Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
Ўз
O‘z|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Жорий версия
26.02.2024
14.01.2022
12.04.2021
20.06.2019
10.12.2018
15.08.2018
15.11.2017 1
28.08.2017
19.10.2004
14.04.2004
28.02.2003
23.12.2000
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
496 23.12.2000
×
×
O‘ZBEKISTON RESPUBLIKASIDA YER MONITORINGI TO‘G‘RISIDA NIZOMNI TASDIQLASh HAQIDA
ILOVA
O‘zbekiston Respublikasida Yer monitoringi to‘g‘risida NIZOM
[
OKOZ:
1.
11.00.00.00 Atrof tabiiy muhit va tabiiy resurslar / 11.03.00.00 Erdan foydalanish va muhofaza qilish / 11.03.04.00 Erning davlat hisobi. Davlat yer kadastri. Er monitoringi]
[
TSZ:
1.
Tabiiy resurslar / Er]
O‘zbekiston Respublikasi Vazirlar Mahkamasining
qarori
O‘ZBEKISTON RESPUBLIKASIDA YER MONITORINGI TO‘G‘RISIDA NIZOMNI TASDIQLASh HAQIDA
Yer fondidagi o‘zgarishlarni o‘z vaqtida aniqlash uchun uning holatini kuzatib borish, yerlarga baho berish, salbiy jarayonlarning oldini olish va oqibatlarini tugatish, davlat yer kadastri yuritilishini, yerdan foydalanishni, yer tuzishni, yer fondidan belgilangan maqsadda va oqilona foydalanish, yerlarni muhofaza qilish ustidan davlat nazorati amalga oshirilishini axborot bilan ta’minlash maqsadida Vazirlar Mahkamasi qaror qiladi:
1. O‘zbekiston Respublikasida Yer monitoringi to‘g‘risidagi
Nizom
ilovaga muvofiq tasdiqlansin.
Oldingi
tahrirga qarang.
2. O‘zbekiston Respublikasi Moliya vazirligi, Iqtisodiyot vazirligi 2001-yilda va undan keyingi yillarda davlat budjetidan O‘zbekiston Respublikasi Qishloq xo‘jaligi vazirligi va Davlat soliq qo‘mitasi huzuridagi Kadastr agentligi tomonidan yer monitoringini amalga oshirish xarajatlarini qoplash uchun zarur mablag‘lar ajratishni nazarda tutsinlar.
(2-band O‘zbekiston Respublikasi Vazirlar Mahkamasining 2022-yil 14-yanvardagi 22-sonli
qarori
tahririda — Qonunchilik ma’lumotlari milliy bazasi, 14.01.2022-y., 09/22/22/0024-son)
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari T. Xoltoyev zimmasiga yuklansin.
O‘zbekiston Respublikasi Bosh vaziri O‘. SULTONOV
Toshkent sh.,
2000-yil 23-dekabr,
496-son
Vazirlar Mahkamasining 2000-yil 23-dekabrdagi 496-son
qaroriga
ILOVA
O‘zbekiston Respublikasida Yer monitoringi to‘g‘risida
NIZOM
1. Yer monitoringi yer fondidagi o‘zgarishlarni o‘z vaqtida aniqlash, yerlarga baho berish, salbiy jarayonlarning oldini olish va oqibatlarini tugatish maqsadida uning holatini kuzatib borish tizimidan iborat.
2. O‘zbekiston Respublikasining barcha yerlari, ularning huquqiy rejimi, foydalanilish maqsadi va xarakteridan qat’i nazar, monitoring obyekti hisoblanadi.
3. Monitoring yerlardan foydalanish maqsadini hisobga olgan holda olib boriladi va yer fondi toifalariga muvofiq bo‘lgan quyidagi kichik tizimlarga bo‘linadi:
qishloq xo‘jaligi maqsadidagi yerlar monitoringi;
aholi punktlari yerlari monitoringi;
sanoat, transport, aloqa, mudofaa va boshqa maqsadlardagi yerlar monitoringi;
tabiatni muhofaza qilish, sog‘lomlashtirish, rekreatsion maqsadlardagi yerlar monitoringi;
tarixiy-madaniy maqsadlardagi yerlar monitoringi;
o‘rmon fondi yerlari monitoringi;
suv fondi yerlari monitoringi;
zaxira yerlar monitoringi.
