Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
O'z
Ўз|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Жорий версия
02.03.2010
20.01.2006
02.05.2005
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
ПҚ-66-сон 02.05.2005
Ҳужжат кучини йўқотган 02.03.2010
Ҳужжат 02.03.2010 санаси ҳолатига
Амалдаги версияга ўтиш
[
ОКОЗ:
1.
02.00.00.00 Давлат бошқаруви асослари / 02.03.00.00 Республика давлат бошқаруви органлари ва хўжалик бошқаруви органлари / 02.03.03.00 Қўмиталар;
2.
09.00.00.00 Тадбиркорлик ва хўжалик фаолияти / 09.01.00.00 Тадбиркорлик тўғрисидаги қонунчилик / 09.01.09.00 Тадбиркорларни давлат томонидан қўллаб-қувватлаш ва ҳуқуқларини ҳимоя қилиш;
3.
09.00.00.00 Тадбиркорлик ва хўжалик фаолияти / 09.02.00.00 Рақобат тўғрисида қонунчилик. Табиий монополиялар / 09.02.03.00 Монополия фаолияти юзасидан давлат назорати. Монополияга қарши давлат органи]
[
ТСЗ:
1.
Давлат ва жамият қурилиши / Давлат ҳокимияти органлари. Давлат ва хўжалик бошқаруви органлари;
2.
Фуқаролик қонунчилиги. Тадбиркорлик / Тадбиркорлик фаолиятини давлат томонидан қўллаб-қувватлаш;
3.
Иқтисодиёт / Монополияга қарши қонун ҳужжатлари]
Ўзбекистон Республикаси Президентининг
Қарори
ЎЗБЕКИСТОН РЕСПУБЛИКАСИ МОНОПОЛИЯДАН ЧИҚАРИШ, РАҚОБАТ ВА ТАДБИРКОРЛИКНИ ҚЎЛЛАБ-ҚУВВАТЛАШ ДАВЛАТ ҚЎМИТАСИ ФАОЛИЯТИНИ ТАШКИЛ ҚИЛИШ ТЎҒРИСИДА
LexUZ шарҳи
Мазкур қарор Ўзбекистон Республикаси Президентининг 2010 йил 2 мартдаги ПҚ-1293-сонли «Ўзбекистон Республикаси Монополиядан чиқариш ва рақобатни ривожлантириш давлат қўмитасининг фаолиятини ташкил этиш тўғрисида»ги
қарорига
асосан ўз кучини йўқотган.
Ўзбекистон Республикаси Президентининг 2005 йил 30 апрелдаги «Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитасини ташкил этиш тўғрисида»ги ПФ-3602-сонли
Фармонига
мувофиқ ҳамда иқтисодиётни Монополиядан чиқариш, рақобат муҳитини ривожлантириш, тадбиркорликни қўллаб-қувватлаш ва истеъмолчилар ҳуқуқларини ҳимоя қилиш борасидаги ишларни янада авж олдириш мақсадида:
1. Қуйидагилар тасдиқлансин:
Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитасининг ташкилий тузилмаси, шунингдек унинг марказий аппарати тузилмаси 1 ва 2-иловаларга
*
мувофиқ;
монополиядан чиқариш, рақобат ва тадбиркорликни қўллаб-қувватлаш ҳудудий органларининг намунавий тузилмаси ҳамда чекланган сони 3 ва 3а-иловаларга
*
мувофиқ;
Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси тўғрисидаги низом 4-иловага
*
мувофиқ.
Иловалар
рус тилидаги матнда
берилган.
2. Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси марказий аппарати ходимларининг умумий чекланган сони 107 штат бирлиги, шу жумладан бошқарув ходимлари сони — 78 штат бирлигидан иборат этиб белгилансин.
Қўмита раисига зарур ҳолларда марказий аппарат тузилмасига белгиланган ходимлар сони ва уларни таъминлашга ажратиладиган маблағлар миқдори доирасида ўзгартиришлар киритиш ҳуқуқи берилсин.
3. Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитасига 9 кишидан иборат ҳайъат тузишга рухсат берилсин. Ҳайъатнинг шахсий таркиби Вазирлар Маҳкамаси томонидан тасдиқланади.
4. Белгилаб қўйилсинки, Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси ва тегишли равишда унинг ҳудудий органлари:
Ўзбекистон Республикаси Монополиядан чиқариш ва рақобатни ривожлантириш давлат қўмитаси, Ўзбекистон Республикаси Иқтисодиёт вазирлиги ҳузуридаги Иқтисодий ночор корхоналар ишлари қўмитаси томонидан тузилган шартномаларнинг;
Ўзбекистон Республикаси Монополиядан чиқариш ва рақобатни ривожлантириш давлат қўмитаси, Ўзбекистон Республикаси Иқтисодиёт вазирлиги ҳузуридаги Иқтисодий ночор корхоналар ишлари қўмитаси балансида бўлган мол-мулкнинг, шунингдек Ўзбекистон Республикаси Давлат мулкини бошқариш ва тадбиркорликни қўллаб-қувватлаш давлат қўмитасининг кичик ва хусусий тадбиркорликни ривожлантириш бошқармаси тасарруфида бўлган офис ускуналари ва компьютер техникасининг ҳуқуқий ворислари ҳисобланади.
5. Қуйидагилар белгилансин:
Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси ўз ваколати доирасида қабул қилган қарорлар вазирликлар, идоралар, маҳаллий ҳокимият органлари, муассаса ва ташкилотлар, мулкчилик шаклидан қатъий назар, хўжалик юритувчи субъектлар, шунингдек мансабдор шахслар ва фуқаролар томонидан ижро этилиши мажбурийдир;
маҳаллий давлат ҳокимияти органларининг рақобатни бевосита ёки билвосита чеклаши ва монополияга қарши қонун ҳужжатлари принципларини бузиши мумкин бўлган, шунингдек тадбиркорликни ривожлантириш масалаларига алоқадор бўлган қонун ҳужжатлари ҳамда қарорлари лойиҳалари тегишли равишда Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитасида ва унинг ҳудудий органларида олдиндан экспертизадан ўтказилиши мажбурийдир.
6. Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси:
берилган ҳуқуқ ва ваколатларни амалга ошириш чоғида Ўзбекистон Республикасининг Маъмурий жавобгарлик тўғрисидаги
кодекси
,
«Тадбиркорлик фаолияти эркинлигининг кафолатлари тўғрисида»ги,
«
Товар бозорларида монополистик фаолиятни чеклаш ва рақобат тўғрисида»ги
,
«Табиий монополиялар тўғрисида»ги
,
«Банкротлик тўғрисида»ги
,
«Истеъмолчиларнинг ҳуқуқларини ҳимоя қилиш тўғрисида»ги,
«Реклама тўғрисида»ги
қонунларнинг талабларига қатъий амал қилсин, хўжалик юритувчи субъектлар фаолияти эркинлиги камситилиши ва чекланишига йўл қўймасин;
бир ой муддатда монополиядан чиқариш, рақобат ва тадбиркорликни қўллаб-қувватлаш тегишли ҳудудий органларини ташкилий жиҳатдан ўзгартиришни амалга оширсин, улар тўғрисидаги низомларни тасдиқласин;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда икки ҳафта муддатда Монополиядан чиқариш, рақобат ва тадбиркорликни қўллаб-қувватлаш давлат қўмитаси ҳудудий органларини жойлаштириш масалаларини ҳал этсин;
Монополиядан чиқариш, рақобат ва тадбиркорликни қўллаб-қувватлаш давлат қўмитаси марказий аппарати ҳамда ҳудудий органларини юқори малакали кадрлар билан таъминласин.
7. Вазирлар Маҳкамаси Адлия вазирлиги, Олий хўжалик суди, Монополиядан чиқариш, рақобат ва тадбиркорликни қўллаб-қувватлаш давлат қўмитаси билан биргаликда бир ой муддатда Монополиядан чиқариш, рақобат ва тадбиркорликни қўллаб-қувватлаш давлат қўмитаси хўжалик юритувчи субъектларга фақат суд орқали жарима солиши ва уларнинг монополистик фаолият юритиши, истеъмолчилар ҳуқуқларини ва реклама тўғрисидаги қонунни бузган ҳолда асоссиз қўлга киритилган маблағлари (даромадлари, фойдалари)ни олиб қўйиш тўғрисида қарорлар қабул қилиши мумкинлигини назарда тутувчи қонун ҳужжатларига ўзгартиришлар киритиш тўғрисидаги таклифларни ишлаб чиқсин ва белгиланган тартибда Олий Мажлис Қонунчилик палатасига киритсин.
Олий хўжалик суди Монополиядан чиқариш, рақобат ва тадбиркорликни қўллаб-қувватлаш давлат қўмитасининг барча илтимоснома ва даъволари биринчи навбатда кўриб чиқилишини таъминласин.
8. Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси ҳузурида Иқтисодий ночор корхоналар ишлари қўмитаси ҳузуридаги Корхоналар санацияси жамғармаси, Ўзбекистон Республикаси Монополиядан чиқариш ва рақобатни ривожлантириш давлат қўмитасининг Ижтимоий ривожланиш ва ходимларни моддий рағбатлантириш жамғармаси негизида, шунингдек Хусусийлаштириш давлат дастурини амалга ошириш, инвестиция ҳамда бозор тузилмаларини ташкил этиш ва ривожлантириш учун Ўзбекистон Республикаси Давлат мулки қўмитаси тасарруфида қолдириладиган маблағларнинг бир қисмини ажратиш ҳисобига Тадбиркорликни қўллаб-қувватлаш ва корхоналарни таркибий жиҳатдан ўзгартириш жамғармаси тузилсин.
Ўзбекистон Республикаси Молия вазирлиги Ўзбекистон Республикаси Монополиядан чиқариш, рақобат ва Тадбиркорликни қўллаб-қувватлаш давлат қўмитаси билан биргаликда бир ой муддатда белгиланган тартибда Тадбиркорликни қўллаб-қувватлаш ва корхоналарни таркибий жиҳатдан ўзгартириш жамғармасини шакллантириш ҳамда унинг маблағларидан фойдаланиш
тартибини
ишлаб чиқсин ва тасдиқлаш учун Вазирлар Маҳкамасига киритсин.
9. Ўзбекистон Республикаси Монополиядан чиқариш, рақобат ва Тадбиркорликни қўллаб-қувватлаш давлат қўмитасининг марказий аппарати қуйидаги манзилда жойлаштирилсин: Тошкент шаҳри, Навоий кўчаси, 18.
10. Ўзбекистон Республикаси Адлия вазирлиги бир ой муддатда тегишли вазирликлар ва идоралар билан биргаликда:
қонун ҳужжатларига мазкур қарордан келиб чиқадиган ўзгартиш ва қўшимчалар тўғрисидаги таклифларни Вазирлар Маҳкамасига киритсин;
вазирликлар ва идоралар ўзларининг норматив ҳужжатларини ушбу қарорга мувофиқлаштириб олишларини таъминласин.
11. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклатилсин.
Ўзбекистон Республикаси Президенти И. КАРИМОВ
Тошкент ш.,
2005 йил 2 май,
ПҚ-66-сон
(Ўзбекистон Республикаси қонун ҳужжатлари тўплами, 2005 й., 17-18-сон, 130-модда; 2006 й., 4-5-сон, 24-модда)
×
×