O‘zbekiston Respublikasining Hukumatiga matni ushbu Qonunning VI-ilovasida* berilgan Fond Bitimi moddalariga taqdim etilgan Uchinchi tuzatishni O‘zbekiston Respublikasi nomidan qabul qilish huquqi beriladi.
O‘zbekiston Respublikasining Prezidenti yoki u tayinlagan shaxs O‘zbekiston Respublikasi nomidan matni ushbu Qonunning VII ilovasida* keltirilgan Davlatlar va boshqa davlatlarning fuqarolari o‘rtasidagi sarmoyaga doir nizolarni tartibga solish to‘g‘risidagi Konvensiyaning (quyida SNTSXM Konvensiyasi deb ataladi) asl nusxasini imzolashga, Fond a’zoligiga doir hujjatlarni va ana shu maqsadlar uchun zarur bo‘lib qolishi mumkin bo‘lgan boshqa hujjatlarni tayyorlash hamda kiritishga haqlidir.
Zaruratga qarab, O‘zbekiston Respublikasi Prezidenti O‘zbekiston Respublikasining Bitimlar va Konvensiya moddalarida, Agentlik tomonidan va ushbu Qonunning 1-moddasida sanab o‘tilgan rezolyutsiyalarda nazarda tutilgan majburiyatlarni bajarish va ushbu Qonunning qoidalariga amaliy kuch berish uchun Farmonlar va boshqa normativ hujjatlar chiqarishga haqlidir.