha boshqaruvi milliy agentligi (keyingi o‘rinlarda — Milliy agentlik) bilan kelishilgan holda:
shu sohadagi yetakchi xorijiy ta’lim muassasalari bilan ushbu muassasalarning o‘quv rejalari va dasturlari asosida O‘zbekiston Respublikasida tan olinadigan davlat namunasidagi diplomlar bergan holda magistratura dasturlari yuzasidan “ikki diplom” (double degree) modeli bo‘yicha o‘qishni tashkil etish borasida kelishuvlar tuzish;
jahondagi ta’lim faoliyatiga doir eng namunali amaliyot va mehnat bozorining real talablarini hisobga olgan holda normativ va qisqartirilgan muddatlarda (an’anaviy va masofaviy texnologiyalar), ishlab chiqarishdan ajralmagan holda magistraturada o‘qishni tashkil etish, shuningdek, Biznes va boshqaruv oliy maktabi dasturlari bo‘yicha o‘qish uchun nomzodlarni tanlab olish mezonlarini belgilash;
Biznes va boshqaruv oliy maktabi professor-o‘qituvchilari faoliyatining turlari bo‘yicha vaqt me’yorlarini, shuningdek, ular uchun cheklangan o‘quv yuklamasini belgilash;
Biznes va boshqaruv oliy maktabining tuzilmasi, shtatlar jadvali, xodimlari va jalb etiladigan konsultantlar (ekspertlar) mehnatiga, shu jumladan, soatbay haq to‘lash miqdori va tizimini belgilash huquqi berilsin.
3. Quyidagilar Biznes va boshqaruv oliy maktabi faoliyatini moliyalashtirishning manbalari etib belgilansin:
to‘lov-kontrakt asosida o‘qitishdan tushadigan mablag‘lar;
xo‘jalik faoliyati va shartnoma asosida xizmatlar ko‘rsatishdan tushadigan mablag‘lar;
bo‘sh turgan mablag‘larni tijorat banklari depozitlariga joylashtirishdan olinadigan daromadlar;
jismoniy va yuridik shaxslarning homiylik xayriya mablag‘lari;
xalqaro moliya institutlari va xorijiy tashkilotlarning grantlari;
qonun hujjatlari bilan taqiqlanmagan boshqa manbalar.
4. Oliy ta’lim muassasalariga, oliy o‘quv yurtidan keyingi ta’lim, kadrlarni qayta tayyorlash va ularning malakasini oshirish muassasalariga, ularning mulkchilik shakli va bo‘ysunuvidan qat’i nazar, masofaviy o‘qitishni tashkil etish huquqi berilsin.
Keyingi
tahrirga qarang.
5. Milliy agentlik:
a) 2018-yil 1-oktabrga qadar muddatda:
O‘zbekiston Respublikasi Oliy va o‘rta maxsus ta’lim vazirligi bilan birgalikda oliy ta’lim muassasalarida, oliy o‘quv yurtidan keyingi ta’lim, kadrlarni qayta tayyorlash va ularning malakasini oshirish muassasalarida masofaviy o‘qitishni amalga oshirish tartibi to‘g‘risidagi nizomni;
Davlat va xo‘jalik boshqaruvi organlarida, mahalliy davlat hokimiyati organlarida, davlat korxonalari va ustav jamg‘armasi (kapitali)da davlat ulushi 50 foiz va undan ko‘proq miqdorda bo‘lgan yuridik shaxslar, ustav jamg‘armasi (kapitali)ning 50 foizi va undan ko‘proq miqdori davlat ulushi 50 foiz va undan ko‘proq bo‘lgan yuridik shaxsga tegishli yuridik shaxslarda faoliyat yurituvchi davlat xaridlari sohasidagi mutaxassislarni majburiy sertifikatlashtirish to‘g‘risidagi nizomni, ushbu mutaxassislarni majburiy sertifikatlashtirishni 2019-yil 1-martdan amalga oshirishni nazarda tutgan holda;
b) 2018-yil 1-noyabrga qadar muddatda:
Biznes va boshqaruv oliy maktabi ustavini, shu jumladan, uning Vasiylik kengashi tarkibini;
Biznes va boshqaruv oliy maktabiga o‘qishga qabul qilish va o‘qitishni tashkil etish tartibi to‘g‘risidagi nizomni;
Biznes va boshqaruv oliy maktabi professor-o‘qituvchilari tarkibini tanlab olish tartibi to‘g‘risidagi nizomni ishlab chiqsin va tasdiqlasin.