4. Quyidagilar O‘zbekiston Respublikasi yer monitoringining asosiy vazifalari hisoblanadi:
yer fondi holati o‘zgarishlarini o‘z vaqtida aniqlash ustidan kuzatishlar tizimini tashkil etish va amalga oshirish, ularni baholash, salbiy jarayonlarni prognozlash hamda ularning oldini olish va bartaraf etish bo‘yicha tavsiyalar ishlab chiqish;
davlat yer kadastri yuritilishini, yerdan foydalanishni, yer tuzishni, yer fondidan maqsadli va oqilona foydalanish, yerlarni muhofaza qilish va yer resurslarini davlat tomonidan boshqarishga doir boshqa funksiyalar ustidan davlat nazoratini axborot bilan ta’minlash.
5. Hududiy qamrab olinishiga ko‘ra yerlarning respublika, mintaqaviy va mahalliy monitoringi amalga oshiriladi.
Respublika monitoringi O‘zbekiston Respublikasining butun hududini qamrab oladi.
Mintaqaviy monitoring fizik-geografik, ma’muriy va boshqa chegaralar bilan chegaralangan hududlarni qamrab oladi.
Mahalliy monitoring alohida yer uchastkalari va manzara-ekologiya komplekslarini qamrab oladi.
6. Yer monitoringi mazmuni yer fondi holatini maxsus tashkil etilgan muntazam kuzatishlar (suratga olish, tekshirish va qidiruv)dan, quyidagilar o‘zgarishlarini aniqlash, baholash va prognozlashdan iborat bo‘ladi:
yerga egalik qilish, yerdan foydalanish, ekinzorlar, dalalar, uchastkalar, manzara-ekologiya komplekslarining holati;
erlar unumdorligining o‘zgarishiga, ularning tanazzuli va destruksiyasi (aridizatsiya va cho‘llanishi, suv, irrigatsiya va shamol eroziyasi, chirindi miqdori o‘zgarishi, tuproq tarkibining o‘zgarishi, ohakliligi, begona o‘t bosganligi, sho‘rlanganligi, qishloq xo‘jaligi yerlarining o‘t bosganligi, yerlarning pestitsidlar, og‘ir metallar, radionuklidlar va boshqa toksik moddalar, sanoat, maishiy va boshqa chiqindilar bilan ifloslanishi)ga ta’sir qiluvchi jarayonlar (omillar);
tabiiy ozuqabop o‘tlar qoplami holatining o‘zgarishi (o‘simliklar tarkibi, tuzilishi, hosildorligi, sifati va to‘yimliligining o‘zgarishi) bilan bog‘liq jarayonlar;
daryolar qirg‘oqlarining, Orol dengizi, ko‘llar, suv omborlari, irrigatsiya va gidrotexnika inshootlarining holati;
jarliklar va o‘pqonlar, o‘pirilishlar, sel oqimlari, zilzilalar, suv toshqinlari, “degishlar”, karst, yer cho‘kishi, boshqa ekzogen va endogen jarayonlar va antropotexnogen hodisalar tufayli paydo bo‘lgan jarayonlar;
aholi yashash joylari, neft va gaz qazib olish, tozalash inshootlari, go‘ngxonalar, axlatxonalar, yonilg‘i-moylash materiallari, o‘g‘itlar, zaharli ximikatlar omborlari, toksik sanoat chiqindilari va radioaktiv materiallar ko‘milgan joylar, shuningdek boshqa sanoat obyektlari yerlarining holati.
7. Yerlarning holati o‘zgarishlarning yo‘nalishi va jadalligiga oid bir qancha izchil kuzatishlarni (davriy, mavsumiy, sutkalik) tahlil qilish, olingan ko‘rsatkichlarni yerlarning sifat holati normativlari bilan taqqoslash orqali baholanadi. Yer holatini baholash ko‘rsatkichlari muayyan davr yoki sana uchun ham absolyut, ham nisbiy ko‘rsatkichlarda (o‘lchov birligida) ifodalanadi.
8. Yerlar holatini baholash natijalariga ko‘ra tezkor ma’lumotlar, axborotlar, prognozlar va tavsiyanomalar tuziladi, ularga o‘zgarishlar, ayniqsa salbiy o‘zgarishlarning dinamikasini, ularning yo‘nalishini va jadalligini tavsiflovchi mavzuli xaritalar, kartogrammalar, jadvallar va diagrammalar ilova qilinadi.
Oldingi
tahrirga qarang.
Oldingi
tahrirga qarang.
9. Yer monitoringi O‘zbekiston Respublikasi Qishloq xo‘jaligi vazirligi, Iqtisodiyot va moliya vazirligi huzuridagi Kadastr agentligi va O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi tomonidan O‘zbekiston Respublikasi Qishloq xo‘jaligi vazirligi, O‘zbekiston Respublikasi Qurilish va uy-joy kommunal xo‘jaligi vazirligi, O‘zbekiston Respublikasi Tog‘-kon sanoati va geologiya vazirligi, O‘zbekiston Respublikasining boshqa manfaatdor vazirliklari va idoralari ishtirokida amalga oshiriladi.
