Ўзбекистон Республикаси Вазирлар Маҳкамасининг
қарори
«ЎЗ-СЭ МЮНГ КО.» ЎЗБЕКИСТОН-КОРЕЯ ҚЎШМА КОРХОНАСИНИ ТАШКИЛ ЭТИШ ТЎҒРИСИДА
[Кўчирма]
Ўзбекистон Республикасида хорижий инвестицияларни жалб этган ҳолда автомобиль саноатининг ишлаб чиқариш базасини шакллантириш ва уни ривожлантириш мақсадида Вазирлар Маҳкамаси қарор қилади:
1. «Ўзавтосаноат» ва «Ўзмашсаноат» уюшмаларининг «Андижонгидромаш» акционерлик жамияти негизида Кореянинг «Сэ Мюнг Метал Ко. Лтд.» компанияси билан биргаликда ёқилғи баклари ҳамда йирик штампланган қисмлар ишлаб чиқариш бўйича, устав капитали тузилмаси 1-иловага мувофиқ бўлган «Ўз-Сэ Мюнг Ко.» корхонасини ташкил этиш тўғрисидаги таклифи қабул қилинсин.
2. Қуйидагилар маълумот учун қабул қилинсин:
ДЭУ корпорацияси қўшма корхонага асбоб-ускуналар харид қилиши учун 8,92 млн АҚШ доллари миқдорида кредит беради;
ДЭУ корпорациясининг кредити ва унинг бўйича фоизларни тўлаш «Ўз-Сэ Мюнг Ко.» қўшма корхонасининг даромадлари ҳисобидан 2-иловага мувофиқ амалга оширилади;
қўшма корхонада автомобилларнинг ёқилғи баклари ва йирик штампланган қисмларини ишлаб чиқариш 1997 йилнинг 3-чорагида 3-иловага мувофиқ бошланади.
4. Ўзбекистон Республикаси Молия вазирига ушбу лойиҳа учун олинаётган кредитлар бўйича Ўзбекистон Республикаси Ҳукумати кафолатини бериш ваколати белгиланган тартибда берилсин.
5. Ўзбекистон Республикаси Адлия вазирлиги белгиланган тартибда «Ўзбекистон Республикаси Ҳукумати кафолатлари бўйича юридик хулоса берсин.
6. «Ўзистиқболстат» давлат қўмитаси «Ўз-Сэ Мюнг Ко.» қўшма корхонасининг ёқилғи баклари ва йирик штампланган қисмларни ишлаб чиқариш бўйича лойиҳасини Ўзбекистон Республикасининг инвестиция дастурига киритсин.
7. «Ўзавтосаноат» уюшмаси кредитни узиш ва унинг бўйича фоизларни тўлаш даврида кредитни ва унинг бўйича қўшилган фоизларни қайтаришга йўналтирилган ушбу лойиҳага оид дивидендлар тарзида олинган маблағлар суммасидан фойда солиғини тўлашдан озод этилсин.
8. Ўзбекистон Республикаси Ташқи ишлар вазирлиги «Ўзавтосаноат» уюшмасининг талабномалари бўйича «Ўз-Сэ Мюнг Ко.» қўшма корхонасининг хорижий мутахассисларига, визаларни расмийлаштириш учун консуллик йиғимларини тўлашдан озод этган ҳолда, белгиланган тартибда кўп марталик визалар берилишини таъминласин.
9. Вазирлар Маҳкамасининг 1992 йил 5 ноябрдаги 509-сон қарорининг 6, 7-бандларида назарда тутилган имтиёзлар ва ҳуқуқлар «ЎзДЭУавто» қўшма корхонаси автомобиллари учун бутловчи буюмлар ишлаб чиқарувчи сифатида ташкил этилаётган қўшма корхонага ҳам жорий этилиши белгилаб қўйилсин.
10. «Ўзавтосаноат» уюшмаси уюшмани таркибий жиҳатдан холдинг компаниясига айлантириш тўғрисида Вазирлар Маҳкамасига бир ой муддатда таклиф киритсин.
11. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1996 йил 27 декабрь,
461-сон
Вазирлар Маҳкамасининг 1996 йил 27 декабрдаги 461-сон қарорига
1-ИЛОВА
«Ўз-Сэ Мюнг Ко.» қўшма корхонаси устав капитали
ТАРКИБИ

