Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
Ўз
O‘z|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Жорий версия
13.02.2021
02.04.2019
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
PQ-4256 02.04.2019
[
OKOZ:
1.
19.00.00.00 Xalqaro munosabatlar. Xalqaro huquq / 19.02.00.00 Tashqi aloqalarni tashkil etish / 19.02.06.00 Tashqi aloqalarni tashkil etishning boshqa masalalari]
[
TSZ:
1.
Tashqi siyosat va xalqaro munosabatlar / Tashqi siyosat]
O‘zbekiston Respublikasi Prezidentining
Qarori
O‘zbekiston Respublikasi va Birlashgan Arab Amirliklari o‘rtasida ikki tomonlama hamkorlikni yanada mustahkamlash va kengaytirish chora-tadbirlari to‘g‘risida
O‘zbekiston Respublikasi Prezidentining 2019-yil 24 — 26-mart kunlari Birlashgan Arab Amirliklariga rasmiy tashrifi O‘zbekiston va Amirliklarning do‘stlik hamda sheriklik munosabatlari tarixida yangi sahifa ochdi, keng qamrovli hamkorlikni kengaytirishga kuchli turtki berdi.
Ochiq, do‘stona va konstruktiv muhitda o‘tgan oliy darajadagi samarali muzokaralar, Abu-Dabi va Dubay shaharlarida o‘tkazilgan uchrashuvlar tomonlarning o‘zaro manfaatli hamkorlikni rivojlantirishga bo‘lgan intilishlari kuchayganligini yana bir bor tasdiqladi.
Birlashgan Arab Amirliklarida ulkan investitsiya imkoniyatlari mavjudligini, ilg‘or texnologiyalarni ildam rivojlantirish, modernizatsiya qilish va samarali tatbiq etish, diversifikatsiya qilingan va barqaror iqtisodiyotni shakllantirishni ta’minlaydigan keng miqyosli investitsiya loyihalarini amalga oshirish sohasida katta tajribaga ega ekanligini e’tiborga olib, O‘zbekiston Respublikasi Prezidentining Birlashgan Arab Amirliklariga rasmiy tashrifi davomida eng muhim yo‘nalishlar bo‘yicha hamkorlikni yanada faollashtirish chora-tadbirlari belgilandi.
O‘zbekiston Respublikasi va Birlashgan Arab Amirliklari o‘rtasida Qo‘shma bayonot, 9 ta hukumatlararo va idoralararo hujjatlar, shuningdek, 10 milliard dollardan ortiq miqdorda savdo-iqtisodiy va investitsiyaviy sohalardagi bitimlar imzolandi.
O‘zbekiston Respublikasi hamda Birlashgan Arab Amirliklari (keyingi o‘rinlarda — BAA) o‘rtasida siyosiy, savdo-iqtisodiy, investitsiyaviy, moliyaviy-texnik, innovatsion va madaniy-gumanitar hamkorlikni yanada kengaytirish bo‘yicha imzolangan bitimlar va erishilgan kelishuvlarni so‘zsiz amalga oshirishni ta’minlash maqsadida:
1. Quyidagilar:
O‘zbekiston Respublikasi Prezidentining Birlashgan Arab Amirliklariga rasmiy tashrifi davomida imzolangan ikki tomonlama hujjatlarni amalga oshirish bo‘yicha Amaliy chora-tadbirlar rejasi (“Yo‘l xaritasi”) 1-ilovaga
*
muvofiq;
O‘zbekiston Respublikasi hamda Birlashgan Arab Amirliklari o‘rtasida siyosiy, savdo-iqtisodiy va madaniy-gumanitar, shuningdek, xavfsizlik sohasida o‘zaro hamkorlikni yanada kengaytirish bo‘yicha 2019-2020-yillarga mo‘ljallangan Amaliy chora-tadbirlar rejasi (“Yo‘l xaritasi”) 2-ilovaga
*
muvofiq;
O‘zbekiston Respublikasi Prezidentining Birlashgan Arab Amirliklariga rasmiy tashrifi davomida imzolangan savdo-iqtisodiy va investitsiyaviy bitimlarni amalga oshirish bo‘yicha Amaliy chora-tadbirlar rejasi (“Yo‘l xaritasi”) 3-ilovaga
*
muvofiq;
O‘zbekiston Respublikasi Prezidentining Birlashgan Arab Amirliklariga rasmiy tashrifi davomida imzolangan ikki tomonlama bitimlar hamda erishilgan kelishuvlarning o‘z vaqtida va so‘zsiz amalga oshirilishini monitoring va nazorat qilishni ta’minlash mexanizmi 4-ilovaga
*
muvofiq tasdiqlansin.