(9-bandning birinchi xatboshisi O‘zbekiston Respublikasi Vazirlar Mahkamasining 2024-yil 24-fevraldagi 100-sonli
qarori
tahririda — Qonunchilik ma’lumotlari milliy bazasi, 26.02.2024-y., 09/24/100/0152-son)
Oldingi
tahrirga qarang.
Fermer, dehqon xo‘jaliklari va tomorqa yer egalari kengashlari uyma-uy aylanib chiqish yo‘li bilan dehqon xo‘jaliklari yer uchastkalaridan va tomorqa yerlaridan maqsadli va samarali foydalanishning, shu jumladan, erga ishlov berish, urug‘lik, ko‘chatlar va daraxtlar o‘tqazish, issiqxonalar qurish, mol va parrandalar boqish holatining muntazam monitoringini olib borish huquqiga egadir.
(9-band O‘zbekiston Respublikasi Vazirlar Mahkamasining 2018-yil 13-avgustdagi 652-sonli
qaroriga
asosan ikkinchi xatboshi bilan to‘ldirilgan — Qonun hujjatlari ma’lumotlari milliy bazasi, 13.08.2018-y., 09/18/652/1702-son)
Oldingi
tahrirga qarang.
Vazirliklar va idoralarning faoliyatini muvofiqlashtirish, yer monitoringi ma’lumotlarini umumlashtirish O‘zbekiston Respublikasi Qishloq xo‘jaligi vazirligi (qishloq xo‘jaligiga mo‘ljallangan yerlar bo‘yicha) va Davlat soliq qo‘mitasi huzuridagi Kadastr agentligi tomonidan amalga oshiriladi.
(9-bandning uchinchi xatboshisi O‘zbekiston Respublikasi Vazirlar Mahkamasining 2022-yil 14-yanvardagi 22-sonli
qarori
tahririda — Qonunchilik ma’lumotlari milliy bazasi, 14.01.2022-y., 09/22/22/0024-son)
Oldingi
tahrirga qarang.
10. Qishloq xo‘jaligiga mo‘ljallangan yerlarda yer monitoringi Qishloq xo‘jaligi vazirligi hamda boshqa toifadagi yerlarda Davlat soliq qo‘mitasi huzuridagi Kadastr agentligi tomonidan manfaatdor vazirliklar, davlat qo‘mitalari va idoralar ishtirokida ishlab chiqiladigan va tasdiqlanadigan yagona uslub bo‘yicha olib boriladi, bu uslub yerlarning holatini, tezkor va muntazam kuzatish ishlarini amalga oshiruvchi, tadqiqotlar, tekshirishlar o‘tkazuvchi yoki xaritalovchi barcha korxonalar va tashkilotlar uchun majburiy hisoblanadi.
(10-band O‘zbekiston Respublikasi Vazirlar Mahkamasining 2022-yil 14-yanvardagi 22-sonli
qarori
tahririda — Qonunchilik ma’lumotlari milliy bazasi, 14.01.2022-y., 09/22/22/0024-son)
Oldingi
tahrirga qarang.
11. Idoraviy mansubligidan va mulkchilik shakllaridan qat’i nazar, yerlarni mavzuli xaritalovchi va ularning holatini kuzatuvchi korxonalar, muassasalar va tashkilotlar yer resurslari va davlat kadastri bo‘limlariga ularning vakolatlari doirasida yerlarning miqdori va sifati bo‘yicha holati to‘g‘risidagi ma’lumotlarni yer monitoringi va davlat yer kadastri bo‘yicha axborotlar (hisobotlar)ga kiritish uchun ko‘rsatilgan ishlar bo‘yicha materiallarning nusxalarini tekin beradilar.
O‘z navbatida yer resurslari va davlat kadastri bo‘limlari ham yerlarni mavzuli xaritalovchi va ularning holatini kuzatuvchi korxonalar, muassasalar va tashkilotlarga ularning so‘roviga binoan zarur materiallarni tekin beradilar.
(11-band O‘zbekiston Respublikasi Vazirlar Mahkamasining 2004-yil 19-oktabrdagi 483-sonli
qarori
tahririda — O‘R QHT, 2004-y., 42-son, 446-modda)
12. Yer monitoringi yagona klassifikatorlar, kodlar, metrik birlik tizimi, ma’lumotlarning standart formatlari va meyo’riy-texnik baza, koordinatlar va balandliklar davlat tizimiga asoslangan turli xil ma’lumotlarning bir-biriga mosligi prinsipiga rioya qilgan holda amalga oshiriladi.
