Tizimning ushbu imkoniyatidan foydalanish uchun Siz avtorizatsiya qilinishingiz kerak!
Ro‘yxatdan o‘tishni xohlaysizmi? Yoki tizimga o‘z loginingiz bilan kirasizmi?
Avtorizatsiya qilish
Ro‘yxatdan o‘tish
Ру
O'z
Ўз|Ру
Asosiy rekvizitlar
Kodifikatsiya
Qayta ko‘rib chiqilgan hujjatlar
Hujjatni qayta ko‘rib chiqishga asos bo‘lgan hujjatlar
Korrespondentlar
Respondentlar
Joriy versiya
22.02.2021
16.06.2006
30.04.1999
24.03.1995
Hammasi
Keyingi tahrirga havola
Oldingi tahrirga havola
APK bo‘yicha indekslash
QSUK bo‘yicha indekslash
TTR bo‘yicha indekslash
QMQ bo‘yicha indekslash
O‘zgartirishlar manbasi
Rasmiy nashr manbasi
Sharh
96-сон 24.03.1995
×
×
мундарижа мавжуд эмас
Ҳужжат кучини йўқотган 22.02.2021
[
ОКОЗ:
1.
03.00.00.00 Фуқаролик қонунчилиги / 03.08.00.00 Мулк ҳуқуқи ва бошқа ашёвий ҳуқуқлар / 03.08.05.00 Давлат тасарруфидан чиқариш ва хусусийлаштириш (шунингдек, 08.01.06.00га қаранг) / 03.08.05.01 Умумий қоидалар;
2.
09.00.00.00 Тадбиркорлик ва хўжалик фаолияти / 09.01.00.00 Тадбиркорлик тўғрисидаги қонунчилик / 09.01.09.00 Тадбиркорларни давлат томонидан қўллаб-қувватлаш ва ҳуқуқларини ҳимоя қилиш;
3.
09.00.00.00 Тадбиркорлик ва хўжалик фаолияти / 09.14.00.00 Қишлоқ хўжалиги / 09.14.09.00 Қишлоқ хўжалиги тармоқлари / 09.14.09.07 Чорвачилик. Қоракўлчилик]
[
ТСЗ:
1.
Фуқаролик қонунчилиги. Тадбиркорлик / Давлат тасарруфидан чиқариш ва хусусийлаштириш;
2.
Иқтисодиёт / Қишлоқ хўжалиги]
Ўзбекистон Республикаси Вазирлар Маҳкамасининг
қарори
ЧОРВАЧИЛИКДА ХУСУСИЙЛАШТИРИШНИ ДАВОМ ЭТТИРИШ ВА ХУСУСИЙ ТАДБИРКОРЛИКНИ ҚЎЛЛАБ-ҚУВВАТЛАШ ЧОРА-ТАДБИРЛАРИ ТЎҒРИСИДА
LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги
қарорига
асосан ўз кучини йўқотган.
LexUZ шарҳи
Ўзбекистон Республикаси Вазирлар Маҳкамасининг 1999 йил 30 апрелдаги 202-сонли
қарорига
мувофиқ мазкур қарор матнидаги Ўзбекистон Республикаси Қишлоқ хўжалиги вазирлигига кўрсатмалар Ўзбекистон Республикаси Қишлоқ ва сув хўжалиги вазирлигига кўрсатмалар билан алмаштирилган.
Ўзбекистон Республикаси Президентининг «Хусусий тадбиркорликда ташаббус кўрсатиш ва уни рағбатлантириш тўғрисида»ги
Фармонини
бажариш ҳамда чорвачиликда иқтисодий ислоҳотларни чуқурлаштириш мақсадида Вазирлар Маҳкамаси қарор қилади:
1. Қорақалпоғистон Республикаси Вазирлар Кенгаши, вилоятлар ва туманлар ҳокимликлари Ўзбекистон Республикаси Қишлоқ хўжалиги вазирлигига, «Ўзмевасабзавотузумсаноат» уюшмаси, Ўзбекистон қишлоқ хўжалиги фанлари академияси Давлат мулки қўмитаси билан биргаликда 1995 йил охиригача, қонунчиликда белгиланган тартибда, чорвачилик маҳсулотлари етиштиришга ихтисослаштирилмаган хўжаликлар чорвачилик фермаларининг хусусийлаштирилишини таъминласинлар.