[
OKOZ:
1.
07.00.00.00 Moliya va kredit to‘g‘risidagi qonunchilik. Bank faoliyati / 07.28.00.00 Investitsiyalar va xorijdan mablag‘ jalb qilish (shuningdek, 07.05.04.00, 09.12.03.00, 10.01.05.00larga qarang) / 07.28.06.00 Investitsiya dasturlari va loyihalar / 07.28.06.02 Investitsiya loyihalari]
2. O‘zbekiston Respublikasi Vazirlar Mahkamasi ikki hafta muddatda mazkur qarorning 3-ilovasiga
*
kiritilgan investitsiya loyihalarini amalga oshirishning tarmoq jadvallarini tasdiqlasin.
3. Birlashgan Arab Amirliklariga oliy darajadagi tashrif davomida erishilgan kelishuvlarning so‘zsiz bajarilishini ta’minlash masalalari bo‘yicha Ishchi guruh 5-ilovaga
*
muvofiq tuzilsin.
Ishchi guruhning (S.U. Umurzoqov, Sh.A. Vafoyev) asosiy vazifalari etib quyidagilar belgilansin:
imzolangan hujjatlarning so‘zsiz va sifatli bajarilishini doimiy hamda tizimli monitoring va nazorat qilishni, shu jumladan BAAda oliy darajada erishilgan kelishuvlar hamda ayrim hujjatlarning kuchga kirishi bo‘yicha ichki davlat tartib-taomillarining o‘z vaqtida bajarilishini doimiy asosda monitoring va nazorat qilishni tashkillashtirish;
mazkur qaror bilan tasdiqlangan amaliy chora-tadbirlar rejalari (“yo‘l xaritalari”)ning so‘zsiz ijro etilishi bo‘yicha mas’ul ijrochilar — vazirlik, idoralar, mahalliy davlat hokimiyati organlari va boshqa tashkilotlar rahbarlari tomonidan ko‘rilayotgan amaliy choralar to‘g‘risidagi hisobotlarni har oyda eshitish;
siyosiy, savdo-iqtisodiy, investitsiyaviy, moliyaviy-texnik, innovatsion va madaniy-gumanitar hamkorlikni yanada kengaytirish bo‘yicha imzolangan ikki tomonlama bitimlar va erishilgan kelishuvlarni amalga oshirish, shuningdek, ushbu masalalar bo‘yicha Amirliklar tomoni, avvalo, O‘zbekiston — BAA Hukumatlararo komissiyasi doirasida muntazam va samarali hamkorlikni tashkil qilishni ta’minlash;
ikki tomonlama hamkorlikning barcha yo‘nalishlari bo‘yicha joriy masalalarni tezkorlik bilan hal etish va olg‘a siljitish, muzokaralar olib borish uchun tegishli vazirlik, idora va kompaniyalarning vakillari bilan birgalikda Ishchi guruh rahbariyatini Birlashgan Arab Amirliklariga muntazam xizmat safarlariga yuborib turish.
4. 2019-2020-yillarda BAA bilan savdo-iqtisodiy, investitsiyaviy va moliyaviy hamkorlik loyihalari va dasturlarini o‘z vaqtida hamda to‘liq hajmda amalga oshirish bo‘yicha vazirlik va idoralarning ishlari samarali muvofiqlashtirilishini, shuningdek, Amirliklar tomoni bilan o‘zaro sermahsul hamkorlikni ta’minlash O‘zbekiston Respublikasi investitsiyalar va tashqi savdo vaziri o‘rinbosari Sh.A. Vafoyev faoliyatining asosiy vazifasi etib belgilansin.
Sh.A. Vafoyev faoliyatining aniq natijalari hisobot yili yakunlari bo‘yicha ko‘rib chiqiladi.