Таъсисчилар‎

Улуш суммаси (млн АҚШ долл.) ‎ Улуш ҳиссаси (фоизларда) ‎
Корея томони ҳаммаси:‎ 2.40‎‎ 50‎‎
шу жумладан:‎
«Сэ Мюнг Метал Ко. Лтд.» компанияси ‎ 2.40‎‎ 50‎‎
Ўзбекистон томони ҳаммаси ‎ 2.40‎‎ 50‎
шу жумладан:‎
«Ўзавтосаноат» уюшмаси‎ 1.85‎ 38.5‎
«Андижонгидромаш» АЖ (умумий майдони 3456 кв. м бўлган бинолар ва иншоотлар) ‎ 0.55‎ 11.5‎
Жами:‎ 4.80‎ 100‎
Вазирлар Маҳкамасининг 1996 йил 27 декабрдаги 461-сон қарорига
2-ИЛОВА
«Ўз-Сэ Мюнг Ко.» қўшма корхонаси томонидан ДЭЎ корпорацияси кредити ва унинг бўйича фоизларни тўлаш
ЖАДВАЛИ
Кредит суммаси

—‎

8,92 млн АҚШ долл.
Фоиз ставкаси

—‎

Либор + 2 %
Кредитни бериш муддати

—‎

9 йил, шу жумладан 3 йиллик имтиёзли давр

(минг АҚШ долл.)

Йиллар
1997 й.‎ 1998.й‎ 1999.й‎ 2000.й‎ 2001.й‎ 2002.й‎ 2003.й‎ 2004.й‎ 2005.й‎ Ҳаммаси‎
Қарзни қайтариш‎ —‎ —‎ —‎ 1486,66‎ 1486,66‎ 1486,67‎ 1486,67‎ 1486,67‎ 1486,67‎ 8920,0‎
Кредит учун фоизларни тўлаш*‎ 401,4‎ 802,8‎ 802,8‎ 769,35‎ 635,55‎ 501,75‎ 367,95‎ 234,15‎ 100,35‎ 4616,1‎
Кредитни тўлашнинг жами суммаси‎ 401,4‎ 8.02,8‎ 802,2‎ 2256,01‎ 2122,21‎ 1988,42‎ 1854,62‎ 1720,82‎ 1587,02‎ 213536,1‎
*Кредит учун фоизлар амалдаги «Либор» ставкасига мувофиқ аниқланади.
Вазирлар Маҳкамасининг 1996 йил 27 декабрдаги 461-сон қарорига
3-ИЛОВА
Ўз-Сэ Мюнг Ко.» Ўзбекистон-Корея қўшма корхонасида бутловчи буюмлар
ИШЛАБ ЧИҚАРИШ

(минг дона тўплам)

Автомобиль модели ‎ Маҳсулот тури‎ 1997 й.‎ 1998 й.‎ 1999 й.‎ 2000 й.‎
«ТИКО» Ёқилғи баклари‎ 19,500‎ 34,000‎ 38,000‎ 40,000‎
Ўриндиқларнинг штампланган қисмлари ‎ 19,500‎ 34,000‎ 38,000‎ 40,000‎
«ДАМАС»‎‏ Ёқилғи баклари‎ 19,500‎ 34,000‎ 38,000‎ 40,000‎
Ўриндиқларнинг штампланган қисмлари ‎ 19,500‎ 34,000‎ 38,000‎ 40,000‎
«НЕКСИЯ» Ёқилғи баклари‎ 39,750‎ 67,000‎ 74,000‎ 80,000‎
Ўриндиқларнинг штампланган қисмлари ‎ 39,750‎ 67,000‎ 74,000‎ 80,000‎
Кузовнинг йиғилган йирик панеллари ‎ 357,750‎ 603,000‎ 666,000‎ 720,000‎
ЖАМИ:‎‏ Ёқилғи баклари‎ 78,750‎ 135,000‎ 150,000‎ 160,000‎
Ўриндиқларнинг штампланган қисмлари ‎ 78,750‎ 135,000‎ 150,000‎ 160,000‎
Йиғилган йирик панеллар ‎ 357,750‎ 603,000‎ 666,000‎ 720,000‎