Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
O'z
Ўз|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Жорий версия
28.09.2020
25.01.2012
11.02.2011
24.12.2010
25.07.2006
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
ПҚ-425-сон 25.07.2006
Ҳужжат кучини йўқотган 28.09.2020
Ҳужжат 11.02.2011 санаси ҳолатига
Амалдаги версияга ўтиш
[
ОКОЗ:
1.
08.00.00.00 Уй-жой қонунчилиги. Коммунал хўжалик / 08.03.00.00 Коммунал хўжалик / 08.03.10.00 Инженерлик хизмати. Уй-жой фондини техник эксплуатация қилиш ва сақлаш. Уй-жой фондини сақлаб туриш ва таъмирлаш]
[
ТСЗ:
1.
Ижтимоий-маданий масалалар / Уй-жой қонунчилиги. Коммунал хизмат]
Ўзбекистон Республикаси Президентининг
Қарори
1991 ЙИЛГАЧА ҚУРИЛГАН КЎП ХОНАДОНЛИ ТУРАР ЖОЙ БИНОЛАРИНИНГ УМУМФОЙДАЛАНАДИГАН ЖОЙЛАРИ ВА МУҲАНДИСЛИК КОММУНИКАЦИЯЛАРИ КАПИТАЛ ТАЪМИРЛАНИШИНИ ЯКУНЛАШ ЧОРА-ТАДБИРЛАРИ ТЎҒРИСИДА
LexUZ шарҳи
Мазкур қарор Ўзбекистон Республикаси Президентининг 2020 йил 27 сентябрдаги ПФ-6075-сонли «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида»ги
Фармонига
асосан ўз кучини йўқотган.
Аҳолига коммунал хизмат кўрсатиш тизимини ислоҳ қилиш Дастурини босқичма-босқич амалга ошириш, хусусий уй-жой мулкдорлари ширкатларининг самарали фаолият юритиши учун зарур шарт-шароитлар яратиш, мулкдорларга тегишли турар жой фондини сақлашда уларнинг ролини ошириш, 1991 йилгача қурилган кўп хонадонли турар жой биноларининг умумфойдаланадиган жойлари ва муҳандислик коммуникациялари капитал таъмирланишини ўз вақтида якунлашни таъминлаш мақсадида:
1. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ишлаб чиқилган, 1991 йилгача қурилган кўп хонадонли турар жой биноларининг умумфойдаланадиган жойлари ва муҳандислик коммуникацияларини 2007—2010 йилларда капитал таъмирлаш Жадвали иловага
*
мувофиқ тасдиқлансин.
* Илова берилмайди.
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари, уй-жой фондини сақлаш мониторингини ўтказувчи комиссиялар раҳбарлари ва хусусий уй-жой мулкдорлари ширкатларининг раислари зиммасига мазкур Жадвалнинг ижроси бўйича шахсий жавобгарлик юклансин.
2. Белгилансинки:
Қорақалпоғистон Республикаси Вазирлар Кенгаши ва вилоят ҳокимликлари ҳузуридаги ягона буюртмачи хизматлари, Тошкент шаҳрида эса Тошкент шаҳар ҳудудий коммунал-эксплуатация бирлашмалари турар жой биноларини капитал таъмирлаш ишлари бўйича бош буюртмачи, хусусий уй-жой мулкдорларининг ширкатлари эса буюртмачи ҳисобланади;
хусусий уй-жой мулкдорлари ширкатлари капитал таъмирлаш умумий смета қийматининг 30 фоизи миқдоридаги маблағлар депозит ҳисобварақларда жамланишини таъминлаш ва капитал таъмирлаш якунлангандан сўнг биноларни фойдаланиш учун қабул қилиб олиш ишларини ташкил этишга жавобгардирлар;
1991 йилгача қурилган кўп хонадонли турар жой биноларини капитал таъмирлаш фақат танлов (тендер) савдолари асосида шартнома тузиш орқали, танлов комиссиялари таркибига хусусий уй-жой мулкдорлари ширкатлари ва фуқароларнинг маҳаллий ўзини-ўзи бошқариш органлари вакилларини албатта киритган ҳолда амалга оширилади;
хусусий уй-жой мулкдорлари ширкатлари турар жой биноларини фойдаланиш учун қабул қилиб олгандан сўнг уни сақлашни таъминлаш, профилактика ва таъмирлаш ишларини олиб бориш, уйлар атрофини яхши сақлаш ва аҳолига коммунал хизмат кўрсатишни ташкил этадилар.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, уй-жой фондини сақлаш мониторингини ўтказувчи комиссиялар хусусий уй-жой мулкдорлари ширкатлари иштирокида:
1991 йилгача қурилган кўп хонадонли турар жой биноларини пухта инвентаризация қилиш бўйича хулосалар асосида ҳар йили уйларнинг нуқсонлари кўрсатилган далолатномалар тузсин ҳамда уларнинг шаҳар ва туманлар бўйича 2007—2010 йилларда капитал таъмирлашнинг аниқ манзилли дастурларини белгиланган тартибда тасдиқласин;
ҳар йили тасдиқланадиган манзиллар рўйхатига 1991 йилгача қурилган турар жой биноларини капитал таъмирлаш умумий смета қийматининг ширкатнинг депозит ҳисобварақларида жамланган 30 фоизи миқдорида, жумладан ҳомийлар маблағлари ҳисобига, хусусий уй-жой мулкдорлари ширкатлари томонидан молиялаштирилиши шарти билан киритсин;
кўп хонадонли уй-жой фондида тасдиқланган лойиҳа ҳужжатларини, жумладан ресурс сметасини (уйларни капитал таъмирлаш бўйича ишларнинг баҳоланган рўйхатини) ҳисобга олган ҳолда олиб борилаётган таъмирлаш-қайта тиклаш ишлари устидан назоратни амалга оширсин.
