Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
Ўз
O‘z|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Жорий версия
02.03.2010
20.01.2006
02.05.2005
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
PQ-66 02.05.2005
Hujjat kuchini yo‘qotgan 02.03.2010
Hujjat 02.05.2005 sanasi holatiga
Amaldagi versiyaga o‘tish
[
OKOZ:
1.
02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xo‘jalik boshqaruvi organlari / 02.03.03.00 Qo‘mitalar;
2.
09.00.00.00 Tadbirkorlik va xo‘jalik faoliyati / 09.01.00.00 Tadbirkorlik to‘g‘risidagi qonunchilik / 09.01.09.00 Tadbirkorlarni davlat tomonidan qo‘llab-quvvatlash va huquqlarini himoya qilish;
3.
09.00.00.00 Tadbirkorlik va xo‘jalik faoliyati / 09.02.00.00 Raqobat to‘g‘risida qonunchilik. Tabiiy monopoliyalar / 09.02.03.00 Monopoliya faoliyati yuzasidan davlat nazorati. Monopoliyaga qarshi davlat organi]
[
TSZ:
1.
Davlat va jamiyat qurilishi / Davlat hokimiyati organlari. Davlat va xo‘jalik boshqaruvi organlari;
2.
Fuqarolik qonunchiligi. Tadbirkorlik / Tadbirkorlik faoliyatini davlat tomonidan qo‘llab-quvvatlash;
3.
Iqtisodiyot / Monopoliyaga qarshi qonun hujjatlari]
O‘zbekiston Respublikasi Prezidentining
Qarori
O‘ZBEKISTON RESPUBLIKASI MONOPOLIYADAN ChIQARISh, RAQOBAT VA TADBIRKORLIKNI QO‘LLAB-QUVVATLASh DAVLAT QO‘MITASI FAOLIYATINI TAShKIL QILISh TO‘G‘RISIDA
LexUZ sharhi
Mazkur qaror O‘zbekiston Respublikasi Prezidentining 2010-yil 2-martdagi PQ-1293-sonli “O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining faoliyatini tashkil etish to‘g‘risida”gi
qaroriga
asosan o‘z kuchini yo‘qotgan.
O‘zbekiston Respublikasi Prezidentining 2005-yil 30-apreldagi “O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasini tashkil etish to‘g‘risida”gi PF-3602-sonli
Farmoniga
muvofiq hamda iqtisodiyotni Monopoliyadan chiqarish, raqobat muhitini rivojlantirish, tadbirkorlikni qo‘llab-quvvatlash va iste’molchilar huquqlarini himoya qilish borasidagi ishlarni yanada avj oldirish maqsadida:
1. Quyidagilar tasdiqlansin:
O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasining tashkiliy tuzilmasi, shuningdek uning markaziy apparati tuzilmasi 1 va 2-ilovalarga
*
muvofiq;
monopoliyadan chiqarish, raqobat va tadbirkorlikni qo‘llab-quvvatlash hududiy organlarining namunaviy tuzilmasi hamda cheklangan soni 3 va 3a-ilovalarga
*
muvofiq;
O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi to‘g‘risidagi nizom 4-ilovaga
*
muvofiq.
Ilovalar
rus tilidagi matnda
berilgan.
2. O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi markaziy apparati xodimlarining umumiy cheklangan soni 107 shtat birligi, shu jumladan boshqaruv xodimlari soni — 78 shtat birligidan iborat etib belgilansin.
Qo‘mita raisiga zarur hollarda markaziy apparat tuzilmasiga belgilangan xodimlar soni va ularni ta’minlashga ajratiladigan mablag‘lar miqdori doirasida o‘zgartirishlar kiritish huquqi berilsin.
3. O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasiga 9 kishidan iborat hay’at tuzishga ruxsat berilsin. Hay’atning shaxsiy tarkibi Vazirlar Mahkamasi tomonidan tasdiqlanadi.
4. Belgilab qo‘yilsinki, O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi va tegishli ravishda uning hududiy organlari:
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi, O‘zbekiston Respublikasi Iqtisodiyot vazirligi huzuridagi Iqtisodiy nochor korxonalar ishlari qo‘mitasi tomonidan tuzilgan shartnomalarning;
O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi, O‘zbekiston Respublikasi Iqtisodiyot vazirligi huzuridagi Iqtisodiy nochor korxonalar ishlari qo‘mitasi balansida bo‘lgan mol-mulkning, shuningdek O‘zbekiston Respublikasi Davlat mulkini boshqarish va tadbirkorlikni qo‘llab-quvvatlash davlat qo‘mitasining kichik va xususiy tadbirkorlikni rivojlantirish boshqarmasi tasarrufida bo‘lgan ofis uskunalari va kompyuter texnikasining huquqiy vorislari hisoblanadi.
5. Quyidagilar belgilansin:
O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi o‘z vakolati doirasida qabul qilgan qarorlar vazirliklar, idoralar, mahalliy hokimiyat organlari, muassasa va tashkilotlar, mulkchilik shaklidan qat’iy nazar, xo‘jalik yurituvchi subyektlar, shuningdek mansabdor shaxslar va fuqarolar tomonidan ijro etilishi majburiydir;
mahalliy davlat hokimiyati organlarining raqobatni bevosita yoki bilvosita cheklashi va monopoliyaga qarshi qonun hujjatlari prinsiplarini buzishi mumkin bo‘lgan, shuningdek tadbirkorlikni rivojlantirish masalalariga aloqador bo‘lgan qonun hujjatlari hamda qarorlari loyihalari tegishli ravishda O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasida va uning hududiy organlarida oldindan ekspertizadan o‘tkazilishi majburiydir.
