Tizimning ushbu imkoniyatidan foydalanish uchun Siz avtorizatsiya qilinishingiz kerak!
Ro‘yxatdan o‘tishni xohlaysizmi? Yoki tizimga o‘z loginingiz bilan kirasizmi?
Avtorizatsiya qilish
Ro‘yxatdan o‘tish
Ру
O'z
Ўз|Ру
Asosiy rekvizitlar
Kodifikatsiya
Qayta ko‘rib chiqilgan hujjatlar
Hujjatni qayta ko‘rib chiqishga asos bo‘lgan hujjatlar
Korrespondentlar
Respondentlar
Joriy versiya
22.02.2021
11.06.1998
Hammasi
Keyingi tahrirga havola
Oldingi tahrirga havola
APK bo‘yicha indekslash
QSUK bo‘yicha indekslash
TTR bo‘yicha indekslash
QMQ bo‘yicha indekslash
O‘zgartirishlar manbasi
Rasmiy nashr manbasi
Sharh
246-сон 11.06.1998
Ҳужжат кучини йўқотган 22.02.2021
[
ОКОЗ:
1.
09.00.00.00 Тадбиркорлик ва хўжалик фаолияти / 09.15.00.00 Транспорт / 09.15.05.00 Ҳаво транспорти / 09.15.05.05 Ҳаво кемалари, уларнинг экипажи ва бошқа персоналлар]
[
ТСЗ:
1.
Иқтисодиёт / Транспорт. Йўл хўжалиги. Ҳаракат ва парвозлар хавфсизлиги]
Ўзбекистон Республикаси Вазирлар Маҳкамасининг
қарори
«АЭРБАС ИНДАСТРИ» КОМПАНИЯСИ ИШЛАБ ЧИҚАРГАН «А-310» САМОЛЁТИНИ ХАРИД ҚИЛИШНИ МАБЛАҒ БИЛАН ТАЪМИНЛАШ СХЕМАСИ ТЎҒРИСИДА
[Кўчирма]
LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги
қарорига
асосан ўз кучини йўқотган.
«Ўзбекистон ҳаво йўллари» миллий авиакомпанияси ҳаво кемалари паркини янгилаш мақсадида Вазирлар Маҳкамаси қарор қилади:
1. Қуйидагилар:
«Ўзбекистон ҳаво йўллари» миллий авиакомпанияси билан «Аэрбас Индастри» компанияси ўртасида умумий суммаси 68,0 млн АҚШ доллари бўлган битта янги «А-310» самолётини сотиб олишга тузилган контрактга мувофиқ 10,2 млн АҚШ доллари миқдорида 15 фоиз аванс тўланганлиги;
контракт суммасининг қолган 85 фоизи (57,8 млн АҚШ доллари) «Кофас» (Франция), «Гермес» (Германия), Экспорт Кредитлар Кафолати Департаменти (ЕСGD) (Буюк Британия) экспорт кредит агентликларининг кафолати остида «Сосьете Женераль» (Франция) банкининг экспорт кредит агентликларининг суғурта мукофотини ўз ичига олган йиллик фоиз ставкаси 6,8365 фоиз бўлган, 10 йил муддатга бериладиган кредити ҳисобига маблағ билан таъминланиши маълумот учун қабул қилинсин.
2. Молиявий лизингнинг қуйидаги тузилмасига розилик берилсин, унда:
самолётни сотиб олиш учун қарз «Сосьете Женераль» банки томонидан «Кофас», «Гермес», ЕСGD экспорт кредит агентликларининг суғуртаси остида Кайман оролларида рўйхатдан ўтказилган Хива Лизинг Лимитед (Кайман ороллари) («Хива Лизинг») махсус лизинг компаниясига берилади;
«Хива лизинг» компанияси молиявий лизинг даврида, кредит тўлиқ тўлангунгача самолётнинг эгаси ҳисобланади ва уни Ўзбекистон Республикаси Ташқи иқтисодий фаолият миллий банкига ижарага беради;
Ўзбекистон Республикаси Ташқи иқтисодий фаолият миллий банки самолётни «Ўзбекистон ҳаво йўллари» миллий авиакомпаниясига субижарага беради;
«Хива лизинг» «А-310» самолётига гаровни «Сосьете Женераль» фойдасига рўйхатдан ўтказади.
