Қорақалпоғистон Республикасида, Бухоро, Самарқанд, Сурхондарё ва Фарғона вилоятларида Вазирлар Маҳкамасининг 1993 йил 7 январдаги 13-сон қарорига мувофиқ давлат хўжаликларини давлат тасарруфидан чиқариш қониқарсиз олиб борилмоқда. Бу ерларда вилоят ташкилотлари билан келишилган жадваллар белгиланган ҳажмда бажарилмаяпти ва деярли тўхтатиб қўйилган. Когон, Бухоро, Қизилтепа, Комсомолобод ва бошқа бир қанча туманларда иш ёмон ташкил этилган.