13. Yer monitoringini o‘tkazishda zarur axborotlarni olish uchun quyidagilar qo‘llaniladi:
masofadan turib zondlash (aerokosmik suratga olish va kuzatishlar);
erda suratga olish va kuzatish;
fond materiallari.
14. Muddatlari va davriyligiga ko‘ra yerlarning holatini uchta guruhda kuzatishlar amalga oshiriladi:
bazaviy (er monitoringini yuritishning dastlabki bosqichida kuzatish obyektlarining haqiqiy holatini qayd etuvchi boshlang‘ich) kuzatishlar;
davriy (yillik va tabiiy tusdagi davrlar bo‘yicha) kuzatishlar;
tezkor (joriy o‘zgarishlarni qayd qiluvchi), bir yildan kam oraliq davrda muntazam yoki bir yo‘la bajariladigan kuzatishlar.
15. Ekin maydonlari, dalalar, uchastkalar, manzara-ekologiya komplekslari holatini bevosita kuzatishda olingan bazaviy (boshlang‘ich) ma’lumotlar tumanlar, shaharlar, qo‘rg‘onlar, viloyatlar, Qoraqalpog‘iston Respublikasi va umuman O‘zbekiston Respublikasi bo‘yicha, shuningdek alohida tabiiy komplekslar bo‘yicha umumlashtiriladi.
Oldingi
tahrirga qarang.
16. Qoraqalpog‘iston Respublikasi, viloyatlar va Toshkent shahrida yerlarning bazaviy va davriy monitoringi — Qoraqalpog‘iston Respublikasi, viloyatlar va Toshkent shahar yer resurslari va davlat kadastri boshqarmalari tomonidan yuritiladi.
Oldingi
tahrirga qarang.
17. Yerlarning tezkor (navbatchi) monitoringi tumanlar va shaharlardagi bazaviy va davriy monitoring ma’lumotlaridan foydalangan holda — tumanlar (Quvasoy shahar) qishloq xo‘jaligi bo‘limlari va Kadastr agentligi tumanlar (shaharlar) bo‘limlari tomonidan yuritiladi.
(17-band O‘zbekiston Respublikasi Vazirlar Mahkamasining 2022-yil 14-yanvardagi 22-sonli
qarori
tahririda — Qonunchilik ma’lumotlari milliy bazasi, 14.01.2022-y., 09/22/22/0024-son)
Oldingi
tahrirga qarang.
18. Qoraqalpog‘iston Respublikasi Qishloq xo‘jaligi vazirligi va viloyatlar qishloq xo‘jaligi boshqarmalari (qishloq xo‘jaligiga mo‘ljallangan yerlar bo‘yicha), Davlat soliq qo‘mitasi huzuridagi Kadastr agentligining Qoraqalpog‘iston Respublikasi, viloyatlar va Toshkent shahar boshqarmalari Davlat ekologiya qo‘mitasining hududiy organlari bilan birgalikda har yili 1-fevraldan kechiktirmay mahalliy davlat hokimiyati organlariga, O‘zbekiston Respublikasi Qishloq xo‘jaligi vazirligiga, Davlat soliq qo‘mitasi huzuridagi Kadastr agentligiga, Davlat ekologiya qo‘mitasiga mintaqadagi yerlarning holati to‘g‘risida axborotlar (hisobotlar) taqdim etadilar, o‘ta xavfli va yo‘l qo‘yilishi cheklangan jarayonlar aniqlanganda tezkor ma’lumotlar yuboradilar.
(18-band O‘zbekiston Respublikasi Vazirlar Mahkamasining 2022-yil 14-yanvardagi 22-sonli
qarori
tahririda — Qonunchilik ma’lumotlari milliy bazasi, 14.01.2022-y., 09/22/22/0024-son)
19. Korxonalar, tashkilotlar, muassasalar va jismoniy shaxslar yer monitoringi ma’lumotlaridan belgilangan tartibda haq to‘lagan holda foydalanadilar.
20. Yer monitoringini yuritish bo‘yicha ishlar davlat budjeti mablag‘lari hisobiga amalga oshiriladi.
Yer monitoringi bo‘yicha davlatlararo va xalqaro dasturlarni mablag‘ bilan ta’minlash O‘zbekiston Respublikasining boshqa davlatlar va xalqaro tashkilotlar bilan tuzadigan bitimlari va shartnomalarida belgilanadigan tartibda amalga oshiriladi.
×
×