Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?

Авторизация қилиш Рўйхатдан ўтиш

Hujjat 19.11.2023 00 sanasi holatiga
Amaldagi versiyaga o‘tish
O‘zbekiston Respublikasining “O‘zbekiston Respublikasining ayrim qonun hujjatlariga qo‘shimcha va o‘zgartishlar kiritish to‘g‘risida” 2023-yil 6-fevraldagi O‘RQ-816-son Qonuniga muvofiq, shuningdek, avtomototransport vositalari va shahar elektr transporti vositalari haydovchilarini tayyorlash hamda qayta tayyorlash bo‘yicha nodavlat ta’lim xizmatlarini ko‘rsatuvchi tadbirkorlik subyektlari faoliyatini samarali tashkil etish maqsadida Vazirlar Mahkamasi qaror qiladi:
1. O‘zbekiston Respublikasining “O‘zbekiston Respublikasining ayrim qonun hujjatlariga qo‘shimcha va o‘zgartishlar kiritish to‘g‘risida” 2023-yil 6-fevraldagi O‘RQ-816-son Qonuniga muvofiq avtomototransport vositalari va shahar elektr transporti vositalari haydovchilarini tayyorlash hamda qayta tayyorlash sohasida nodavlat ta’lim xizmatlarini ko‘rsatish faoliyatini litsenziyalash, shuningdek, avtomototransport vositalari va shahar elektr transporti vositalari haydovchilarining malakasini oshirish faoliyatini boshlaganlik yoki tugatganlik to‘g‘risida xabardor qilish tartib-taomillari sohasidagi vakolati organ sifatida O‘zbekiston Respublikasi Ichki ishlar vazirligi belgilanganligi ma’lumot uchun qabul qilinsin.
2. O‘zbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi o‘zgartirish va qo‘shimchalar kiritilsin:
a) nomi quyidagi tahrirda bayon etilsin:
b) 1-bandning ikkinchi xatboshisi quyidagi tahrirda bayon etilsin:
nomi quyidagi tahrirda bayon etilsin:
1 va 2-bandlar quyidagi tahrirda bayon etilsin:
2-bob o‘z kuchini yo‘qotgan deb hisoblansin;
7-band quyidagi tahrirda bayon etilsin:
9 va 10-bandlar quyidagi tahrirda bayon etilsin:
12-bandning ikkinchi xatboshisi quyidagi tahrirda bayon etilsin:
17-band quyidagi tahrirda bayon etilsin:
19-banddagi “O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi” so‘zlari “, Ichki ishlar vazirligi” so‘zlari bilan almashtirilsin;
birinchi xatboshidagi “O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi” so‘zlari “Ichki ishlar vazirligi Jamoat xavfsizligi departamenti Yo‘l harakati xavfsizligi boshqarmasi (keyingi o‘rinlarda — YHXX)” so‘zlari bilan almashtirilsin;
ikkinchi xatboshidagi “DYHXX” so‘zi “YHXX” so‘zi bilan almashtirilsin;
23-band quyidagi tahrirda bayon etilsin:
24-banddagi “O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasida” so‘zlari “Ichki ishlar vazirligida” so‘zlari bilan almashtirilsin;
25-band quyidagi tahrirda bayon etilsin:
29-bandning birinchi xatboshisi quyidagi tahrirda bayon etilsin:
30-band quyidagi tahrirda bayon etilsin:
1-ilova quyidagi tahrirda bayon etilsin:

1.

Litsenziya nomi:

Avtomototransport vositalari va shahar elektr transporti vositalari haydovchilarini tayyorlash hamda qayta tayyorlash

2.

Ariza beruvchilar toifasi:

Yuridik shaxs

3.

Litsenziyalovchi organ:

O‘zbekiston Respublikasi Ichki ishlar vazirligi

4.

Litsenziyani olish uchun taqdim qilinadigan hujjatlar:

a) ariza.