6. O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi:
berilgan huquq va vakolatlarni amalga oshirish chog‘ida O‘zbekiston Respublikasining Ma’muriy javobgarlik to‘g‘risidagi
kodeksi
,
“Tadbirkorlik faoliyati erkinligining kafolatlari to‘g‘risida”gi,
“
Tovar bozorlarida monopolistik faoliyatni cheklash va raqobat to‘g‘risida”gi
,
“Tabiiy monopoliyalar to‘g‘risida”gi
,
“Bankrotlik to‘g‘risida”gi
,
“Iste’molchilarning huquqlarini himoya qilish to‘g‘risida”gi,
“Reklama to‘g‘risida”gi
qonunlarning talablariga qat’iy amal qilsin, xo‘jalik yurituvchi subyektlar faoliyati erkinligi kamsitilishi va cheklanishiga yo‘l qo‘ymasin;
bir oy muddatda monopoliyadan chiqarish, raqobat va tadbirkorlikni qo‘llab-quvvatlash tegishli hududiy organlarini tashkiliy jihatdan o‘zgartirishni amalga oshirsin, ular to‘g‘risidagi nizomlarni tasdiqlasin;
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki hafta muddatda Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi hududiy organlarini joylashtirish masalalarini hal etsin;
Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi markaziy apparati hamda hududiy organlarini yuqori malakali kadrlar bilan ta’minlasin.
7. Vazirlar Mahkamasi Adliya vazirligi, Oliy xo‘jalik sudi, Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi bilan birgalikda bir oy muddatda Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi xo‘jalik yurituvchi subyektlarga faqat sud orqali jarima solishi va ularning monopolistik faoliyat yuritishi, iste’molchilar huquqlarini va reklama to‘g‘risidagi qonunni buzgan holda asossiz qo‘lga kiritilgan mablag‘lari (daromadlari, foydalari)ni olib qo‘yish to‘g‘risida qarorlar qabul qilishi mumkinligini nazarda tutuvchi qonun hujjatlariga o‘zgartirishlar kiritish to‘g‘risidagi takliflarni ishlab chiqsin va belgilangan tartibda Oliy Majlis Qonunchilik palatasiga kiritsin.
Oliy xo‘jalik sudi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasining barcha iltimosnoma va da’volari birinchi navbatda ko‘rib chiqilishini ta’minlasin.
8. O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi huzurida Iqtisodiy nochor korxonalar ishlari qo‘mitasi huzuridagi Korxonalar sanatsiyasi jamg‘armasi, O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining Ijtimoiy rivojlanish va xodimlarni moddiy rag‘batlantirish jamg‘armasi negizida, shuningdek Xususiylashtirish davlat dasturini amalga oshirish, investitsiya hamda bozor tuzilmalarini tashkil etish va rivojlantirish uchun O‘zbekiston Respublikasi Davlat mulki qo‘mitasi tasarrufida qoldiriladigan mablag‘larning bir qismini ajratish hisobiga Tadbirkorlikni qo‘llab-quvvatlash va korxonalarni tarkibiy jihatdan o‘zgartirish jamg‘armasi tuzilsin.
O‘zbekiston Respublikasi Moliya vazirligi O‘zbekiston Respublikasi Monopoliyadan chiqarish, raqobat va Tadbirkorlikni qo‘llab-quvvatlash davlat qo‘mitasi bilan birgalikda bir oy muddatda belgilangan tartibda Tadbirkorlikni qo‘llab-quvvatlash va korxonalarni tarkibiy jihatdan o‘zgartirish jamg‘armasini shakllantirish hamda uning mablag‘laridan foydalanish
tartibini
ishlab chiqsin va tasdiqlash uchun Vazirlar Mahkamasiga kiritsin.
9. O‘zbekiston Respublikasi Monopoliyadan chiqarish, raqobat va Tadbirkorlikni qo‘llab-quvvatlash davlat qo‘mitasining markaziy apparati quyidagi manzilda joylashtirilsin: Toshkent shahri, Navoiy ko‘chasi, 18.
10. O‘zbekiston Respublikasi Adliya vazirligi bir oy muddatda tegishli vazirliklar va idoralar bilan birgalikda:
qonun hujjatlariga mazkur qarordan kelib chiqadigan o‘zgartish va qo‘shimchalar to‘g‘risidagi takliflarni Vazirlar Mahkamasiga kiritsin;
vazirliklar va idoralar o‘zlarining normativ hujjatlarini ushbu qarorga muvofiqlashtirib olishlarini ta’minlasin.
11. Mazkur qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklatilsin.
O‘zbekiston Respublikasi Prezidenti I. KARIMOV
Toshkent sh.,
2005-yil 2-may,
PQ-66-son
(O‘zbekiston Respublikasi qonun hujjatlari to‘plami, 2005-y., 17-18-son, 130-modda; 2006-y., 4-5-son, 24-modda)
×
×