5. Mas’ul ijrochilar — vazirlik, idoralar, mahalliy davlat hokimiyati organlari va boshqa tashkilotlar:
“Ijro.gov.uz” tizimidan foydalangan holda tarmoq jadvallarini va mazkur qaror bilan tasdiqlangan amaliy chora-tadbirlar rejalarini o‘z vaqtida va sifatli bajarishni;
hisobot oyidan keyingi har oyning 3-sanasiga qadar tarmoq jadvallari va mazkur qaror bilan tasdiqlangan amaliy chora-tadbirlar rejalari ijrosi yuzasidan ma’lumotlarni tegishliligi bo‘yicha Tashqi ishlar vazirligiga — 1 va 2-ilovalarga
*
muvofiq, Investitsiyalar va tashqi savdo vazirligiga — 3-ilovaga
*
muvofiq taqdim etilishini ta’minlasin.
Tashqi ishlar vazirligi, Investitsiyalar va tashqi savdo vazirligi hisobot oyidan keyingi har oyning 7-sanasiga qadar O‘zbekiston Respublikasi Vazirlar Mahkamasi va Hisob palatasiga tarmoq jadvallari va mazkur qaror bilan tasdiqlangan amaliy chora-tadbirlar rejalarining ijrosi bo‘yicha umumlashtirilgan ma’lumotlarni kiritsin.
O‘zbekiston Respublikasi Vazirlar Mahkamasi va Hisob palatasi hisobot oyidan keyingi har oyning 10-sanasiga qadar O‘zbekiston Respublikasi Prezidenti Administratsiyasi Ijro etuvchi apparatiga va O‘zbekiston Respublikasi Prezidenti huzuridagi Xavfsizlik kengashi apparatiga mazkur qaror hamda tasdiqlangan amaliy chora-tadbirlar rejalari ijrosining tanqidiy tahlilini taqdim etib borsin.
[
OKOZ:
1.
19.00.00.00 Xalqaro munosabatlar. Xalqaro huquq / 19.07.00.00 Diplomatik va konsullik huquqi / 19.07.04.00 Diplomatik va boshqa vakolatxonalar]
6. O‘zbekiston Respublikasi va BAA o‘rtasidagi investitsiyaviy va savdo-iqtisodiy hamkorlik loyihalarini sifatli tayyorlash va amalga oshirish bo‘yicha tizimli hamda uzluksiz ishlarni ta’minlash maqsadida O‘zbekiston Respublikasi Investitsiyalar va tashqi savdo vazirligining BAAda vakolatxonasi “UzFDI” (keyingi o‘rinlarda — “UzFDI”) tashkil qilinsin.
7. “UzFDI”ning tashkiliy tuzilmasi ushbu qarorning 6-ilovasiga
*
muvofiq tasdiqlansin.
* 1 — 6-ilovalar
rus tili
matnda berilgan.
8. O‘zbekiston Respublikasi Investitsiyalar va tashqi savdo vazirligi:
ikki hafta muddatda “UzFDI”ning xarajatlar smetasi, uni budjet va budjetdan tashqari mablag‘lar hisobidan moliyalashtirish manbalari, xodimlarga haq to‘lash (shu jumladan, aniq faoliyat natijalari uchun mukofotlash) va moddiy-texnik ta’minoti darajasi ko‘rsatilgan holda hukumat qarori loyihasini kiritsin;
bir oy muddatda barcha tashkiliy masalalar hal etilishini, vakolatxona malakali mutaxassislar bilan to‘ldirilishini va BAAda “UzFDI” faoliyat boshlashini ta’minlasin.
9. Belgilansinki, O‘zbekiston Respublikasi vazirliklari, idoralari hamda davlat ulushi 50 foizdan oshadigan xo‘jalik yurituvchi subyektlarning xorijiy davlat idoralari, chet el hukumat moliya tashkilotlari va xalqaro moliya institutlari bilan investitsiyaviy masalalar bo‘yicha o‘zaro hamkorlikdagi harakati faqat O‘zbekiston Respublikasi Investitsiyalar va tashqi savdo vazirligi orqali, xorijiy kompaniyalar va salohiyatli investorlar bilan hamkorlik yo‘nalishlari va loyihalari O‘zbekiston Respublikasi Investitsiyalar va tashqi savdo vazirligi bilan majburiy kelishish orqali amalga oshiriladi.
10. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov va O‘zbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2019-yil 2-aprel,
PQ-4256-son
×
×