Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
O'z
Ўз|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Жорий версия
01.12.2021
28.08.2021
04.03.2021
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
ПҚ-5016-сон 03.03.2021
Ҳужжат 28.08.2021 санаси ҳолатига
Амалдаги версияга ўтиш
[
ОКОЗ:
1.
15.00.00.00 Мудофаа / 15.06.00.00 Ҳарбий кадрларни тайёрлаш ва қайта тайёрлаш / 15.06.02.00 Касбий таълимнинг ҳарбий таълим муассасалари]
[
ТСЗ:
1.
Мудофаа ва миллий хавфсизлик / Умумий масалалар]
Ўзбекистон Республикаси Президентининг
Қарори
Ўзбекистон Республикаси Миллий гвардиясининг ўқув марказлари фаолиятини такомиллаштириш бўйича қўшимча чора-тадбирлар тўғрисида
[Кўчирма]
Ўзбекистон Республикаси Миллий гвардиясининг ҳарбий хизматчи ва ходимларини, ички ишлар органлари сафдорлар таркиби ҳамда вазирлик ва идораларнинг қўриқлаш (ҳарбийлаштирилган, қоровуллик) бўлинмалари ходимларини (кейинги ўринларда — ҳарбий хизматчи ва ходимлар) тайёрлаш, қайта тайёрлаш ва уларнинг малакасини ошириш тизимини янада такомиллаштириш, шунингдек, ўқув жараёнини замонавий ахборот ва педагогик технология воситаларидан кенг фойдаланган ҳолда ташкил этиш учун зарур шарт-шароитлар яратиш мақсадида:
1. Қорақалпоғистон Республикаси Вазирлар Кенгаши, Ўзбекистон Республикаси Миллий гвардияси ва Ички ишлар вазирлигининг:
Кейинги
таҳрирга қаранг.
Қорақалпоғистон Республикасининг Нукус шаҳри «Хўжайли» гузаридаги «Қизкетган» қўрғонида жойлашган Ўзбекистон Республикаси Миллий гвардиясининг 81416-ҳарбий қисми ҳудудида Ўзбекистон Республикаси Миллий гвардиясининг Қорақалпоғистон Республикаси минтақавий ўқув марказини ташкил этиш;
Кейинги
таҳрирга қаранг.
Ўзбекистон Республикаси Миллий гвардиясининг Фарғона ўқув марказини Ўзбекистон Республикаси Миллий гвардиясининг Фарғона минтақавий ўқув марказига айлантириш;
Ўзбекистон Республикаси Миллий гвардиясининг Даштобод ўқув марказини Ўзбекистон Республикаси Миллий гвардиясининг Жиззах минтақавий ўқув марказига айлантириш тўғрисидаги таклифларига розилик берилсин.
2. Қуйидагилар Ўзбекистон Республикаси Миллий гвардиясининг Қорақалпоғистон Республикаси минтақавий ўқув маркази, Фарғона минтақавий ўқув маркази, Жиззах минтақавий ўқув марказининг (кейинги ўринларда — минтақавий ўқув марказлари) асосий вазифалари этиб белгилансин:
Кейинги
таҳрирга қаранг.