Arizada quyidagilar ko‘rsatiladi:

yuridik shaxsning nomi va tashkiliy-huquqiy shakli, pochta manzili, elektron pochtasi (mavjud bo‘lsa), ta’lim faoliyatini amalga oshirish manzili, bank muassasasining nomi va bank hisobvarag‘i, soliq to‘lovchining identifikatsiya raqami (STIR), faoliyatning litsenziyalanayotgan turi, ta’lim faoliyati yo‘nalishlari ro‘yxati, ariza to‘ldirish sababi (yangi litsenziya olish, qayta rasmiylashtirish), litsenziya da’vogarining litsenziya talablari va shartlariga rioya qilishga roziligi;

litsenziya olmoqchi bo‘lgan da’vogarlar arizada litsenziyalanadigan faoliyat bilan birga avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni o‘tkazish faoliyati bilan shug‘ullanmoqchi bo‘lsa, bu haqida alohida ko‘rsatib o‘tadi;

b) yong‘in va sanitariya-epidemiologiya xizmati organlarining mavjud binolar va xonalarning yongin xavfsizligi talablariga va sanitariya-gigiyena normalariga muvofiqligi to‘g‘risidagi xulosalari;

v) pedagog kadrlar (haydovchi-yo‘riqchilar) haqida ma’lumot;

g) o‘quv rejasi va dasturlarining elektron nusxalari.

Litsenziyalovchi organ quyidagi ma’lumotlarni “Yagona milliy mehnat tizimi” idoralararo dasturiy-apparat kompleksi orqali avtomatik ravishda mustaqil tarzda tekshiradi:

oliy pedagogik ma’lumot to‘g‘risidagi diplom yoki xorijiy davlatda ta’lim olganlik to‘g‘risidagi hujjatni tan olish haqidagi guvohnoma (haydovchi-yo‘riqchilar uchun talab qilinadigan ma’lumotni tasdiqlovchi hujjat) nusxasi;

pedagog kadrlar (haydovchi-yo‘riqchilar) ish stajini tasdiqlovchi “Elektron mehnat daftarchasi” tizimidan ko‘chirma;

d) o‘zlashtirishni ko‘tarishga yo‘naltirilgan, o‘qitishni monitoring qilish va rejalashtirish imkonini beruvchi avtomatlashtirilgan axborot tizimini mulkiy yoki boshqa ashyoviy huquq bilan yuridik shaxsga tegishliligi haqidagi hujjat;

e) butun o‘quv jarayonini qamrab oladigan davlat ta’lim talablariga muvofiq uch o‘lchamli animatsiya effektlari va videokontentga ega avtomototransport vositalari va shahar elektr transporti vositalari haydovchilarini tayyorlash va qayta tayyorlash uchun ishlab chiqilgan elektron o‘quv-uslubiy qo‘llanmalar bilan akkreditatsiya muddatiga mulkiy yoki boshqa ashyoviy huquq bilan ta’minlanganligi haqidagi hujjat;

j) haydovchilikka nomzodlarni nazariy imtihondan o‘tkazish uchun o‘quv dasturini qamrab olgan elektron (animatsion) test savollari to‘plamining mulkiy yoki boshqa ashyoviy huquq bilan yuridik shaxsga tegishliligi haqidagi hujjat (avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni o‘tkazish faoliyati bilan shug‘ullanuvchi tadbirkorlik subyektlari — yuridik shaxslar uchun);

z) nazariy imtihonlarni o‘tkazish uchun texnik va texnologik vositalar bilan maxsus jihozlangan zal (xonalar), avtomototransport vositalarining barcha toifalari bo‘yicha amaliy imtihonlarni o‘tkazish uchun avtomatlashtirilgan avtodrom va maxsus jihozlangan avtomototransport vositalarining mulkiy yoki boshqa ashyoviy huquq bilan yuridik shaxsga tegishliligi haqidagi hujjat (avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni o‘tkazish faoliyati bilan shug‘ullanuvchi tadbirkorlik subyektlari — yuridik shaxslar uchun);

i) avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni o‘tkazishda foydalaniladigan avtomatlashtirilgan tizimlarning qonunchilik hujjatlari talablariga muvofiqligi to‘g‘risida O‘zbekiston Respublikasi Ichki ishlar vazirligi Jamoat xavfsizligi departamenti Yo‘l harakati xavfsizligi xizmatining (keyingi o‘rinlarda — YHXX) ekspertiza xulosasi nusxasi (avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni o‘tkazish faoliyati bilan shug‘ullanuvchi tadbirkorlik subyektlari — yuridik shaxslar uchun).

