[
ОКОЗ:
1.
01.00.00.00 Конституциявий тузум / 01.23.00.00 Байрамлар. Хотира кунлари. Юбилейлар;
2.
05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.28.00 Дам олиш ва байрам кунлари]
[
ТСЗ:
1.
Ижтимоий-маданий масалалар / Меҳнат. Аҳолининг бандлиги]
Ўзбекистон Республикаси Президентининг
Фармони
2023 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида
2023 йилда фуқароларнинг расмий саналарни нишонлаш даврида тўлиқ дам олиши учун шарт-шароитлар яратиш, «Ўзбекистон бўйлаб саёҳат қил!» ички туризмни ривожлантириш дастури доирасида ички ва зиёрат туризмини янада ривожлантириш учун дам олиш ва байрам кунларидан самарали фойдаланишни таъминлаш мақсадида:
Олдинги
таҳрирга қаранг.
1. 2023 йилда қуйидаги қўшимча дам олиш кунлари белгилансин:
Олдинги
таҳрирга қаранг.
барча ходимлар учун (иш ҳафтасининг туридан қатъи назар): 2 январь — душанба, 24 апрель — душанба, 29 июнь — пайшанба, 30 июнь — жума;
(1-банднинг иккинчи хатбошиси Ўзбекистон Республикаси Президентининг 2023 йил 19 июндаги ПФ-100-сонли
Фармони
таҳририда — Қонунчилик маълумотлари миллий базаси, 20.06.2023 й., 06/23/100/0404-сон)
олти кунлик иш ҳафтасида ишлайдиган ходимлар учун: 3 январь — сешанба, 20 март — душанба, 22 март — чоршанба, 22 апрель — шанба, 1 июль — шанба, 2 сентябрь — шанба, 30 декабрь — шанба.
(1-банд Ўзбекистон Республикаси Президентининг 2023 йил 20 апрелдаги ПФ-58-сонли
Фармони
таҳририда — Қонунчилик маълумотлари миллий базаси, 20.04.2023 й., 06/23/58/0221-сон)
2. Ўзбекистон Республикасининг 2022 йил 28 октябрдаги ЎРҚ-798-сон Қонуни билан тасдиқланган Меҳнат кодексининг
208-моддасига
мувофиқ:
ишланмайдиган байрам куни ҳисобланувчи «1 октябрь — Ўқитувчи ва мураббийлар куни» 2023 йилда якшанба — дам олиш кунига тўғри келганлиги муносабати билан ушбу дам олиш куни 2023 йил 2 октябрь — душанба кунига кўчирилиши;
бунда ишлаб чиқариш-техник ва ташкилий шароитлар (мавжуд узлуксиз ишлаб чиқариш, аҳолига ҳар куни хизмат кўрсатиш, навбатчилик асосида ишлаш ва бошқалар) туфайли ишланмайдиган байрам кунлари тўхтатиб қўйиш мумкин бўлмаган ишларни бажаришда дам олиш кунлари кўчирилмаслиги маълумот учун қабул қилинсин.
3. 2023 йилда беш кунлик иш ҳафтасида ишлайдиган ходимлар учун дам олиш кунлари қуйидаги тартибда кўчирилсин:
7 январь — шанба кунидан 3 январь — сешанба кунига;
11 март — шанба кунидан 20 март — душанба кунига;
25 март — шанба кунидан 22 март — чоршанба кунига.
Олдинги
таҳрирга қаранг.
(3-банднинг бешинчи хатбошиси Ўзбекистон Республикаси Президентининг 2023 йил 20 апрелдаги ПФ-58-сонли
Фармонига
асосан чиқарилган — Қонунчилик маълумотлари миллий базаси, 20.04.2023 й., 06/23/58/0221-сон)
4. Байрам (ишланмайдиган) кунларининг узайтирилишини ҳисобга олган ҳолда, республика аҳолисининг мароқли дам олиши учун:
Олдинги
таҳрирга қаранг.
Маданият ва туризм вазирлиги туризм намойиши объектлари (маданий мерос объектлари, музейлар) ва меҳмонхона хизматлари учун чегирмалар берилиши ҳамда акциялар ўтказилишини ташкиллаштирсин;
(4-банднинг иккинчи хатбошиси Ўзбекистон Республикаси Президентининг 2023 йил 20 апрелдаги ПФ-58-сонли
Фармони
таҳририда — Қонунчилик маълумотлари миллий базаси, 20.04.2023 й., 06/23/58/0221-сон)
Олдинги
таҳрирга қаранг.
Ўзбекистон Касаба уюшмалари федерациясига Соғлиқни сақлаш вазирлиги, Ёшлар сиёсати ва спорт вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда санаторийлар ва соғломлаштириш муассасалари учун чегирмалар бериш ҳамда акциялар ўтказиш тавсия этилсин;
(4-банднинг учинчи хатбошиси Ўзбекистон Республикаси Президентининг 2023 йил 12 июндаги ПФ-92-сонли
Фармони
таҳририда — Қонунчилик маълумотлари миллий базаси, 13.06.2023 й., 06/23/92/0366-сон)
«Uzbekistan Airways» АЖ, «Ўзбекистон темир йўллари» АЖга ички транспорт қатновлари учун чегирмалар бериш ва акциялар ўтказиш тавсия этилсин.
5. Ўзбекистон Касаба уюшмалари федерацияси кенгашига:
меҳнат жамоалари ўртасида ушбу Фармоннинг мақсади, мазмун-моҳияти тўғрисида тушунтириш ишларини ташкил этиш;
узайтирилган байрам кунларида ходимлар ва уларнинг оила аъзолари мароқли дам олишини таъминлаш юзасидан касаба уюшмалари ташкилотларининг ишини фаоллаштириш тавсия этилсин.
6. Ўзбекистон Миллий телерадиокомпанияси Ўзбекистон Миллий ахборот агентлиги билан биргаликда байрам кунлари ўтказиладиган тадбирлар тўғрисида оммавий ахборот воситалари, шу жумладан Интернет жаҳон ахборот тармоғи орқали аҳолининг кенг хабардор қилинишини таъминласин.
7. Мазкур Фармон 2024 йил 1 январдан эътиборан ўз кучини йўқотади.
8. Ушбу Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 23 декабрь,
ПФ-270-сон
(Қонунчилик маълумотлари миллий базаси, 23.12.2022 й., 06/22/270/1116-сон; 20.04.2023 й., 06/23/58/0221-сон; 13.06.2023 й., 06/23/92/0366-сон; 20.06.2023 й., 06/23/100/0404-сон)