Tizimning ushbu imkoniyatidan foydalanish uchun Siz avtorizatsiya qilinishingiz kerak!
Ro‘yxatdan o‘tishni xohlaysizmi? Yoki tizimga o‘z loginingiz bilan kirasizmi?
Avtorizatsiya qilish
Ro‘yxatdan o‘tish
Ру
O'z
Ўз|Ру
Asosiy rekvizitlar
Kodifikatsiya
Qayta ko‘rib chiqilgan hujjatlar
Hujjatni qayta ko‘rib chiqishga asos bo‘lgan hujjatlar
Korrespondentlar
Respondentlar
Joriy versiya
22.02.2021
14.10.1992
Hammasi
Keyingi tahrirga havola
Oldingi tahrirga havola
APK bo‘yicha indekslash
QSUK bo‘yicha indekslash
TTR bo‘yicha indekslash
QMQ bo‘yicha indekslash
O‘zgartirishlar manbasi
Rasmiy nashr manbasi
Sharh
472-сон 14.10.1992
Ҳужжат кучини йўқотган 22.02.2021
[
ОКОЗ:
1.
10.00.00.00 Ташқи иқтисодий фаолият. Божхона иши / 10.01.00.00 Ташқи иқтисодий фаолият соҳасидаги умумий қоидалар / 10.01.04.00 Экспорт ва импорт / 10.01.04.01 Экспорт]
[
ТСЗ:
1.
Ташқи иқтисодий фаолият. Божхона / Экспорт ва импорт]
Ўзбекистон Республикаси Президенти ҳузуридаги Вазирлар Маҳкамасининг
қарори
ПАХТА ТОЛАСИНИ РЕСПУБЛИКАДАН ТАШҚАРИГА ЖЎНАТИШ ТАРТИБИНИНГ ҚОРАҚАЛПОҒИСТОН РЕСПУБЛИКАСИ ВАЗИРЛАР КЕНГАШИ ТОМОНИДАН БУЗИЛИШИ ТЎҒРИСИДА
LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги
қарорига
асосан ўз кучини йўқотган.
Вазирлар Маҳкамаси қайд этадики, белгиланган топшириқлардан ортиқча ишлаб чиқарилган, четга жўнатилиши керак бўлган тола ўрнига, ўрнатилган тартибга зид равишда, Қорақалпоғистон Республикаси Вазирлар Кенгашининг пахта толасини сотиш тўғрисида ўзбошимчалик билан қабул қилган қарорлари натижасида «Каракалпакинторг» ва «Каракалпакхлопкопром» томонидан давлат ресурсларидан Туркиянинг «Язекс» корпорациясига 8,6 минг тонна ва МДҲ мамлакатларига 2,6 минг тонна пахта толаси жўнатилган. Бу билан амалдаги тартибни четлаб ўтган ҳолда толани четга чиқаришга рухсат берган Ўзбекистон Республикаси Ташқи иқтисодий алоқалар вазирлиги ва Давлат божхона қўмитаси назоратсизликка ва юзаки ёндашувга йўл қўйдилар.
Вазирлар Маҳкамаси қарор қилади:
1. Қорақалпоғистон Республикаси Вазирлар Кенгашининг собиқ раиси (ўртоқ Тожиев)га, Ўзбекистон Республикаси Ташқи иқтисодий алоқалар вазирлиги (ўртоқ Султонов)га, «Ўзпахтасаноат» республика ишлаб чиқариш бирлашмаси (ўртоқ Мақсудов)га ва Давлат божхона қўмитаси (ўртоқ Орипов)га пахта толасини Қорақалпоғистон Республикасидан четга чиқариш ҳужжатларини расмийлаштиришда юзаки ёндашилганлик кўрсатиб ўтилсин. Улардан толани Ўзбекистон Республикасидан ташқарига жўнатишнинг асосланганлиги бўйича назоратни кучайтириш талаб қилинсин.
2. Қорақалпоғистон Республикаси Вазирлар Кенгашининг раиси ўртоқ Р.И. Йўлдошев пахта толасини Ўзбекистон Республикасидан ташқарига жўнатиш бўйича ҳуқуққа зид ва ўзбошимчалик билан қарорлар қабул қилишга бундан кейин йўл қўймаслик тўғрисида огоҳлантирилсин.
Қорақалпоғистон Республикаси Вазирлар Кенгашига «Каракалпакинторг» бош директори ўртоқ М.А. Мамбетназаровнинг ва «Каракалпакхлопкопром» бошлиғи ўртоқ Т. Полуашевнинг мазкур пахта толасини сотишда йўл қўйган бузилишлар учун эгаллаб турган лавозимларида қолиш-қолмасликлари тўғрисидаги масалани кўриб чиқиш юклатилсин.
1992 йилда ноқонуний сотилган пахта толаси ҳажмининг ўрни шу йилги режадаги пахта ҳосилининг 15 фоизи ва режадан ташқари ҳосил ҳисобига тўлдирилсин.
Ўзбекистон Республикасининг Бош вазири А. МУТАЛОВ
Тошкент ш.,
1992 йил 14 октябрь,
472-сон
×
×