5.

Arizani ko‘rib chiqish uchun to‘lanadigan yig‘im miqdori:

Bazaviy hisoblash miqdorining 2 baravari

6.

Litsenziya berilganligi uchun davlat boji miqdori:

Bazaviy hisoblash miqdorining 10 baravari

7.

Arizani ko‘rib chiqish muddati:

15 ish kunida

8.

Litsenziya talablari va shartlari:

I. Umumiy litsenziya talablari va shartlari:

a) O‘zbekiston Respublikasining ta’lim sohasidagi qonunchilik hujjatlariga majburiy rioya qilish;

b) ta’lim-tarbiya faoliyati yuritiladigan binoga (xonalarga) mulkiy yoki boshqa ashyoviy huquqning mavjudligi (oldi-sotdi shartnomasi yoki ko‘chmas mulk ijarasi shartnomasi (agar bino ijaraga olingan bo‘lsa), ko‘chmas mulk obyekti kadastr pasporti, ko‘chmas mulk obyektiga egalik qilish, undan foydalanish hamda uni tasarruf etish huquqini tasdiqlovchi boshqa hujjatlar)*;

v) ta’lim-tarbiya jarayonini davlat ta’lim standartlariga (davlat ta’lim talablariga), o‘quv rejasi va dasturlariga, avtomototransport vositalari haydovchilarini tayyorlash va qayta tayyorlashga qo‘yiladigan davlat ta’lim talablariga, o‘quv rejalariga va fanlarning o‘quv dasturlariga, shuningdek, ta’lim tashkilotlari tomonidan mustaqil ishlab chiqilib, litsenziya olish paytida taqdim etilgan o‘quv dasturlariga muvofiq tashkil etish;

g) ta’limning majburiy ravishda dunyoviy xarakterda bo‘lishi, ta’lim jarayonida urushni, zo‘ravonlikni targ‘ib qilishdan foydalanishga, fuqarolarning konstitutsiyaviy huquqlari va erkinligi kamsitilishiga, mamlakatdagi xavfsizlik va ijtimoiy-siyosiy barqarorlikka, jamiyatning huquqiy va ma’naviy asoslariga, fuqarolar osoyishtaligiga, millatlararo va dinlararo totuvlikka raxna solinishiga, O‘zbekiston Respublikasi to‘g‘risida ishonchsiz ma’lumotlar tarqatilishiga va xalqning tarixiy, madaniy va ma’naviy qadriyatlari buzib ko‘rsatilishiga yo‘l qo‘ymaslik;

d) ilg‘or xalqaro tajribalarni inobatga olgan holda, o‘qitishning innovatsion shakllari, usullari va zamonaviy texnologiyalardan foydalanish asosida ta’lim sohasida faoliyat samaradorligi va natijadorligini oshirish;

e) ta’lim tashkiloti, ta’lim oluvchilar va pedagog kadrlar (haydovchi-yo‘riqchilar) to‘g‘risidagi to‘g‘ri, to‘liq va ishonchli ma’lumotlarni “Uzluksiz ta’lim” axborot tizimiga kiritish va har chorakda yangilab borish*;

j) har bir auditoriyada videoproyektor yoki diagonali 50 dyuymdan kam bo‘lmagan interaktiv monitor (televizor), kompyuter, audio va videokuzatuv tizimi, yo‘l harakati qoidalari bo‘yicha ko‘rgazmali qo‘llanmalar, shuningdek, o‘quv jarayoni va yakuniy test sinovlarining oshkoraligini ta’minlash uchun yozib olish tizimining mavjud bo‘lishi;

z) o‘quv guruhlari faoliyatini samarali tashkil etish hamda yakuniy imtihonlarning shaffof o‘tkazilishi va natijalarining xolisligini nazorat qilish bo‘yicha ma’lumotlarni YHXXning Yagona avtomatlashtirilgan axborot tizimiga real vaqt rejimida kiritib borish imkoniyatining yaratilganligi;

