Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
Ўз
O‘z|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Жорий версия
30.04.2021
27.12.2018
01.03.2018
31.07.2017
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
PQ-3145 24.07.2017
[
OKOZ:
1.
09.00.00.00 Tadbirkorlik va xo‘jalik faoliyati / 09.10.00.00 Sanoat / 09.10.13.00 Qazilma xomashyolarni qazib olish sanoati;
2.
11.00.00.00 Atrof tabiiy muhit va tabiiy resurslar / 11.04.00.00 Er osti boyliklaridan foydalanish va muhofaza qilish / 11.04.04.00 Er osti boyliklaridan foydalanish. Foydalanish turlari / 11.04.04.05 Er qa’rini geologik jihatdan o‘rganish;
3.
13.00.00.00 Ta’lim. Fan. Madaniyat / 13.02.00.00 Fan / 13.02.07.00 Ilmiy tadqiqotlar]
[
TSZ:
1.
Ijtimoiy-madaniy masalalar / Fan va ilmiy faoliyat;
2.
Iqtisodiyot / Konchilik]
Norasmiy tarjima
O‘zbekiston Respublikasi Prezidentining
Qarori
Foydali qazilma ruda konlarini sanoat ko‘lamida o‘zlashtirish sohasidagi ilmiy-tadqiqot va loyiha-qidiruv ishlarini boshqarishni takomillashtirish chora-tadbirlari to‘g‘risida
Innovatsion texnologiya yechimlarini tatbiq etish asosida foydali qazilma ruda konlarini o‘zlashtirishga yo‘naltirilgan ilmiy-tadqiqot va loyiha-qidiruv ishlarining samaradorligi va natijadorligini yanada oshirish, shuningdek, yer qa’rini geologik o‘rganish, oqilona foydalanish va muhofaza qilish tizimini yanada takomillashtirish maqsadida:
1. O‘zbekiston Respublikasi Iqtisodiyot vazirligi, Moliya vazirligi, O‘zbekiston Respublikasi Davlat geologiya va mineral resurslar qo‘mitasi, O‘zbekiston Respublikasi Davlat arxitektura va qurilish qo‘mitasi hamda O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasining “O‘zGEORANGMETLITI” DUKni O‘zbekiston Respublikasi Davlat arxitektura va qurilish qo‘mitasi tizimidan O‘zbekiston Respublikasi Davlat geologiya va mineral resurslar qo‘mitasi (keyingi o‘rinlarda — Davlat geologiya qo‘mitasi) tizimiga topshirish to‘g‘risidagi taklifi qabul qilinsin.
2. O‘zbekiston Respublikasi Davlat geologiya qo‘mitasi “O‘zGEORANGMETLITI” DUKning asosiy vazifalari va faoliyat yo‘nalishlari etib quyidagilar belgilansin:
foydali qazilma ruda konlarini, birinchi galda qimmatbaho va rangli metallar, shuningdek, uranni qazib olish va ishlash bo‘yicha konchilik va metallurgiya sanoati obyektlari uchun loyiha oldi va loyiha-qidiruv hujjatlarini ishlab chiqish;
konchilik va metallurgiya sanoatiga yuqori texnologik uskunalar va zamonaviy texnologiyalarni tatbiq etish monitoringini olib borish, ularning ishlab chiqarish-texnik va moliyaviy-iqtisodiy ko‘rsatkichlarini baholash;
jahon fani va amaliyoti yutuqlarini tahlil qilish asosida qiyin tog‘-geologik sharoitlarida konlarni kompleks o‘zlashtirish sohasida samarali loyiha yechimlarini ishlab chiqish;
mineral xomashyoni qazib olish texnologiyasi sohasida amaliy va innovatsion ilmiy-tadqiqot ishlarini o‘tkazish hamda asosiy va qo‘shilib chiqadigan qimmatbaho komponentlarning yuqori darajada chiqarib olinishini hisobga olgan holda ularni kompleks ravishda qayta ishlash;
respublika kon-metallurgiya kombinatlarining investitsiya loyihalarida nazarda tutilgan loyiha yechimlarini to‘liq va sifatli amalga oshirish bo‘yicha mualliflik nazoratini olib borish;
institutni modernizatsiya qilish va texnik qayta jihozlash tadbirlarini amalga oshirish hamda zamonaviy axborot-kommunikatsiya texnologiyalarini joriy etish;
loyiha-qidiruv ishlari sohasida kadrlarni, jumladan, yetakchi xorijiy oliy o‘quv yurtlarida va o‘quv markazlarida tayyorlash, qayta tayyorlash va malakasini oshirish, ular mehnatini rag‘batlantirishning samarali choralarini joriy etish;
3. Quyidagilar belgilansin:
O‘zbekiston Respublikasi Davlat geologiya va mineral resurslar qo‘mitasi “O‘zGEORANGMETLITI” DUKning ta’sischisi hisoblanadi:
“Navoiy KMK” DK va “Olmaliq KMK” AJga investitsiya loyihalarining loyihaoldi va loyiha hujjatlarini ishlab chiqishda “O‘zGEORANGMETLITI” DUK bosh loyihachi hisoblansin;
“O‘zGEORANGMETLITI” DUK doimiy asosli va investitsiya loyihasi amalga oshiriladigan butun davr mobaynida tasdiqlangan loyiha yechimlariga rioya qilinishi monitoringini amalga oshiradi va loyiha tashabbuskori bilan birgalikda mineral xomashyoni qazib olish va qayta ishlash texnologiyasini yanada takomillashtirish ishlarini olib boradi;
O‘zbekiston Respublikasi Prezidentining 2017-yil 2-maydagi “Loyiha-qidiruv tashkilotlari faoliyatini yanada takomillashtirish chora-tadbirlari to‘g‘risida”gi PQ-2946-son
qarorida
yetakchi loyiha-qidiruv tashkilotlari uchun nazarda tutilgan imtiyoz va preferensiyalar “O‘zGEORANGMETLITI” DUKga nisbatan saqlab qolinadi.