2. Чорвачилик фермаларини хусусийлаштиришни амалга ошириш учун тегишли хўжаликларда туман ҳокимликлари, хўжаликлар, қишлоқ хўжалиги органлари ва жамоатчилик вакилларидан иборат таркибда махсус комиссиялар тузилсин.
3. Қишлоқ хўжалиги вазирлигига, Давлат мулки қўмитаси, Молия вазирлиги ва Адлия вазирлиги билан биргаликда икки ҳафта муддатда:
чорва моллари, бинолар ва асбоб-анжомларни танлов — кимошди савдоси асосида сотиш;
LexUZ шарҳи
Қаранг: Чорва-моллари, бинолар ва асбоб-анжомларни танлов — кимошди савдоси асосида сотиш
тартиби
(рўйхат. 136, 20.04.1995 й.).
ер майдонларини умрбод эгалик қилиш учун янги мулкдорларга сотиш;
чорва моллари ва бошқа мулклар қийматини тўлаш муддатини узайтириш тартибини ишлаб чиқсин ва тасдиқласин.
Олдинги
таҳрирга қаранг.
4. Ўзбекистон Республикаси Қишлоқ ва сув хўжалиги вазирлиги, Қорақалпоғистон Республикаси Вазирлар Кенгаши, вилоятлар ва туманлар ҳокимликлари хусусийлаштирилган фермаларга чорва озуқаси етиштириш учун, ҳар бир хўжаликнинг аниқ табиий-иқтисодий ҳудудларини ва ер ресурсларини ҳисобга олган ҳолда, шартли ҳар бош мол ҳисобига Андижон, Фарғона, Наманган, Тошкент, Хоразм ва Самарқанд вилоятларида 0,3 гектардан, Қорақалпоғистон Республикасида ва бошқа вилоятларда 0,45 гектардан суғориладиган ерлар, лалми ерларда эса 2 гектардан ер ажратсинлар.
(4-банд Ўзбекистон Республикаси Вазирлар Маҳкамасининг 1999 йил 30 апрелдаги 202-сонли
қарори
таҳририда)
5. Ўзбекистон Республикаси Қишлоқ хўжалиги вазирлиги, «Ўзмевасабзавотузумсаноат» уюшмаси, Ўзбекистон қишлоқ хўжалиги фанлари академияси, Қорақалпоғистон Республикаси Вазирлар Кенгаши ва вилоятлар ҳокимликлари чорвачилик фермаларини хусусийлаштиришда янги мулкдорларнинг улуш қўшиб қатнашишлари асосида мавжуд коммуникациялар, озуқа цехлари, транспорт воситалари ва қишлоқ хўжалиги техникаси негизида ширкатлар ташкил этишни назарда тутсинлар.
Хусусийлаштирилган фермаларга 1995 йилда Қишлоқ хўжалиги вазирлиги, «Ўзмевасабзавотузумсаноат» уюшмаси ва Ўзбекистон қишлоқ хўжалиги фанлари академияси лимитлари ҳисобига давлат ресурсларидан пахта шроти ажратиш бўйича топшириқ 2-иловага
*
мувофиқ тасдиқлансин.
* 2-илова берилмайди.
[
ОКОЗ:
1.
09.00.00.00 Тадбиркорлик ва хўжалик фаолияти / 09.14.00.00 Қишлоқ хўжалиги / 09.14.10.00 Наслчилик. Селекция. Илғор хўжаликлар]
6. Хусусийлаштирилган фермалар, фермер ва деҳқон хўжаликларидаги маҳсулдор моллар подасини мунтазам янгилаб бориш мақсадида наслчилик заводлари ва хўжаликларининг рўйхати
3-иловага
мувофиқ тасдиқлансин.
(6-банд Ўзбекистон Республикаси Вазирлар Маҳкамасининг 1999 йил 30 апрелдаги 202-сонли
қарори
таҳририда)
Ўзбекистон Республикаси Қишлоқ хўжалиги вазирлигига Қорақалпоғистон Республикаси Вазирлар Кенгаши ва вилоятлар ҳокимликлари, республиканинг манфаатдор ташкилотлари билан келишган ҳолда, икки ҳафта муддатда, ихтисослаштирилган наслчилик хўжаликлари рўйхатини аниқласин ва тасдиқласин ҳамда Андижон, Наманган, Самарқанд, Тошкент ва Фарғона вилоятларида янги наслчилик заводлари ва хўжаликлари ташкил этиш тўғрисида таклиф киритсин.