i) litsenziya da’vogarida litsenziyalanayotgan faoliyatni amalga oshirish uchun mo‘ljallangan, unga mulkiy yoki boshqa ashyoviy huquq bilan tegishli bo‘lgan, belgilangan tartibda qayta jihozlangan va ro‘yxatga olingan o‘quv avtomototransport vositalari yoki shahar elektr transporti vositalarining mavjudligi;

k) avtomototransport vositalari haydovchilarini tayyorlash va qayta tayyorlash hamda haydovchilik guvohnomasini olish uchun nazariy va amaliy imtihonlarni o‘tkazish bo‘yicha davlat ta’lim talablariga muvofiq o‘qituvchilar va instruktorlar tarkibining mavjud bo‘lishi;

l) ta’lim jarayonini qonunchilik hujjatlari bilan davlat ta’lim muassasalari uchun belgilangan kiyinish talablariga hamda ta’lim tashkilotining ichki tartib-qoidalariga va odob-axloq qoidalariga rioya qilgan holda tashkil qilish;

m) bitiruvchilarga belgilangan tartibda ta’lim to‘g‘risida hujjat berish.

II. Avtotransport vositalari va shahar elektr transporti vositalari haydovchilarini tayyorlash va qayta tayyorlash bo‘yicha ta’lim xizmatlarini ko‘rsatish yuzasidan alohida litsenziya talablari va shartlari:

T/r

Litsenziya talablari va shartlari

Bajarilishi lozim bo‘lgan ko‘rsatkichlar

1.

Ta’lim faoliyatini amalga oshirish uchun qayta jihozlangan va ro‘yxatga olingan o‘quv avtomototransport vositalari yoki shahar elektr transporti vositalarining mavjudligi:*

oldi-sotdi shartnomasi;

avtomototransport ijarasi shartnomasi (agar avtomototransport vositasi ijaraga olingan bo‘lsa);

avtomototransport vositalarini qayd etish guvohnomalari va qayta jihozlanganligi to‘g‘risidagi guvohnomalar. Bunda “V” toifa uchun ishlab chiqarilganligiga 10 yildan ortiq bo‘lmagan, boshqa toifalar uchun ishlab chiqarilganligiga 20 yildan ortiq bo‘lmagan avtomototransport vositalari bo‘lishi lozim;

avtomototransport vositasiga egalik qilish, undan foydalanish hamda uni tasarruf etish huquqini tasdiqlovchi boshqa hujjatlar.

2.

O‘quv va o‘quv-metodik adabiyotlar hamda axborot-resurs bazasi bilan ta’minlanganligi: *

kamida 5 ta kompyuter texnikasi, skaner va nusxa ko‘chirish apparati bilan jihozlangan axborot-resurs markazi;

ta’lim oluvchilar uchun elektron o‘quv-metodik qo‘llanma;

har bir o‘qituvchiga o‘quv qo‘llanmasi va qo‘shimcha adabiyotlar.

3.

Ta’lim oluvchilarning maksimal soni:*

guruhda — 24 nafar.

4.

Ta’lim oluvchilar soniga to‘g‘ri keladigan o‘qituvchilar va haydovchi-yo‘riqchilar shtat birliklari:*

o‘qituvchi — 24 nafargacha ta’lim oluvchiga 1 shtat birligi;

haydovchi-yo‘riqchi — 12 nafargacha ta’lim oluvchiga 1 shtat birligi.

5.

O‘qituvchilarning minimal soni:*

avtotransport mutaxassisligi bo‘yicha oliy ma’lumotga ega o‘qituvchilar soni — 1 nafar;

shoshilinch tibbiy yordam ko‘rsatish yoki tibbiyot ixtisosligi bo‘yicha oliy yoki o‘rta maxsus ma’lumotga ega yo‘riqchilar (paramediklar) soni — 1 nafar;

avtotransport vositasini boshqarish bo‘yicha uch yil (“D” toifasi uchun besh yil) stajga ega haydovchi-yo‘riqchilar soni — 1 nafar.

6.