Ўзбекистон Республикаси Миллий гвардиясининг ҳарбий хизматчи ва ходимларини, ички ишлар органлари сафдорлар таркибини маъмурий-ҳуқуқий, жамоат тартибини сақлаш, касбий ва психологик тайёргарлик, жанговар махсус тайёргарлик бўйича бошланғич тайёрлаш, қайта тайёрлаш ва уларнинг малакасини ошириш;
ҳарбий хизматчи ва ходимларни ватанпарварлик, Ватанига ва хизмат бурчига садоқат руҳида тарбиялаш, уларда одоб-ахлоқ фазилатларини шакллантириш;
фуқароларнинг ҳуқуқ ва эркинликларини, жамоат тартиби ва хавфсизлигини ҳимоя қилишга қодир бўлган, билимли, маънавий етук, жисмонан соғлом, хизмат бурчини виждонан бажара оладиган фаол ҳарбий хизматчи ва ходимларни тарбиялаш;
Ўзбекистон Республикаси Миллий гвардияси ва ички ишлар органларининг соҳавий хизматлари ҳамда вазирлик ва идораларнинг қўриқлаш (ҳарбийлаштирилган, қоровуллик) бўлинмалари учун малакали мутахассислар тайёрлаш;
қонунийликни таъминлаш, ҳуқуқ-тартиботни мустаҳкамлаш ва жиноятчиликка қарши кураш муаммолари бўйича тадқиқотларни амалга ошириш ҳамда амалий таклифлар, тавсиялар ва қўлланмалар ишлаб чиқиш;
ҳарбий хизматчи ва ходимларни зиммасига юкланган хизмат вазифаларини бажаришлари учун зарур бўлган назарий билим, амалий кўникма ва малакаларни пухта эгаллаш имконини берадиган зарур шарт-шароитлар яратиб бериш;
ўқув жараёнига ўқитишнинг илғор услуб ва шаклларини, замонавий ахборот технологиялари воситаларини жорий қилиш, ҳарбий хизматчи ва ходимларнинг белгиланган вазифаларни ҳал этишга амалий йўналтирилганлигини таъминлаган ҳолда, ўқув-тарбия жараёнини узлуксиз равишда такомиллаштириб бориш;
ҳарбий хизматчи ва ходимларнинг малакасини оширишда ўқитишнинг онлайн шаклини кенг қўллаш;
Ўзбекистон Республикаси Миллий гвардиясининг таълим муассасалари ўртасида доимий равишда илмий ва амалий тажриба алмашиш амалиётини йўлга қўйиш.
4. Белгилаб қўйилсинки:
а) Ўзбекистон Республикаси Миллий гвардияси Қорақалпоғистон Республикаси минтақавий ўқув марказининг штатлари Ўзбекистон Республикаси Миллий гвардиясининг умумий штат бирликларини қайта тақсимлаш ҳисобидан ташкил этилади;
Кейинги
таҳрирга қаранг.
Олдинги
таҳрирга қаранг.
б) минтақавий ўқув марказлари Ўзбекистон Республикаси Миллий гвардиясининг юридик шахс мақомига эга бўлган таркибий бўлинмаси ҳисобланади, Ўзбекистон Республикаси давлат герби тасвири туширилган ва ўз номи давлат тилида ёзилган муҳрга ва бланкларга, мустақил балансга ҳамда банк муассасаларида шахсий ҳисобварақларига эга бўлади;
(4-банднинг «б» кичик банди Ўзбекистон Республикаси Президентининг 2021 йил 27 августдаги ПҚ-5235-сон
қарори
таҳририда — Қонунчилик маълумотлари миллий базаси, 28.08.2021 й., 07/21/5235/0840-сон)
в) минтақавий ўқув марказларида ҳарбий хизматчи ва ходимларни бошланғич тайёрлаш, қайта тайёрлаш ва уларнинг малакасини ошириш бўйича ўқув жараёни қуйидаги ҳудудларга тақсимланган ҳолда таъминланади:
Ўзбекистон Республикаси Миллий гвардиясининг Фарғона минтақавий ўқув маркази — Тошкент шаҳри, Тошкент, Фарғона, Андижон ва Наманган вилоятларида хизмат қилаётган ҳарбий хизматчи ва ходимлар учун;
Ўзбекистон Республикаси Миллий гвардиясининг Жиззах минтақавий ўқув маркази — Сирдарё, Жиззах, Самарқанд, Қашқадарё ва Сурхондарё вилоятларида хизмат қилаётган ҳарбий хизматчи ва ходимлар учун;
Ўзбекистон Республикаси Миллий гвардиясининг Қорақалпоғистон Республикаси минтақавий ўқув маркази — Қорақалпоғистон Республикаси, Хоразм, Навоий ва Бухоро вилоятларида хизмат қилаётган ҳарбий хизматчи ва ходимлар учун.
Кейинги
таҳрирга қаранг.
Кейинги
таҳрирга қаранг.