7. Ўзбекистон Республикаси Қишлоқ хўжалиги вазирлиги, «Ўзистиқболстат» давлат қўмитаси, Молия вазирлиги бир ой муддатда Вазирлар Маҳкамасига:
чорва наслчилигини давлат томонидан қўллаб-қувватлаш, уни Давлат ресурсларидан омихта ем билан таъминлаш чора-тадбирлари тўғрисида;
Қишлоқ хўжалиги вазирлиги ҳузурида Чорвачиликда наслчилик ишлари бўйича давлат инспекцияси ташкил этиш тўғрисида таклифлар киритсинлар.
8. Ўзбекистон Республикаси Қишлоқ хўжалиги вазирлиги, «Ўзқишлоқхўжаликтаъминоттузатиш» давлат-кооператив қўмитаси, Қорақалпоғистон Республикаси Вазирлар Кенгаши, вилоятлар ҳокимликлари чорвачиликда зооветеринария пунктлари ва техник сервис станциялари тармоғини ривожлантиришни ҳамда уларнинг моддий-техника базасини мустаҳкамлашни таъминласинлар.
9. «Ўзгўштсутсаноат» ва «Ўзбексавдо» давлат уюшмалари, бошқа тайёрлов ташкилотлари фермерлар, хўжаликлар ва аҳолидан чорвачилик маҳсулотларини тузилган шартномалар бўйича бевосита жойнинг ўзида қабул қилиб олишни амалга оширсинлар.
10. «Ўздавнефтмаҳсулот» бирлашмаси, «Ўзқишлоқхўжаликтаъминоттузатиш» давлат-кооператив қўмитаси ва Қишлоқ хўжалиги вазирлиги хусусийлаштирилган чорвачилик фермалари ва деҳқон (фермер) хўжаликлари эҳтиёжлари учун 1995 йилда вазирлик фондидан ёнилғи-мойлаш материалларини 4-иловага
*
мувофиқ миқдорларда ажратсинлар.
* 4-илова берилмайди.
11. Ўзбекистон Республикаси Молия вазирлиги, Давлат солиқ қўмитаси, Қишлоқ хўжалиги вазирлиги маҳсулот етиштириш учун қулай шарт-шароитлар яратиш ва уни янада кўпайтиришни таъминлаш мақсадида бир ой муддатда чорвачилик маҳсулотлари етиштирувчи хусусийлаштирилган фермалар, деҳқон (фермер) хўжаликлари ва аҳолидан солиқ олишни такомиллаштириш бўйича таклифлар киритсинлар.
Олдинги
таҳрирга қаранг.
12. Белгилаб қўйилсинки, хусусийлаштирилган фермаларни, фермер хўжаликларини молиявий қўллаб-қувватлаш «Микрокредитбанк» акциядорлик-тижорат банки ва унинг жойлардаги муассасалари фаолиятининг устувор йўналиши ҳисобланади.
(12-банд Ўзбекистон Республикаси Вазирлар Маҳкамасининг 2006 йил 16 июндаги 117-сонли
қарори
таҳририда— ЎР ҚҲТ, 2006 й., 24-сон, 219-модда)
13. Давлат мулки қўмитаси кичик ва ўрта тадбиркорликни ривожлантиришга кўмаклашувчи жамғармадан фермер хўжаликларини қўллаб-қувватлаш учун маблағлар ажратишни назарда тутсин.
14. «Ўзистиқболстат» давлат қўмитаси Ўзбекистон Республикаси қишлоқ хўжалиги вазирлиги, бошқа вазирликлар ва идоралар, Қорақалпоғистон Республикаси Вазирлар Кенгаши ҳамда вилоятлар ҳокимликлари билан биргаликда икки ой муддатда аҳоли хўжаликлари ва фермер хўжаликларидаги чорва молларини ҳамда чорвачилик маҳсулотлари етиштиришни статистик ҳисобга олиш тартибини ишлаб чиқсин ва жорий этсин.
(12—14-бандлар Ўзбекистон Республикаси Вазирлар Маҳкамасининг 1999 йил 30 апрелдаги 202-сонли
қарори
таҳририда)
15. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари И. Жўрабеков зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1995 йил 24 март,
96-сон
×
×