Haydovchilarni tayyorlash ta’lim tashkiloti va uning hududiga qo‘yiladigan talablar:*

tungi yoritgichlar o‘rnatilganligi;

ichimlik suv va kanalizatsiya bilan ta’minlanganligi;

hojatxona bilan ta’minlanganligi;

har biri kamida 40 m2 maydonga ega bo‘lgan va bitta hududda joylashgan kamida ikkita xonaning (auditoriya) mavjudligi;

yo‘l harakati qoidalari, yo‘l harakati xavfsizligi asoslari va birinchi yordam ko‘rsatish bo‘yicha o‘quv auditoriyasini avtomototransport vositalari haydovchilarini tayyorlash va qayta tayyorlashga qo‘yiladigan davlat ta’lim talablarida belgilangan mezonlarga muvofiq jihozlanganligi;

avtomototrasport vositalarining tuzilishi, ishlatilish asoslari, ularga texnik (servis) xizmat ko‘rsatish va mehnatni muhofaza qilish bo‘yicha o‘quv auditoriyasining mavjudligi;

o‘quv avtodromining hajmi, haydovchilikka nomzodlarning soni hamda ushbu o‘quv avtodromidan foydalanuvchi boshqa shaxslar sonidan kelib chiqib, unumdorligi (sig‘imi) amaliy mashg‘ulotlarni o‘tkazish uchun yetarli bo‘lgan hamda Ichki ishlar vazirligi tomonidan belgilangan tartibda jihozlangan, o‘ziga mulki� yoki boshqa ashyoviy huquq bilan (ijara, foydalanish yoki boshqa huquq asosida) tegishli bo‘lgan o‘quv avtodromining mavjudligi;

ta’lim oluvchilarning bilimlarini yakuniy test sinovlaridan o‘tkazish uchun kamida 10 ta kompyuter texnikasi bilan jihozlangan alohida xonaning mavjudligi.

7.

Axborot texnologiyalari bilan ta’minlanganlik darajasi:*

kamida 75 foiz kompyuter texnikalari 10 mbit/sek tezlikdagi Internet jahon axborot tarmog‘iga ulanganligi;

kamida 30 foiz hududda Wi-Fi zonalar tashkil etilishi.

turniket hamda audio va videokuzatuv tizimi;

o‘quv jarayoniga o‘zlashtirishni oshirishga yo‘naltirilgan o‘qitish monitoringini olib borish va rejalashtirishning avtomatlashtirilgan axborot tizimini joriy etilganligi;

har bir ta’lim oluvchi (tinglovchi)ni butun o‘quv jarayonini qamrab oladigan davlat ta’lim talablariga muvofiq uch o‘lchamli animatsiya effektlari va videokontentga ega elektron o‘quv-uslubiy qo‘llanmalar bilan ta’minlanganligi;

ta’lim oluvchi (tinglovchi)larning bilimlarini yakuniy test sinovlaridan o‘tkazish uchun ularni identifikatsiya qilish, ulardan nazariy imtihonni inson omilisiz, avtomatlashtirilgan holda qabul qilish, natijalarini baholash, elektron bayonnomalarni shakllantirish va uzatish tizimlariga ega bo‘lgan dasturiy ta’minot o‘rnatilgan kompyuterlar bilan jihozlangan alohida auditoriyan�ng mavjudligi.

8.

O‘quv auditoriyalarida ta’lim faoliyati uchun yaratilgan sharoitlarga qo‘yiladigan minimal talablar:*

o‘lchami 1500x1000, 1500x2000 yoki 2500x2000 bo‘lgan elektron yoki oddiy doska — 1 ta;

videoproyektor yoki ekran o‘lchami kamida 50 dyuym bo‘lgan interaktiv monitor (televizor) — 1 ta;

videokuzatuv tizimi videokameralari — 4 ta;

auditoriyaning yoritilish darajasi — 400 lyuks.

III. Avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni o‘tkazish faoliyati bilan shug‘ullanuvchi tadbirkorlik subyektlari — yuridik shaxslarga qo‘yiladigan litsenziya talablari va shartlari:

T/r

Litsenziya talablari va shartlari

Bajarilishi �ozim bo‘lgan ko‘rsatkichlar

1.

Avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni o‘tkazish uchun o‘quv avtomototransport vositalarining mavjudligi:*

8 nafar ta’lim oluvchiga — tegishli “V” toifadagi 1 ta avtomototransport vositasi.

12 nafar ta’lim oluvchiga — tegishli “S” toifadagi 1 ta avtomototransport vositasi.

24 nafar ta’lim oluvchiga — tegishli “D” toifadagi 1 ta avtomototransport vositasi.

2.

Avtomototransport vositalarini (trolleybus va tramvaydan tashqari) boshqarish huquqini beruvchi haydovchilik guvohnomasini olish uchun nazariy va amaliy imtihonlarni o‘tkazish bo‘yicha ta’lim tashkilotiga qo‘yiladigan talablar (ushbu talablar avtomototransport vositalarini boshqarish huquqini beruvchi haydovchilik guvohnomasini olish uchun nazariy va amaliy imtihonlarni o‘tkazish faoliyati bilan shug‘ullanuvchi tadbirkorlik subyektlari uchun tatbiq etiladi):*

haydovchilikka nomzodlarni imtihondan o‘tkazish bo‘yicha davlat xizmatini ko‘rsatish uchun elektron buyurtma (murojaat)larni qabul qilish tizimining mavjudligi;

haydovchilikka nomzodlarning elektron ro‘yxatini shakllantirish, imtihonlarni o‘tkazish muddatlarini belgilash va haydovchilikka nomzodlarni hamda YHXX mas’ul xodimini oldindan xabardor qilish tizimining shakllantirilganligi;

haydovchilikka nomzodlarni nazariy imtihondan o‘tkazish uchun o‘quv dasturini qamrab olgan elektron (animatsion) test savollari to‘plamining shakllantirilganligi;

imtihonlarni o‘tkazish tizimlari unumdorligining xizmat ko‘rsatish hududi (Qoraqalpog‘iston Respublikasi, viloyatlar, Toshkent shahri)da imtihon topshiruvchilar soniga muvofiqligi;

dispetcherlik (nazorat) punkti haydovchilikka nomzodlarning harakatlarini ko‘rsatib turadigan kompyuter va monitorlar, avtomatlashtirilgan avtodrom tizimining elementi sifatida ishlaydigan axborotni doimiy qabul qilish, uzatish va qayta ishlash uskunalari, ovozli aloqa vositalari bilan to‘liq jihozlangan bo‘lishi;

haydovchilikka nomzodlarni identifikatsiya qilish, ulardan nazariy va amaliy imtihonlarni inson omilisiz, avtomatlashtirilgan holda qabul qilish, natijalarini baholash, elektron bayonnomalarni shakllantirish va uzatish bo‘yicha axborot tizimining mavjudligi;

nazariy va amaliy imtihonlarni muvaffaqiyatli topshirgan shaxslarga haydovchilik guvohnomasini olish uchun asos bo‘ladigan maxsus himoyalangan sertifikatlarni shakllantirish, sertifikatlar rekvizitlarini davlat xizmatlari markazi hamda ichki ishlar organlariga avtomatlashtirilgan holda taqdim etish imkoniyatining mavjudligi;

o‘tkazilgan imtihon natijalari bo‘yicha elektron ma’lumotlar bazasini shakllantirish, ularning tahlillarini YHXXga muntazam taqdim etib borish;

imtihonlar jarayonini YHXX va uning hududiy bo‘linmalari tomonidan onlayn rejimda nazorat qilish hamda jamoatchilik e’tiboriga videotranslatsiya qilish imkoniyatining mavjudligi.

imtihonlarni o‘tkazish bo‘yicha davlat xizmatlarini ko‘rsatishga doir tartib-taomillar (murojaatlarni qabul qilish, qayd etish, ko‘rib chiqish, imtihonlarni tashkil etish, o‘tkazish, baholash mezonlari, axborot almashinuvi, ish yuritish va boshqa ma’muriy tartib-taomillar) YHXX bilan 15 ish kuni mobaynida kelishilgan holda tasdiqlanganligi.

3.

