Tizimning ushbu imkoniyatidan foydalanish uchun Siz avtorizatsiya qilinishingiz kerak!
Ro‘yxatdan o‘tishni xohlaysizmi? Yoki tizimga o‘z loginingiz bilan kirasizmi?
Avtorizatsiya qilish
Ro‘yxatdan o‘tish
Ру
O'z
Ўз|Ру
Asosiy rekvizitlar
Kodifikatsiya
Qayta ko‘rib chiqilgan hujjatlar
Hujjatni qayta ko‘rib chiqishga asos bo‘lgan hujjatlar
Korrespondentlar
Respondentlar
Joriy versiya
22.02.2021
21.10.1993
Hammasi
Keyingi tahrirga havola
Oldingi tahrirga havola
APK bo‘yicha indekslash
QSUK bo‘yicha indekslash
TTR bo‘yicha indekslash
QMQ bo‘yicha indekslash
O‘zgartirishlar manbasi
Rasmiy nashr manbasi
Sharh
514-сон 21.10.1993
Ҳужжат кучини йўқотган 22.02.2021
[
ОКОЗ:
1.
10.00.00.00 Ташқи иқтисодий фаолият. Божхона иши / 10.01.00.00 Ташқи иқтисодий фаолият соҳасидаги умумий қоидалар / 10.01.04.00 Экспорт ва импорт / 10.01.04.02 Импорт]
[
ТСЗ:
1.
Ташқи иқтисодий фаолият. Божхона / Экспорт ва импорт]
Ўзбекистон Республикаси Вазирлар Маҳкамасининг
қарори
1992 ВА 1993 ЙИЛЛАР ҲОСИЛИДАН ПАХТА ТОЛАСИНИ СОТИШНИ ТАРТИБГА СОЛИШ ТЎҒРИСИДА
LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги
қарорига
асосан ўз кучини йўқотган.
Вазирлар Маҳкамаси қайд қиладики, хўжаликлар ихтиёрида қолдириладиган пахта толаси ва бошқа маҳсулотларни сотиш бўйича Қорақалпоғистон республика ва вилоятлар уюшмалари томонидан товар айирбошлаш (бартер) операцияларини бажаришда пахта толасидан нооқилона фойдаланишнинг кўплаб ҳолларига йўл қўйилмоқда. Тола иккинчи даражали товарлар ва ресурсларга алмаштириш учун жўнатилмоқда, айирбошлашнинг тенг қийматлилигига ҳамма вақт ҳам риоя қилинмаяпти. Баҳосини пасайтириш каби суиистеъмолликлар ва бунинг ҳисобига пора олиш ҳоллари кўплаб юз бермоқда.
Пахта толасини сотиш кўпинча бир қанча воситачилар иштирокидa ҳамда туманлар ва вилоятлар ҳокимликларининг аралашуви билан амалга оширилмоқда.
Буларнинг барчаси амалга оширилаётган бартер битишувларининг самарадорлигини пасайтирмоқда, республика халқ хўжалигига иқтисодий зарар етказмоқда, хўжаликларнинг мустақиллигини ва ташаббусини бўғиб қўймоқда.
Пахта толаси ресурсларидан оқилона фойдаланиш ва уни МДҲ мамлакатларидаги истеъмолчиларга сотишда зарур тартиб ўрнатиш мақсадида Вазирлар Маҳкамаси қарор қилади:
1. «Ўзшартномасавдо» ва «Ўздавпахтасаноатсотиш» уюшмалари ҳукуматлараро битимлар бўйича барча пахта толасини сотишни, экспортга етказиб бериш ва эркин алмаштириладиган валютага сотишдан ташқари, республикага энг зарур товарларни, биринчи навбатда озиқ-овқат ва хом ашё келтиришни назарда тутган ҳолда мутлақо клиринг асосида амалга оширсинлар.
2. Белгилаб қўйилсинки, хўжаликлар ихтиёрида қолдириладиган барча пахта толаси Қopaқaлпoғиcтoн республика ва вилоят уюшмалари орқали истеъмолчилар билан тузиладиган тўғридан- тўғри шартномалар асосида асосан эркин алмаштириладиган валютага улар томонидан мустақил сотилади. Қолганлари белгиланган тартибда озиқ-овқат ва моддий-техника ресурсларига алмаштирилиб фақат клиринг асосида ва бартер шартлари бўйича сотилади, республика истеъмолчилари бундан мустаснодир.
3. «Ўздавпахтасаноатсотиш» уюшмаси (ўртоқ Зикриёев), унинг вилоят бўлинмалари давлат ресурсларидаги ва хўжаликлар ихтиёрида қолдириладиган пахта толасидан мақсадга мувофиқ фойдаланиш устидан қатъий ҳисоб-китоб ва назорат ўрнатсинлар.
4. Қорақалпоғистон Республикаси Вазирлар Кенгаши, вилоятлар ва туманлар ҳокимликлари хўжаликлар ихтиёрида қолдириладиган пахта толасини сотишда уларнинг манфаатлари ва ҳуқуқлари камситилишига йўл қўймасинлар, пахта толаси ресурсларини ўта тақчил бўлмаган товар-моддий ресурсларини республикага келтиришга жалб қилиш ҳолларининг олдини олсинлар.
5. Мазкур қарорнинг бажарилиши учун шахсий жавобгарлик «Ўздавпахтасаноатсотиш» уюшмаси (ўртоқ Зикриёев), «Ўзшартномасавдо» давлат уюшмаси (ўртоқ Шарипов), Ташқи иқтисодий алоқалар вазирлиги (ўртоқ Рустамбеков), Ўрта Осиё Темир йўл бошқармаси (ўртоқ Желтоухов), «Ўзавтотранс» корпорацияси (ўртоқ Ахметов), Божхона қўмитаси (ўртоқ Абдуғаниев) раҳбарлари зиммасига юклатилсин.
Вазирлар Маҳкамасининг Раиси И. КАРИМОВ
Тошкент ш.,
1993 йил 21 октябрь,
514-сон
×
×