Ro‘yxatdan o‘tkazuvchi organ tugatish komissiyasi tarkibiga nisbatan e’tirozi bo‘lsa, asoslantirilgan e’tirozi va takliflarini mazkur bandning birinchi xatboshida ko‘rsatilgan muddatda NNTning yuqori organi nomiga yozma ravishda ma’lum qiladi. E’tiroz va takliflar ushbu muddatda taqdim etilmagan taqdirda tugatish komissiyasi tarkibi ro‘yxatdan o‘tkazuvchi organ bilan kelishilgan hisoblanadi.
Agar NNT yuridik shaxs hisoblangan alohida bo‘linmalarga ega bo‘lsa, ularni tugatish ishlari yakunlanib, alohida bo‘linmalarni davlat reyestridan chiqarilganligi haqida ushbu Nizomning 32-bandida belgilangan tartibda adliya organlarining bergan xabarnomalari tugatish komissiyasi tomonidan olingan kundan boshlab uch ish kuni mobaynida tegishli hujjatlar davlat arxiviga, muhr va shtamplar esa — ichki ishlar organiga topshiriladi.
31. Ro‘yxatdan o‘tkazuvchi organ mazkur Nizomning 30-bandida ko‘rsatilgan barcha hujjatlar olingandan keyin besh ish kuni mobaynida yuridik shaxslarning yagona davlat reyestriga NNT tugatilganligi to‘g‘risidagi yozuvlarni kiritadi.
O‘zbekiston Respublikasi Fuqarolik kodeksining 54-moddasiga muvofiq, tugatish komissiyasi ro‘yxatdan o‘tkazuvchi organ bilan kelishilgan holda sud tomonidan tayinlanadi.
37. Tugatish ishlari mazkur Nizomning 8 — 22-bandlarida nazarda tutilgan tartibda va muddatlarda amalga oshiriladi.
Agar ko‘rsatilgan muddat mobaynida ro‘yxatdan o‘tkazuvchi organga mazkur Nizomning 30-bandida ko‘rsatilgan hujjatlar taqdim etilmasa yoki NNTning vakolatli yuqori organi tomonidan faoliyatni tiklash va tugatish jarayonini to‘xtatish to‘g‘risida qabul qilingan qaror haqida xabardor qilinmasa ro‘yxatdan o‘tkazuvchi organ tugatish komissiyasiga taqdimnoma kiritadi.