Haydovchilarni tayyorlash ta’lim tashkilotining hududiga qo‘yiladigan talablar:*

tungi yoritgichlar o‘rnatilganligi;

ichimlik suv va kanalizatsiya bilan ta’minlanganligi;

hojatxona bilan ta’minlanganligi;

avtomototransport vositalarining toifa(lar) yo‘nalishi bo‘yicha amaliy imtihonlarni o‘tkazish uchun kamida 10000 m2 yer maydoniga ega bo‘lgan, avtomatlashtirilgan avtodrom va maxsus jihozlangan avtomototransport vositalarining mavjudligi, ularning belgilangan talablarga muvofiqligi;

4.

Axborot texnologiyalari bilan ta’minlanganlik darajasi:*

audio va videokuzatuv tizimi mavjudligi;

nazariy imtihonlarni o‘tkazishning oshkoraligini ta’minlash uchun video yozib olish tizimi mavjudligi;

imtihonlar jarayonini YHXX va uning bo‘linmalari tomonidan onlayn rejimda nazorat qilish hamda jamoatchilik e’tiboriga videotranslatsiya qilish imkoniyatining mavjudligi;

haydovchilikka nomzodlarni identifikatsiya qilish, ulardan nazariy va amaliy imtihonlarni inson omilisiz, avtomatlashtirilgan holda qabul qilish, natijalarini baholash, elektron bayonnomalarni shakllantirish va uzatish tizimlarining mavjudligi;

nazariy imtihonlarni o‘tkazish uchun 20 mbit/sek tezlikdagi Internet jahon axborot tarmog‘iga ulangan kamida 25 ta kompyuter texnikasi bilan jihozlangan alohida kabinalarga ajratilgan (operator va nomzodlar maxsus oyna bilan ajratilgan), shuningdek, texnik vositalar (kameralar) bilan maxsus jihozlangan zal (xonalar)ning mavjudligi;

5.

Imtihon topshiruvchilarning maksimal soni:*

Guruhda — 24 nafar

9.

Litsenziya berishda kelishiladigan organlar:

a) davlat yong‘in nazorati organlari tomonidan mavjud binolar va xonalarning yongin xavfsizligi talablariga muvofiqligi to‘g‘risidagi xulosa (5 ish kuni ichida);

b) sanitariya-epidemiologiya xizmati organlari tomonidan sanitariya-gigiyena normalariga muvofiqligi to‘g‘risidagi xulosa (5 ish kuni ichida).

10.

Litsenziyaning amal qilish muddati:

Cheklanmagan

11.

Izoh.

* Qo‘pol ravishda buzish deb hisoblanadigan talab va shartlar.

”;

Bosqichlar

Subyektlar

Chora-tadbirlar

Bajarish muddatlari

1-bosqich

Litsenziya da’vogari

(yuridik shaxs)

Nodavlat ta’lim xizmatlari ko‘rsatish sohasida litsenziya olish uchun hujjatlarni davlat xizmatlari markazlari yoki Yagona interaktiv davlat xizmatlari portali yoxud “Litsenziya” axborot tizimi orqali yuborish.

Litsenziya da’vogarining xohishiga ko‘ra

2-bosqich

Davlat xizmatlari markazlari xodimlari yoki Yagona interaktiv davlat xizmatlari portali yoxud “Litsenziya” axborot tizimiga kiritish uchun mas’ul xodim

1. Litsenziya berish uchun ariza va ro‘yxatda ko‘rsatilgan ma’lumotlarni qabul qilish.

2. Litsenziya da’vogariga ariza qabul qilingan sana qayd etilgan ro‘yxatga olish nusxasini berish yoki da’vogarning elektron pochta manziliga yuborish.

3. Litsenziya da’vogaridan qabul qilingan barcha hujjatlarni Ichki ishlar vazirligining elektron pochta manziliga yuborish.

Ariza qabul qilingan kun

3-bosqich

Ichki ishlar vazirligi

1. Ichki ishlar vazirligi Oliy ta’lim, fan va innovatsiyalar vazirligi, Transport vazirligi hamda Raqamli texnologiyalar vazirligi yoki ularning hududiy bo‘linmalari malakali mutaxassislaridan iborat ekspertlar guruhining xulosasini tayyorlash.

