Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
O'z
Ўз|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
05.09.2018
[
ОКОЗ:
1.
19.00.00.00 Халқаро муносабатлар. Халқаро ҳуқуқ / 19.01.00.00 Давлатлараро алоқаларда умумий масалалар / 19.01.01.00 Давлатлар билан ўзаро муносабатларда асосий тамойиллар]
[
ТСЗ:
1.
Ташқи сиёсат ва халқаро муносабатлар / Умумий масалалар]
Ўзбекистон Республикаси Адлия вазирлиги билан Миср Араб Республикаси Адлия вазирлиги ўртасида
Ҳамкорлик тўғрисида меморандум
Тошкент, 5 сентябрь 2018 йил
(Ўзбекистон Республикаси учун 2018 йил 5 сентябрдан кучга кирган)
Ўзбекистон Республикаси Адлия вазирлиги ва Миср Араб Республикаси Адлия вазирлиги, кейинги ўринларда «Томонлар» деб аталувчилар,
ҳуқуқий соҳадаги халқаро ҳамкорликнинг муҳимлигини инобатга олган ҳолда,
ўзаро қизиқиш уйғотадиган масалалар бўйича ҳамкорликни ривожлантириш бўйича ўзаро интилишни ҳисобга олиб,
қуйидагилар тўғрисида англашувга эришдилар:
1-модда
Томонлар мазкур Меморандумга мувофиқ ўз ваколатлари доирасида ҳамда ўз давлатларининг миллий қонунчилиги ва халқаро мажбуриятларига биноан қуйидаги йўналишларда ҳамкорлик қиладилар:
1) фуқароларнинг ҳуқуқий онги ва ҳуқуқий маданиятини юксалтириш;
2) Томонлар давлатлари қонунчилигига мувофиқ қонун ижодкорлиги механизми;
3) юридик хизмат кўрсатиш;
4) арбитраж ва медиация;
5) юридик кадрларни тайёрлаш ва касбий ривожлантириш.
2-модда
Мазкур Меморандумнинг
1-моддасида
қайд этилган ҳамкорлик соҳалари қуйидаги шаклларда амалга оширилади:
1) Томонлар давлатларининг адлия органлари ва муассасалари фаолияти билан янада яқинроқ танишиш учун Томонларнинг делегациялари билан алмашиш;
2) қўшма тадқиқотлар ташкил этиш ва ўтказиш учун ишчи гуруҳларни тузиш;
3) конференциялар, семинарлар, машғулотлар, ишчи гуруҳларнинг ишчи учрашувларини ташкил этиш;
4) мунтазам равишда Томонлар давлатларининг миллий хавфсизлигига зид келмайдиган ҳуқуқий адабиётлар ва бошқа нашрларни алмашиш.
3-модда
Мазкур Меморандумнинг қоидаларини амалга ошириш учун Томонлар ўзларининг молиявий имкониятларини ҳисобга олган ҳолда, икки томонлама ҳамкорлик фаолиятларининг йиллик режаларини ишлаб чиқадилар.
4-модда
Томонлар мазкур Меморандум доирасида бошқа Томондан олинган маълумотлар ва ҳужжатларнинг махфийлигини таъминлайдилар ҳамда уларни тақдим этган Томоннинг олдиндан ёзма розилигисиз учинчи томонга ошкор этмайдилар.
5-модда
Томонлар ўз давлатларидаги қонун ва қоидаларга риоя қилиш мажбуриятини ўз зиммаларига оладилар.
6-модда
Томонлар мазкур Меморандумга мувофиқ ҳамкорлик қилиш учун инглиз тилини ишчи тил сифатида қўллайдилар.
7-модда
Ҳар бир Томон мазкур Меморандумни амалга ошириш жараёнида юзага келадиган ўз харажатларини, башарти ҳар бир алоҳида ҳолатда Томонлар тарафидан ўзаро бошқача тарзда келишилмаган бўлса, мустақил тарзда қоплайдилар.
8-модда
Мазкур Меморандум қоидалари Томонларнинг давлатлари иштирок этадиган бошқа амалдаги халқаро шартномалардан келиб чиқадиган Томонларнинг ҳар қандай ҳуқуқ ва мажбуриятларига дахл қилмайди.
9-модда
Мазкур Меморандум қоидаларини қўллаш ёки талқин қилишда келиб чиқадиган ҳар қандай келишмовчиликлар, келишиш учун бирон-бир миллий, халқаро ва учинчи томон судига мурожаат қилинмасдан, Томонлар ўртасида маслаҳатлашувлар ва музокаралар орқали ҳал этилади.
10-модда
Мазкур Меморандумга Томонларнинг ўзаро ёзма розилигига кўра унинг ажралмас қисми ҳисобланадиган ва Меморандумнинг
11-моддасида
назарда тутилган тартибда кучга кирадиган алоҳида баённомалар шаклида ўзгартириш ва қўшимчалар киритилиши мумкин.
11-модда
Мазкур Меморандум имзоланган санадан бошлаб кучга киради ва уч (3) йил давомида амал қилади, Томонлардан бири уч ой олдин унинг амал қилишини тугатиш нияти тўғрисида бошқа Томонни ёзма равишда хабардор қилмаса, унинг амал қилиши ўз-ўзидан кейинги уч йиллик муддатларга узаяверади.
Тошкент шаҳрида 2018 йил 5 сентябрда икки асл нусхада, ҳар бири ўзбек, араб ва инглиз тилларида тузилди, бунда барча матнлар тенг аутентикдир.
Мазкур Меморандумнинг қоидаларини талқин этишда келишмовчиликлар юзага келган тақдирда, инглиз тилидаги матн устувор ҳисобланади.
(имзолар)
×
×