Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
O'z
Ўз|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Жорий версия
05.04.2022
22.09.2014
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
267-сон 18.09.2014
[
ОКОЗ:
1.
13.00.00.00 Таълим. Фан. Маданият / 13.01.00.00 Таълим / 13.01.04.01 Мактабгача таълим ташкилотлари / 13.01.61.00 Таълим муассасалари]
[
ТСЗ:
1.
Ижтимоий-маданий масалалар / Таълим]
Ўзбекистон Республикаси Вазирлар Маҳкамасининг
қарори
Тошкент вилоятидаги таълим муассасаларини мақбуллаштириш ва фаолияти самарадорлигини ошириш чора-тадбирлари тўғрисида
Тошкент вилоятидаги таълим муассасаларини мақбуллаштириш ва фаолияти самарадорлигини ошириш, шунингдек Тошкент вилоят давлат педагогика институтининг моддий-техника базасидан оқилона фойдаланиш мақсадида Вазирлар Маҳкамаси қарор қилади:
1. Ўзбекистон Республикаси Халқ таълими вазирлиги ҳамда Олий ва ўрта махсус таълими вазирлигининг Тошкент вилоят давлат педагогика институтини тугатиш ва унинг негизида 2014/2015-ўқув йилидан бошлаб:
540 нафар ўқувчи ўрнига эга бўлган, айрим фанлар чуқур ўрганиладиган ихтисослаштирилган мактаб-интернат (кейинги ўринларда ихтисослаштирилган мактаб-интернат деб аталади);
Ўзбекистон давлат жаҳон тиллари университети ҳузурида 450 нафар ўқувчи ўрнига эга бўлган Ангрен академик лицейи (кейинги ўринларда академик лицей деб аталади) ташкил этиш тўғрисидаги таклифларига розилик берилсин.
2. Тошкент вилоят давлат педагогика институтини тугатиш ҳамда унинг негизида айрим фанлар чуқур ўрганиладиган ихтисослаштирилган мактаб-интернат ҳамда Ўзбекистон давлат жаҳон тиллари университети ҳузурида Ангрен академик лицейи ташкил этиш бўйича 1-иловага
*
мувофиқ таркибда комиссия тузилсин.
Комиссия:
Олдинги
таҳрирга қаранг.
Тошкент вилоят давлат педагогика институтини тугатиш ҳамда унинг негизида қонунчиликда белгиланган тартибда, ихтисослаштирилган мактаб-интернат ва академик лицей ташкил этиш билан боғлиқ тадбирлар комплексини амалга оширсин;
(2-банднинг учинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли
қарори
таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
ихтисослаштирилган мактаб-интернатни ва академик лицейни замонавий педагогик методикалар ва технологияларни эгаллаган малакали педагог кадрлар билан таъминлашга доир зарур чора-тадбирлар кўрсин;
Ўзбекистон Республикаси Вазирлар Маҳкамаси ҳузуридаги Давлат тест маркази томонидан ўтказиладиган психология-педагогика диагностикаси ва тест синовлари натижаларига кўра ихтисослаштирилган мактаб-интернатнинг 5 — 9- синфларига ўқувчилар қабул қилинишини таъминлаш чора-тадбирларини кўрсин.
3. Ўзбекистон Республикаси Халқ таълими вазирлиги ташкил этилаётган ихтисослаштирилган мактаб-интернатга, академик лицейга ҳамда Ангрен шаҳар ҳокимлигига тугатилаётган Тошкент вилоят давлат педагогика институтининг 2-иловага
*
мувофиқ рўйхат бўйича бино ва иншоотларини, шунингдек бошқа мол-мулкларини тезкор бошқариш ҳуқуқи билан бир ой муддатда бепул берсин.
4. Ўзбекистон Республикаси Давлат рақобат қўмитаси Меҳнат ва аҳолини ижтимоий муҳофаза қилиш вазирлиги, Молия вазирлиги ҳамда Тошкент вилояти ҳокимлиги билан биргаликда бир ой муддатда Ўзбекистон Республикаси Вазирлар Маҳкамасига Ангрен шаҳар ҳокимлигига берилаётган бино ва иншоотлардан келгусида фойдаланиш юзасидан таклифлар киритсин.
5. Ўзбекистон Республикаси Меҳнат ва аҳолини ижтимоий муҳофаза қилиш вазирлиги Халқ таълими вазирлиги ҳамда Олий ва ўрта махсус таълими вазирлиги билан биргаликда Тошкент вилоят давлат педагогика институтининг тугатилиши муносабати билан бўшаб қолаётган ходимларни белгиланган тартибда ишга жойлаштириш чора-тадбирларини кўрсин.
6. Ўзбекистон Республикаси Халқ таълими вазирлиги белгиланган тартибда:
Олий ва ўрта махсус таълими вазирлиги билан биргаликда бир ой муддатда Тошкент вилоят давлат педагогика институти ҳузуридаги академик лицейни Олий ва ўрта махсус таълими вазирлигининг Ўрта махсус, касб-ҳунар таълими маркази тасарруфига бериш, уни Тошкент давлат педагогика университетига биркитиш;
тугатилаётган Тошкент вилоят давлат педагогика институтининг Ангрен, Бекобод шаҳарларидаги, Бекобод, Бўка, Оҳангарон ва Оққўрғон туманларидаги ахборот-ресурс марказларини 3-иловага
*
мувофиқ рўйхат бўйича касб-ҳунар коллежларига бериш чора-тадбирларини кўрсин.
*1 — 3-иловалар
рус тилидаги
матнда берилган.
7. Қуйидагилар:
Олдинги
таҳрирга қаранг.
Тошкент вилоятининг маҳаллий бюджети маблағлари ва қонунчиликда тақиқланмаган бошқа манбалар — ихтисослаштирилган мактаб-интернат;
Ўзбекистон Республикасининг республика бюджети маблағлари ҳамда қонунчиликда тақиқланмаган бошқа манбалар — академик лицей фаолиятини молиялаштиришнинг асосий манбалари этиб белгилансин.
(7-банднинг иккинчи ва учинчи хатбошилари Ўзбекистон Республикаси Вазирлар Маҳкамасининг 2022 йил 4 апрелдаги 153-сонли
қарори
таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
8. Ўзбекистон Республикаси Молия вазирлиги 2014 йилда — ихтисослаштирилган мактаб-интернатнинг ва академик лицейнинг таъминоти учун таълим соҳасига ажратиладиган маблағлар доирасида маблағлар ажратилишини, 2015 йилдан бошлаб эса — Ўзбекистон Республикаси Давлат бюджети харажатлари параметрларида маблағлар назарда тутилишини таъминласин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Бош вазирининг ўринбосари А.И. Икрамов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2014 йил 18 сентябрь,
267-сон
(Ўзбекистон Республикаси қонун ҳужжатлари тўплами, 2014 й., 38-сон, 485-модда; Қонунчилик маълумотлари миллий базаси, 05.04.2022 й., 09/22/153/0266-сон)
×
×