4. Ўзбекистон Республикаси Давлат архитектура ва қурилиш қўмитаси, иловага мувофиқ, 1991 йилгача қурилган кўп хонадонли турар жой биноларини капитал таъмирлашда бажарилаётган ишлар сифати, қурилиш меъёрлари ва қоидаларига риоя этилишини қаттиқ назоратга олсин.
5. Ўзбекистон Республикаси Молия вазирлиги:
2007—2010 йилларда тегишли йилга Давлат бюджети параметрларини шакллантиришда 1991 йилгача қурилган кўп хонадонли турар жой биноларини капитал таъмирлашни молиялаштириш учун таъмирлаш умумий смета қийматининг 70 фоизи миқдорида маблағ ажратишни назарда тутсин;
мазкур маблағлар турар жой биноларининг муҳандислик коммуникациялари ва томини капитал таъмирлашга қатъий йўналтирилганлигини назарда тутган ҳолда, ажратиладиган бюджет маблағларидан мақсадли фойдаланилишини назорат қилсин.
Олдинги
таҳрирга қаранг.
6. 2007 йилнинг 1 январидан 2014 йилнинг 1 январигача бўлган муддатда барча турдаги солиқлар, йиғимлар ва бюджетга, давлат мақсадли фондлари ҳамда Таълим муассасаларини реконструкция қилиш, мукаммал таъмирлаш ва жиҳозлаш жамғармасига, ягона ижтимоий тўловдан ташқари, мажбурий ажратмалар тўлашдан:
(6-банднинг биринчи хатбошиси Ўзбекистон Республикаси Президентининг 2011 йил 11 февралдаги ПФ-4275-сонли
Фармони
таҳририда — ЎР ҚҲТ, 2011 й., 9-сон, 84-модда)
Кейинги
таҳрирга қаранг.
Олдинги
таҳрирга қаранг.
(6-банднинг иккинчи хатбошиси Ўзбекистон Республикаси Президентининг 2010 йил 24 декабрдаги ПҚ-1449-сонли
қарорига
асосан чиқарилган — ЎР ҚҲТ, 2010 й., 52-сон, 513-модда)
хусусий уй-жой мулкдорлари ширкатларининг ихтисослаштирилган бошқарувчилари — хизмат кўрсатиш ташкилотлари уй-жой фондига хизмат қилиш ва таъмирлаш бўйича хизмат кўрсатганда озод этилсин.
7. «Ўзкоммунхизмат» агентлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 1991 йилгача қурилган кўп хонадонли турар жой биноларининг умумфойдаланадиган жойлари ва муҳандислик коммуникацияларини 2007—2010 йилларда капитал таъмирлаш Жадвалининг бажарилиши тўғрисида Ўзбекистон Республикаси Вазирлар Маҳкамасига ҳар ойда таҳлилий ахборот бериб борсин.
8. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Н.М. Ханов зиммасига юклансин.
Ўзбекистон Республикаси Президенти И. КАРИМОВ
Тошкент ш.,
2006 йил 25 июль,
ПҚ-425-сон
(Ўзбекистон Республикаси қонун ҳужжатлари тўплами, 2006 й., 30-сон, 291-модда; 2010 й., 52-сон, 513-модда; 2011 й., 9-сон, 84-модда; 2012 й., 3-4-сон, 26-модда)
×
×