3. Ўзбекистон Республикаси Ташқи иқтисодий фаолият миллий банки ва «Ўзбекистон ҳаво йўллари» миллий авиакомпанияси:
харид қилинаётган самолётни маблағ билан таъминлаш учун зарур бўлган ижара, субижара, гаров ва бошқа битимлар тўғрисида Битимлар тузсинлар ва уларнинг бажарилишини таъминласинлар;
тузилган битимлар шартларига ва Ўзбекистон Республикаси қонун ҳужжатларига мувофиқ самолётни рўйхатдан ўтказсинлар;
субижара, воситачилик ҳақи, фоизлар тўлаш, муддати ўтказиб юборилган тўловларни қоплаш, шунингдек кредитга ва молиявий лизингга хизмат кўрсатишда пайдо бўлувчи бошқа харажатларни тўлаш бўйича мажбуриятлар ўз вақтида бажарилиши юзасидан кафолат битими тузсинлар.
4. Ўзбекистон Республикаси Бош вазирининг ўринбосари Б.С.Ҳамидов Ўзбекистон Республикаси Ташқи иқтисодий фаолият миллий банки ва «Ўзбекистон ҳаво йўллари» миллий авиакомпанияси томонидан ижара, субижара ва битишув бўйича бошқа ҳужжатлар шартларининг бажарилиши юзасидан «Сосьете Женераль», ЕСGD, «Кофас», «Гермес» ва «Хива Лизинг» лизинг компанияси учун мақбул бўлган шакл ва мазмунда Ўзбекистон Республикаси Ҳукумати номидан мажбурият хатини беришга вакил қилинсин.
5. Ўзбекистон Республикаси Молия вазири Ж. Б. Сайфиддинов:
«Сосьете Женераль», ЕСGD, «Кофас», «Гермес» ва «Хива Лизинг» лизинг компанияси фойдасига Ўзбекистон Республикаси Ташқи иқтисодий фаолият миллий банки ва «Ўзбекистон ҳаво йўллари» миллий авиакомпаниясининг ижара, субижара ва битишув бўйича бошқа ҳужжатлар шартларининг ўз вақтида бажарилишини кафолатловчи Ўзбекистон Республикаси Ҳукумати номидан кафолатлар беришга;
субижара тўғрисидаги битим бўйича «Ўзбекистон ҳаво йўллари» миллий авиакомпанияси мажбуриятлари юзасидан Ташқи иқтисодий фаолият миллий банки фойдасига Ўзбекистон Республикаси Ҳукумати кафолатини имзолашга вакил қилинсин.
6. Белгилансинки, кредитларни тўлаш Ижара тўғрисидаги асосий битим ва Субижара тўғрисидаги асосий битим шартларига мувофиқ «Ўзбекистон ҳаво йўллари» миллий авиакомпаниясининг тижорат фаолияти ҳисобига ижара тўлови тўлаш йўли билан амалга оширилади.
8. Ташқи иқтисодий фаолият миллий банки, «Ўзбекистон ҳаво йўллари» миллий авиакомпанияси ва харид қилинадиган самолётни маблағ билан таъминлашнинг бошқа қатнашчилари солиқлар, тўловлар, божлар, воситачилик ҳақининг барча турларидан, ҳужжатлар божхонада ва нотариал расмийлаштирилганлиги, ушбу маблағ билан таъминлаш билан боғлиқ контрактлар ва битимлар рўйхатдан ўтказилганлиги ва қайта рўйхатдан ўтказилганлиги учун йиғимлардан, шунингдек гаров тўғрисидаги шартномалар расмийлаштирилишига тегишли суғурта бўйича мажбурий тўловлардан озод қилинсин.
9. Ўзбекистон Республикаси Адлия вазирлиги харид қилинадиган «А-310» самолётини маблағ билан таъминлаш бўйича «Сосьете Женераль», ЕСGD, «Кофас», «Гермес» ва «Хива Лизинг» лизинг компанияси учун мақбул бўлган шакл ва мазмунда, шунингдек Ўзбекистон Республикаси Ташқи иқтисодий фаолият миллий банки ва «Ўзбекистон ҳаво йўллари» миллий авиакомпаниясининг Ижара ва субижара тўғрисидаги битим мажбуриятлари юзасидан Ўзбекистон Республикаси Ҳукумати кафолатлари бўйича юридик хулоса берсин.
10. Ўзбекистон Республикаси Ташқи иқтисодий алоқалар вазирлиги мазкур битишув амалга оширилиши муносабати билан тузилган контрактлар ва битимларни Ўзбекистон Республикаси қонун ҳужжатларига мувофиқ рўйхатдан ўтказсин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Л. А. Ахметов ва Б. С. Ҳамидов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1998 йил 11 июнь,
246-сон
×
×