5. Ўзбекистон Республикаси Миллий гвардияси қўмондонига қуйидаги ҳуқуқлар берилсин:
Ўзбекистон Республикаси Миллий гвардиясининг умумий штат бирликлари доирасида минтақавий ўқув марказларининг ташкилий-штат тузилмаларига ўзгартириш киритиш;
Ўзбекистон Республикаси Миллий гвардиясининг Қўриқлаш бош бошқармаси маблағлари ҳисобидан қўриқлаш бўлинмалари учун мутахассисларни ўқитиш самарадорлигини ошириш мақсадида минтақавий ўқув марказларининг моддий-техник ва ўқув-машғулот базаларини мустаҳкамлаш, қуриш, реконструкция қилиш ва таъмирлашни амалга ошириш.
6. Шундай тартиб ўрнатилсинки, унга мувофиқ:
Олдинги
таҳрирга қаранг.
минтақавий ўқув марказларининг раҳбар ва педагоглар таркибини қайта тайёрлаш ва уларнинг малакасини ошириш Ўзбекистон Республикаси Жамоат хавфсизлиги университетида ҳамда вазирлик ва идораларнинг олий, олий ҳарбий ва ихтисослаштирилган таълим муассасаларида амалга оширилади;
Ўзбекистон Республикаси Жамоат хавфсизлиги университети минтақавий ўқув марказлари фаолиятини ўқув-методик таъминлайди, минтақавий ўқув марказлари раҳбарлари ва педагогларининг ҳарбий илмий ва илмий-педагогик фаолиятига раҳбарлик қилади.
(6-банднинг иккинчи ва учинчи хатбошилари Ўзбекистон Республикаси Президентининг 2021 йил 27 августдаги ПҚ-5235-сон
қарори
таҳририда — Қонунчилик маълумотлари миллий базаси, 28.08.2021 й., 07/21/5235/0840-сон)
Кейинги
таҳрирга қаранг.
Кейинги
таҳрирга қаранг.
7. Ўзбекистон Республикаси Миллий гвардияси, Ички ишлар вазирлиги:
Ўзбекистон Республикаси Миллий гвардияси ва ички ишлар органларининг тегишли соҳавий хизмат мутахассислари минтақавий ўқув марказларининг ўқув-тарбия жараёнига жалб қилинишини;
минтақавий ўқув марказларида таълим жараёнининг сифатини ошириш мақсадида Ўзбекистон Республикаси Миллий гвардиясининг Қўриқлаш бош бошқармаси маблағлари ҳисобидан шартнома асосида республиканинг етакчи олий таълим ва илмий-тадқиқот марказларининг юқори малакали мутахассислари ҳамда экспертлари жалб қилинишини;
Кейинги
таҳрирга қаранг.
ҳарбий хизматчи ва ходимлар билан касбий, жанговар ва махсус тайёргарлик бўйича амалий машғулотларни ўтказишда Ўзбекистон Республикаси Миллий гвардияси ва ички ишлар органлари ўқув объектларидан, ўқув моддий-техник базаларидан ҳамда дала ўқув майдонларидан (полигонларидан) бепул кенг фойдаланилишини таъминласин.
8. Белгилансинки, Ўзбекистон Республикаси Миллий гвардиясининг Қорақалпоғистон Республикаси минтақавий ўқув марказини таъмирлаш, реконструкция қилиш ва ободонлаштириш билан боғлиқ ишлар белгиланган тартибда Қорақалпоғистон Республикаси ҳарбий-маъмурий сектори, Ўзбекистон Республикаси Миллий гвардиясининг Қўриқлаш бош бошқармаси маблағлари ва қонун ҳужжатлари билан тақиқланмаган бошқа манбалар ҳисобидан амалга оширилади.
Кейинги
таҳрирга қаранг.
Кейинги
таҳрирга қаранг.
9. Ўзбекистон Республикаси Миллий гвардияси вазирлик ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчаларни киритиш тўғрисида икки ой муддатда Вазирлар Маҳкамасига таклиф киритсин.
10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 3 март,
ПҚ-5016-сон
(Қонун ҳужжатлари маълумотлари миллий базаси, 04.03.2021 й., 07/21/5016/0184-сон;
Қонунчилик маълумотлари миллий базаси, 28.08.2021 й., 07/21/5235/0840-сон, 01.12.2021 й., 06/21/27/1116-сон
)
×
×