Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
En
O'z
Ўз|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
15.07.2021
[
ОКОЗ:
1.
19.00.00.00 Халқаро муносабатлар. Халқаро ҳуқуқ / 19.01.00.00 Давлатлараро алоқаларда умумий масалалар / 19.01.01.00 Давлатлар билан ўзаро муносабатларда асосий тамойиллар]
[
ТСЗ:
1.
Ташқи сиёсат ва халқаро муносабатлар / Умумий масалалар]
Ўзбекистон Республикаси Ҳукумати билан Покистон Ислом Республикаси Ҳукумати ўртасида
Битим
Ишбилармон доиралар вакиллари ва туристик гуруҳлар учун виза жараёнларини соддалаштириш тўғрисида
2021 йил 15 июль, Тошкент
(Ўзбекистон Республикаси учун 2021 йил 14 августдан кучга кирган)
Ўзбекистон Республикаси Ҳукумати ва Покистон Ислом Республикаси Ҳукумати, кейинги ўринларда алоҳида «Томон» ва биргаликда «Томонлар» деб аталувчилар,
икки мамлакат ўртасидаги дўстона муносабатларни янада мустаҳкамлашга интилиб,
тенглик ва ўзаро манфаатдорлик принципларига мувофиқ,
савдо, иқтисодиёт, инвестиция ва туризм соҳаларидаги икки томонлама ҳамкорликни янада ривожлантириш мақсадида,
қуйидагилар тўғрисида келишиб олдилар:
1-модда
Томонлар, ўзаролик шартларида ҳамда ўз давлатларининг амалдаги қонунчилигига мувофиқ, Томонлар давлатларининг ишбилармон доиралари вакиллари ва туристик гуруҳлари учун визалар беришнинг соддалаштирилган жараёнини жорий этадилар.
2-модда
Мазкур Битим мақсадларида қуйидаги атамалардан фойдаланилади:
«Ишбилармон доиралар вакиллари» — бир Томон давлати ҳудудида инвестиция ва тадбиркорлик фаолиятини олиб борувчи бошқа Томон давлатининг фуқаролари;
«Туристик гуруҳ» — 5 (беш) ёки ундан ортиқ киши бўлиб саёҳат қилувчи ва бир вақтнинг ўзида бир Томон давлати ҳудудига туризм мақсадда кирувчи бошқа Томон давлатининг фуқаролари.
«Ваколатли органлар» — мазкур Битимни амалга ошириш учун масъул бўлган Томонларнинг давлат органлари.
3-модда
Томонлар давлатларининг ваколатли органлари, Томонлар давлатлари қонунларида талаб қилинган тегишли ҳужжатларни қабул қилинганидан сўнг, уларни 3 (уч) иш кунида (ҳужжат қабул қилинган кундан ташқари) кўриб чиқадилар ва маъқуллаган тақдирда, виза бериш учун тасдиқнома расмийлаштирадилар.
Томонлар давлатларининг дипломатик ваколатхоналари ва консуллик муассасалари виза бериш тасдиқномасига асосан қуйидагиларни расмийлаштирадилар:
бир Томон давлатига тадбиркорлик мақсадида ташриф буюрувчи бошқа Томон давлатининг тадбиркор доиралари вакиллари учун 6 (олти) ойгача амал қиладиган кўп марталик виза;
бир Томон давлатига туристлар гуруҳлари таркибида, турист сифатида ташриф буюрувчи бошқа Томон давлатининг фуқароларига 30 (ўттиз) кунгача туристик виза;
Истисно ҳолларда, қўшимча кўриб чиқиш талаб этилса, визани расмийлаштириш 10 (ўн) кундан ошмаган муддатга узайтирилиши мумкин.
4-модда
Мазкур Битим қоидаларини амалга ошириш учун Томонлар давлатларининг ваколатли органлари:
Ўзбекистон Республикаси номидан — Ўзбекистон Республикаси Ташқи ишлар вазирлиги;
Покистон Ислом Республикаси номидан — Покистон Ислом Республикаси Ички ишлар вазирлиги.
Башарти мазкур ваколатли органларнинг расмий номи ва функциялари ўзгартирилса, Томонлар дипломатик каналлар орқали бир-бирини ўз вақтида хабардор қиладилар.
5-модда
Мазкур Битим Томонларнинг бир Томон давлати ҳудудида бўлиши номақбул деб топилган бошқа Томон давлати фуқароларининг киришини тақиқлаш ёки ўз ҳудудида бўлишини чеклаш ҳуқуқига дахл қилмайди.
6-модда
Мазкур Битимнинг
1-моддасида
кўрсатилган Томонлар давлатлари фуқаролари бошқа Томон давлатининг миллий қонунчилиги ва қоидаларини, шу жумладан чет эл фуқароларининг кириш, чиқиш ва бўлиш жараёнларини ҳурмат қилишлари ва уларга риоя қилишлари шарт.
7-модда
Томонлар мазкур Битимни миллий хавфсизлик, жамоат тартиби ва аҳоли саломатлиги сабабларига кўра вақтинча, қисман ёки тўлиқ тўхтатиб қўйиш ҳуқуқини сақлаб қоладилар.
Бундай чораларни кўрувчи Томон имкон қадар тезроқ, аммо камида 24 (йигирма тўрт) соат олдин, дипломатик каналлар орқали ушбу чораларнинг кўрилиши ҳамда тегишлича унинг бекор қилиниши тўғрисида бошқа Томонни хабардор қилади.
8-модда
Мазкур Битим Томонлар давлатлари иштирокчи бўлган бошқа халқаро шартномалардан келиб чиқадиган Томонларнинг ҳуқуқлари ва мажбуриятларига таъсир қилмайди.
9-модда
Томонларнинг ўзаро розилиги асосида мазкур Битимга унинг ажралмас қисми ҳисобланадиган, алоҳида баённомалар билан расмийлаштириладиган ва мазкур Битимнинг
11-моддасида
белгиланган тартибда кучга кирадиган ўзгартириш ва қўшимчалар киритилиши мумкин.
10-модда
Мазкур Битим қоидаларини талқин қилиш ёки қўллаш бўйича низо ва келишмовчиликлар юзага келган тақдирда, Томонлар уларни икки томонлама музокаралар ва маслаҳатлашувлар орқали ҳал қиладилар.
11-модда
Мазкур Битим у имзоланган санадан 30 (ўттиз) кун ўтгач кучга киради ва бир Томон мазкур Битимни бекор қилиш нияти тўғрисида бошқа Томоннинг расмий хабарномасини олган кундан бошлаб 90 (тўқсон) кунга қадар амал қилади.
Тошкент шаҳрида 2021 йил 15 июлда, икки асл нусхада, ҳар бири ўзбек ва инглиз тилларида тузилди, бунда барча матнлар тенг аутентикдир.
Мазкур Битим қоидаларини талқин қилишда келишмовчиликлар юзага келган тақдирда, Томонлар инглиз тилидаги матндан фойдаланадилар.
(имзолар)
×
×