Tizimning ushbu imkoniyatidan foydalanish uchun Siz avtorizatsiya qilinishingiz kerak!
Ro‘yxatdan o‘tishni xohlaysizmi? Yoki tizimga o‘z loginingiz bilan kirasizmi?
Avtorizatsiya qilish
Ro‘yxatdan o‘tish
Ру
O'z
Ўз|Ру
Asosiy rekvizitlar
Kodifikatsiya
Qayta ko‘rib chiqilgan hujjatlar
Hujjatni qayta ko‘rib chiqishga asos bo‘lgan hujjatlar
Korrespondentlar
Respondentlar
Joriy versiya
22.02.2021
28.04.1995
Hammasi
Keyingi tahrirga havola
Oldingi tahrirga havola
APK bo‘yicha indekslash
QSUK bo‘yicha indekslash
TTR bo‘yicha indekslash
QMQ bo‘yicha indekslash
O‘zgartirishlar manbasi
Rasmiy nashr manbasi
Sharh
155-сон 28.04.1995
Ҳужжат кучини йўқотган 22.02.2021
[
ОКОЗ:
1.
09.00.00.00 Тадбиркорлик ва хўжалик фаолияти / 09.12.00.00 Қурилиш / 09.12.08.00 Саноат қурилиши]
[
ТСЗ:
1.
Иқтисодиёт / Архитектура ва қурилиш]
Ўзбекистон Республикаси Вазирлар Маҳкамасининг
қарори
БУХОРО ВИЛОЯТИДА НЕФТНИ ҚАЙТА ИШЛАШ ЗАВОДИ ҚУРИЛИШИ ТЎҒРИСИДА
LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги
қарорига
асосан ўз кучини йўқотган.
Бухоро вилоятида нефтни қайта ишлаш заводи қурилишини жадаллаштириш мақсадида Вазирлар Маҳкамаси қарор қилади:
1. «Ўзбекнефтгаз» миллий корпорациясининг заводнинг технология қисмини Франциянинг «Текнип» фирмаси фойдаланишга тайёр ҳолда қуриши тўғрисидаги таклифи қабул қилинсин.
2. «Ўзбекнефтгаз» миллий корпорацияси «Текнип» фирмаси билан, кредитларни суғурта қилиш харажатларини ҳисобга олмаган ҳолда, жами қиймати 672,1 млн. француз франки, 9864,7 млн. япон йени ва 53,4 млн. Америка доллари (Контрактда қайд этилган ҳисоб-китоб курслари бўйича 262 млн. АҚШ долларига тенг) бўлган Бухоро нефтни қайта ишлаш заводи қурилиши тўғрисидаги Контрактни имзоласин.
3. Белгилаб қўйилсинки, лойиҳа бўйича валюта харажатларини маблағ билан таъминлаш:
ушбу лойиҳа учун КОФАС (Франция) кредит агентлиги ҳамда Япония ва АҚШнинг экспорт-импорт банклари томонидан очиладиган кредит линиялари;
Республика валюта жамғармасининг кредитлари ҳисобидан амалга оширилади.
Хорижий давлатларнинг кредитларини ва Республика валюта жамғармасининг кредитини тўлаш 1998 — 2006 йилларда «Ўзбекнефтгаз» корпорацияси маблағлари ҳисобидан амалга оширилади.
4. Ўзбекистон Республикаси Ташқи иқтисодий фаолият миллий банки:
икки ой муддатда экспорт-кредит агентликлари билан кредит битимлари ишлаб чиқилиши ва тузилишини тугалласин;
олинган кредитларни завод қурилишининг буюртмачиси — «Ўзнефтқайтаишлаш» давлат ишлаб чиқариш бирлашмасига маблағ сифатида берсин.
5. Ўзбекистон Республикаси молия вазирига ушбу лойиҳа учун олинадиган кредитлар бўйича Ўзбекистон Республикаси Ҳукумати кафолатларини имзолаш ваколати берилсин.
6. Ўзбекистон Республикаси Адлия вазирлиги белгиланган тартибда экспорт-кредит агентликларининг талабларига мувофиқ Ўзбекистон Республикаси Ҳукумати кафолатлари бўйича юридик хулосаларни расмийлаштирсин.
7. Ўзбекистон Республикаси Молия вазирлиги Республика валюта жамғармасидан Контрактда қайд этилган курс бўйича 138,5 млн. АҚШ долларига тенг бўлган, шу жумладан, аванс тўлаш ва контракт бўйича биринчи навбатдаги тўловлар учун 1995 йилда 69,7 млн (май — 42,7 млн, август — 27,0 млн); лойиҳани маблағ билан таъминлаш жадвалига мувофиқ 1996 йилда — 49,2 млн ва 1997 йилда — 19,6 млн АҚШ долларига тенг миқдордаги Контракт валюталаридаги Кредитни «Ўзнефтқайтаишлаш» бирлашмасига берсин.
8. «Ўзбекнефтгаз» миллий корпорацияси «Ўзистиқболстат» давлат қўмитаси, Молия вазирлиги, Қимматбаҳо металлар ва қимматбаҳо тошлар қўмитаси билан биргаликда заводнинг технологик қурилмалари учун катализаторлар тайёрлашга лицензиарлардан техник талаблар олингандан кейин қимматбаҳо металлар билан таъминлашга оид таклиф киритсин.
9. «Текнип» фирмаси бош контрактор сифатида ва ушбу лойиҳа бўйича унинг хорижий субпудратчилари солиқ тўлашдан озод қилинсин, объектда ишловчи ажнабий фуқаролардан олинадиган даромад солиғи, импорт қилинадиган асбоб-ускуналар ва материаллардан бож пошлинаси ва йиғимлар ундириш ҳам шу жумлага киради.
10. Мазкур қарорнинг бажарилишини назорат қилиш Бош вазирнинг ўринбосарлари Қ.Ж. Ҳаққулов, Р.Р. Юнусов, Б.С. Ҳамидов ва Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1995 йил 28 апрель,
155-сон
×
×