6. Milliy agentlikka:
Oldingi
tahrirga qarang.
loyiha va korporativ boshqaruv, baholash faoliyatida, loyihaviy moliyalashtirish, strategik va moliyaviy menejment sohasidagi davlat ta’lim standartlari, shu jumladan, o‘quv yuklamasi hajmlari, malaka talablari, o‘quv rejalari va dasturlarini tasdiqlash;
(6-bandning ikkinchi xatboshisi O‘zbekiston Respublikasi Prezidentining 2019-yil 5-dekabrdagi PQ-4544-sonli
qarori
tahririda — Qonun hujjatlari ma’lumotlari milliy bazasi, 06.12.2019-y., 07/19/4544/4111-son)
Biznes va boshqaruv oliy maktabining magistraturasiga o‘qishga qabul qilish kvotalarini belgilash;
Biznes va boshqaruv oliy maktabining magistraturasiga kirish imtihonlarini o‘tkazish shakllari, fanlar, dasturlar, natijalarni baholash mezonlari ro‘yxatini tasdiqlash huquqi berilsin.
7. O‘zbekiston Respublikasi Prezidentining 2015-yil 30-sentabrdagi “Korporativ boshqaruv ilmiy-ta’lim markazi faoliyatini tashkil etish chora-tadbirlari to‘g‘risida”gi PQ-2414-son qarorining 8-bandida nazarda tutilgan imtiyozlarning amal qilish muddati 2022-yil 1-iyulga qadar uzaytirilsin.
8. O‘zbekiston Respublikasi Prezidentining 2015-yil 30-sentabrdagi “Korporativ boshqaruv ilmiy-ta’lim markazi faoliyatini tashkil etish chora-tadbirlari to‘g‘risida”gi PQ-2414-son qarorining rus tilidagi matnida 4-bandning ikkinchi xatboshisi quyidagi tahrirda bayon etilsin:
“Predostavit direktoru Visshey shkoli biznesa i upravleniya pravo vnosit, pri neobxodimosti, po soglasovaniyu s Natsionalnim agentstvom proyektnogo upravleniya pri Prezidente Respubliki Uzbekistan izmeneniya v organizatsionnuyu strukturu Visshey shkoli biznesa i upravleniya”.
9. O‘zbekiston Respublikasi Vazirlar Mahkamasining 2015-yil 27-oktabrdagi “Korporativ boshqaruv ilmiy-ta’lim markazining samarali faoliyatini ta’minlashga doir tashkiliy chora-tadbirlar to‘g‘risida”gi 305-son qarori 1-bandining
ikkinchi — to‘rtinchi xatboshilari
, shuningdek, qarorning
1 — 3-ilovalari
2018-yil 1-noyabrdan o‘z kuchini yo‘qotgan deb hisoblansin.
10. Milliy agentlik manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida takliflar kiritsin.
11. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi Rahbari Z.Sh. Nizomiddinov, O‘zbekiston Respublikasi Prezidenti maslahatchisining birinchi o‘rinbosari B.M. Mavlonov, O‘zbekiston Respublikasi Prezidenti huzuridagi Loyiha boshqaruvi milliy agentligi direktorining birinchi o‘rinbosari D.R. Li va O‘zbekiston Respublikasi Bosh vazirining o‘rinbosari A.A. Abduhakimov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2018-yil 5-sentabr,
PQ-3930-son
(Qonun hujjatlari ma’lumotlari milliy bazasi, 07.09.2018-y., 07/18/3930/1850-son; 06.12.2019-y., 07/19/4544/4111-son;
Qonunchilik ma’lumotlari milliy bazasi, 09.11.2021-y., 06/21/3/1037-son
)
×
×