Oldingi
tahrirga qarang.
(4-bandning birinchi xatboshisi O‘zbekiston Respublikasi Prezidentining 2018-yil 1-martdagi PQ-3578-sonli
qaroriga
asosan o‘z kuchini yo‘qotgan — Qonun hujjatlari ma’lumotlari milliy bazasi, 01.03.2018-y., 07/18/3578/0843-son)
4. Belgilansinki, “O‘zGEORANGMETLITI” DUKning faoliyatini muvofiqlashtirish Davlat geologiya qo‘mitasi raisining birinchi o‘rinbosari tomonidan amalga oshiriladi.
5. O‘zbekiston Respublikasi Davlat geologiya qo‘mitasi bir oy muddatda:
O‘zbekiston Respublikasi Davlat arxitektura va qurilish qo‘mitasi bilan birgalikda “O‘zGEORANGMETLITI” DUKning tegishli binolari, inshootlari va boshqa mulkini operativ boshqarish huquqi bilan qabul qilish-topshirishni;
“O‘zGEORANGMETLITI” DUKning yangilangan ustavini tasdiqlash va uni davlat ro‘yxatidan o‘tkazishni;
Institutni modernizatsiya qilish va texnik qayta jihozlash hamda zamonaviy axborot-kommunikatsiya texnologiyalarini joriy etish chora-tadbirlari kompleksini tasdiqlashni;
“O‘zGEORANGMETLITI” DUKni Toshkent shahri, Bobur ko‘chasi, 15-uyga joylashtirishni ta’minlasin.
6. “O‘zGEORANGMETLITI" DUKga, texnik zarurat bo‘lganda, loyiha oldi va loyiha hujjatlarini ishlab chiqishga yetakchi xorijiy loyiha va injiniring tashkilotlarini hamda yuqori malakali mutaxassislarni jalb etishga ruxsat berilsin.
Oldingi
tahrirga qarang.
7. “O‘zGEORANGMETLITI” DUK direktori O‘zbekiston Respublikasi Davlat geologiya va mineral resurslar qo‘mitasi huzuridagi Foydali qazilmalar zaxirasi bo‘yicha davlat komissiyasi a’zosi hisoblanishi belgilab qo‘yilsin.
(7-band O‘zbekiston Respublikasi Prezidentining 2021-yil 30-apreldagi PF-6218-sonli
Farmoni
tahririda — Qonunchilik ma’lumotlari milliy bazasi, 30.04.2021-y., 06/21/6218/0398-son)
Oldingi
tahrirga qarang.
(7-bandning ikkinchi xatboshisi O‘zbekiston Respublikasi Prezidentining 2018-yil 1-martdagi PQ-3578-sonli
qaroriga
asosan o‘z kuchini yo‘qotgan — Qonun hujjatlari ma’lumotlari milliy bazasi, 01.03.2018-y., 07/18/3578/0843-son)
8. Quyidagilar:
O‘zbekiston Respublikasi Prezidentining 2017-yil 24-maydagi “O‘zbekiston Respublikasi Davlat geologiya va mineral resurslar qo‘mitasi tizimida yagona geologiya xizmatini tashkil etish chora-tadbirlari to‘g‘risida” PQ-3004-son qarori 6-bandining
ikkinchi xatboshi
, shuningdek,
qarorning
3-ilovasi;
O‘zbekiston Respublikasi Prezidentining 2010-yil 27-avgustdagi “Geologiya-razvedka ishlarini tashkil etish va olib borish tizimi samaradorligini yanada oshirish chora-tadbirlari to‘g‘risida”gi PQ-1396-son
qarorining
4-ilovasi o‘z kuchini yo‘qotgan deb hisoblasin.
9. O‘zbekiston Respublikasi Davlat geologiya va mineral resurslar qo‘mitasi O‘zbekiston Respublikasi Adliya vazirligi va boshqa manfaatdor vazirliklar, idoralar hamda xo‘jalik uyushmalari bilan birgalikda ikki oy muddatda belgilangan tartibda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
10. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari G‘.I. Ibragimov va O‘zbekiston Respublikasi Davlat geologiya va mineral resurslar qo‘mitasi raisi I.B. To‘ramurotov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2017-yil 24-iyul,
PQ-3145-son
(O‘zbekiston Respublikasi qonun hujjatlari to‘plami, 2017-y., 30-son, 725-modda; Qonun hujjatlari ma’lumotlari milliy bazasi, 01.03.2018-y., 07/18/3578/084-son, 27.12.2018-y., 07/18/4077/2380-son; Qonunchilik ma’lumotlari milliy bazasi, 30.04.2021-y., 06/21/6218/0398-son)
×
×