Ariza qabul qilingan vaqtdan boshlab 15 ish kuni ichida

2. Litsenziya da’vogari litsenziya talablari va shartlariga muvofiqligini o‘rganish.

3. Elektron litsenziyani raqamli imzo bilan tasdiqlab, davlat xizmatlari markazlari yoki Yagona interaktiv davlat xizmatlari portali yoxud “Litsenziya” axborot tizimiga yuborish.

4. Litsenziya berishni rad etish to‘g‘risida qaror qabul qilinganida, litsenziya da’vogariga rad etish sabablari va litsenziya da’vogari ularni bartaraf etgan holda qayta ko‘rib chiqish uchun ariza berishi mumkin bo‘lgan muddat ko‘rsatilgan bildirishnomani yuborish.

Hujjatlar o‘rganilgandan so‘ng 1 ish kuni ichida

4-bosqich

Davlat xizmatlari markazlari xodimlari yoki Yagona interaktiv davlat xizmatlari portali yoxud “Litsenziya” axborot tizimiga kiritish uchun mas’ul xodim

1. Litsenziatning bank hisobvarag‘i rekvizitlari va davlat bojini to‘lash muddati haqida xabardor qilish.

Elektron litsenziya kelib tushgan kun

2. Davlat boji to‘langandan so‘ng litsenziyani taqdim etish.

Davlat boji to‘langandan so‘ng bir ish kuni ichida

”;

6-bandning birinchi xatboshisi quyidagi tahrirda bayon etilsin:
9-bandning birinchi xatboshisidagi “Vazirlar Mahkamasi huzuridagi Ta’lim sifatini nazorat qilish davlat inspeksiyasi” so‘zlari “Ichki ishlar vazirligi” so‘zlari bilan almashtirilsin;
15-bandning birinchi xatboshisidagi “Vazirlar Mahkamasi huzuridagi Ta’lim sifatini nazorat qilish davlat inspeksiyasining Qoraqalpog‘iston Respublikasi va viloyatlardagi hududiy bo‘limlari” so‘zlari “Ichki ishlar vazirligining tegishli hududiy YHXBlari” so‘zlari bilan almashtirilsin;
16-banddagi “Davlat inspeksiyasi tomonidan” so‘zlari chiqarib tashlansin;
2-banddagi “ko‘rsatish uchun” so‘zlari “ko‘rsatish huquqini beruvchi tegishli” so‘zlari bilan almashtirilsin;
5-banddagi “ko‘rsatish uchun” so‘zlari “ko‘rsatish huquqini beruvchi tegishli” so‘zlari bilan almashtirilsin;
37-band quyidagi tahrirda bayon etilsin:
43-band o‘z kuchini yo‘qotgan deb hisoblansin;
7-banddagi “Vazirlar Mahkamasi huzuridagi Ta’lim sifatini nazorat qilish davlat inspeksiyasi (keyingi o‘rinlarda Davlat inspeksiyasi deb ataladi)” so‘zlari “O‘zbekiston Respublikasi Ichki ishlar vazirligi” so‘zlari bilan almashtirilsin;
19-banddagi “Davlat inspeksiyasi” so‘zlari “O‘zbekiston Respublikasi Ichki ishlar vazirligi” so‘zlari bilan almashtirilsin.
5. Vazirlar Mahkamasining 2022-yil 25-fevraldagi 88-son qarori bilan tasdiqlangan Faoliyatni boshlash yoki tugatish uchun vakolatli organni xabardor qilish tartibi to‘g‘risidagi yagona nizomga 8-ilovaning 4-pozitsiyasidagi “Vazirlar Mahkamasi huzuridagi Ta’lim sifatini nazorat qilish davlat inspeksiyasi” so‘zlari “O‘zbekiston Respublikasi Ichki ishlar vazirligi” so‘zlari bilan almashtirilsin.

Hujjatda xato topganingizda, uni belgilab Ctrl+Enter ni bosing.

© O‘zbekiston Respublikasi Adliya vazirligi qoshidagi “Adolat” milliy huquqiy axborot markazi davlat muassasasi