Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?
Авторизация қилиш
Рўйхатдан ўтиш
Ру
O'z
Ўз|Ру
Асосий реквизитлар
Кодификация
Қайта кўриб чиқилган ҳужжатлар
Ҳужжатни қайта кўриб чиқишга асос бўлган ҳужжатлар
Корреспондентлар
Респондентлар
Жорий версия
22.02.2021
25.11.1996
Ҳаммаси
Кейинги таҳрирга ҳавола
Олдинги таҳрирга ҳавола
АПК бўйича индекслаш
ҚСУК бўйича индекслаш
ТТР бўйича индекслаш
ҚМҚ бўйича индекслаш
Ўзгартиришлар манбаси
Расмий нашр манбаси
Шарҳ
414-сон 25.11.1996
Ҳужжат кучини йўқотган 22.02.2021
Ўзбекистон Республикаси Вазирлар Маҳкамасининг
қарори
1997 йил пахта ҳосили учун қишлоқ хўжалигини фосфорли ва калийли ўғитлар билан таъминлаш чора-тадбирлари тўғрисида
[Кўчирма]
LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги
қарорига
асосан ўз кучини йўқотган.
1997 йил пахта ҳосили учун қишлоқ хўжалигини шудгорлаш ва экиш олди даврида фосфорли ва калийли ўғитлар билан таъминлаш мақсадида Вазирлар Маҳкамаси қарор қилади:
1. Ўзбекистон Республикаси Қишлоқ ва сув хўжалиги вазирлиги, «Ўзкимёсаноат» уюшмаси қишлоқ хўжалиги корхоналарига пахта далаларига солиш учун шудгорлаш ва экиш олди даврида 100 фоиз фойдали моддаларга ҳисоблаб чиқилган 103 минг тонна фосфорли ва 175 минг тонна калийли ўғитлар етказиб бериш жадвалини Қорақалпоғистон Республикаси ва вилоятлар бўйича бир ҳафта муддатда ишлаб чиқсинлар ва тасдиқласинлар.
2. «Ўзкимёсаноат» уюшмаси:
маҳсулоти қайтариб бериладиган хом ашёдан республикада ишлаб чиқарилган 100 фоиз фойдали моддаларга ҳисоблаб чиқилган 62 минг тонна фосфорли ўғитларни «Фострейд» («Қоратов» АЖ) фирмасидан харид қилишни;
Россия Федерациясидан 1996 йил декабрь ойида 100 фоиз фойдали моддаларга ҳисоблаб чиқилган 25 минг тонна ва 1997 йил январь — апрель ойларида 150 минг тонна калийли ўғитларни етказиб беришни келишиб олсин ва улар юзасидан контрактлар тузсин.
3. Белгилансинки, маҳсулоти қайтариб бериладиган хом ашёдан Ўзбекистонда ишлаб чиқарилган ҳамда «Фострейд» фирмасидан Ўзбекистон Республикаси бож чегарасидан ўтказилмай харид қилинадиган фосфорли ўғитлар ҳажми учун «Фострейд» фирмаси билан «Ўзагрокимётаъминот» давлат-акционерлик бирлашмаси ўртасида тузилган контрактларда белгиланган нархлар бўйича солиштириш далолатномаларига мувофиқ эркин алмаштириладиган валютада ҳақ тўланиши керак.
5. Ўзбекистон Республикаси Қишлоқ ва сув хўжалиги вазирлиги, Қорақалпоғистон Республикаси Вазирлар Кенгаши, вилоятлар ва туманлар ҳокимликлари ички ишлар органлари иштирокида жойларда минерал ўғитларнинг сақланишини ва мақсадга мувофиқ фойдаланилишини таъминласинлар.
6. Ўзбекистон Республикаси Давлат солиқ қўмитаси маҳсулоти қайтариб бериладиган хом ашё шартларида олиб келинадиган фосфор хом ашёси, шунингдек калийли ўғитлар учун Давлат солиқ қўмитасининг 1996 йил 28 сентябрдаги 187-сон буйруғи билан белгиланган бож тўловларини ундирмасин.
7. Ўзбекистон Республикаси Энергетика ва электрлаштириш вазирлиги, Коммунал хизмат кўрсатиш вазирлиги, «Ўзбекнефтгаз» корпорацияси, «Ўзбекистон темир йўллари» давлат-акционерлик компанияси ҳамда бошқа вазирликлар ва идоралар «Ўзкимёсаноат» уюшмаси корхоналарига ресурслар узлуксиз етказиб берилишини ва хизматлар кўрсатилишини таъминласинлар.
8. Мазкур қарорнинг бажарилишини назорат қилиш Бош вазир Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1996 йил 25 ноябрь,
414-сон
×
×